مەملەكەتتىك تىلگە ماڭىز بەرىلدى

سارسەنبى كۇنى جوعارعى سوتتا ەلىمىز حالىقتارى تىلدەرىنىڭ كۇنى مەرەكەسىنە وراي, سوت جۇيەسىندە مەملەكەتتىك ءتىلدى قولدانۋ اياسىن كەڭەيتۋ ماقساتىندا “سوت ىستەرىن مەملەكەتتىك تىلدە جۇرگىزۋ­دىڭ وزەكتى ماسەلەلەرى” تاقىرىبىندا دوڭگە­لەك ۇستەل ءوتتى. وعان جوعارعى سوت ءتور­اعاسى مۇسابەك الىمبەكوۆ, پارلا­مەنت ءماجىلىسىنىڭ دەپۋتاتتارى يراق ەلەكەەۆ, رامازان سارپەكوۆ, استانا قالاسى ءتىل­دەردى دامىتۋ باسقارماسىنىڭ باستىعى ورازكۇل اسانعازى, سونداي-اق جوعارعى سوت سۋديالارى, اپپاراتتىڭ قۇرىلىم­دىق بولىمدەرى باسشىلارى قاتىسىپ, وي ءبولىستى. دوڭگەلەك ۇستەلدى كىرىسپە سوزبەن اشقان جوعارعى سوت توراعاسى مۇسابەك الىمبەكوۆ “بۇگىنگى باسقوسۋداعى نەگىزگى ماقسات سوت ءىسىن مەملەكەتتىك تىلدە جۇرگىزۋ ماسەلەسى بويىنشا جيناقتالىپ قالعان كوكەيكەستى پروبلەمالاردى تالقىلاۋ” دەپ اتالمىش شارانىڭ ماڭىزدىلىعىنا نازار اۋداردى. باسقوسۋدا ءسوز العان استانا قالاسى تىلدەردى دامىتۋ باسقارماسىنىڭ باستى­عى ورازكۇل اسانعازى ءدال ءتىل مەرەكەسى كۇنى وسىنداي ءىس-شارانى ۇيىمداستى­رىپ, وعان ءوزى تىكەلەي ۇيتقى بولعان جوعارعى سوت توراعاسى م.الىمبەكوۆكە ريزاشىلىعىن بىلدىرە كەلە, مەملەكەتتىك ءتىلدى دامىتۋعا قاتىستى ءوز ۇسىنىستارى مەن پىكىرلەرىن ورتاعا سالدى. ءابدىراحمان قىدىربەك.