زاڭ ۇستەمدىگىنە قول جەتكىزىلسىن

بۇعان دەيىن حابارلاعانى­مىز­داي, قىرعىزستانداعى پارلامەنت سايلاۋى الدىنداعى احۋالمەن تانىسۋ ءۇشىن ەقىۇ ءىس باسىن­داعى توراعاسىنىڭ ارناۋلى وكىلى, پارلامەنت ءماجىلىسى ءتور­اعاسىنىڭ ورىنباسارى ج.كارىب­جانوۆ ەو-نىڭ ورتالىق ازيا ەلدەرى بويىنشا ارناۋلى وكىلى پ.مورەل جانە بۇۇ-نىڭ ورتا­لىق ازياداعى ايماقتىق ورتا­لىعىنىڭ باسشىسى م.ەنچەيمەن بىرگە 2010 جىلدىڭ 13-15 قىر­كۇيەگى ارالىعىندا قىرعىز رەسپۋبليكاسىنا بارىپ قايتقانى بەلگىلى. ساپار بارىسىندا حالىقارا­لىق ۇيىم وكىلدەرى وتپەلى كەزەڭ وكىمەتى باسشىلارىمەن, ساياسي پارتيالار جانە ۇكىمەتتىك ەمەس ۇيىمدار وكىلدەرىمەن, ەقىۇ-عا مۇشە مەملەكەتتەردىڭ ديپلوما­تيالىق ميسسيالارى باسشىلارى­مەن جاعدايدى جان-جاقتى تالقى­لاپ, كونسۋلتاتسيالار الدى جانە حالىقارالىق قوعامداستىقتىڭ قىرعىز رەسپۋبليكاسىنا قاتىس­تى شارالارىن ۇيلەستىرۋ ماسە­لەلەرىن قاراستىردى. قىرعىز رەسپۋبليكاسىنىڭ وتپەلى كەزەڭدەگى پرەزيدەنتى ر.وتۋنباەۆا ەلدەگى قاۋىپسىزدىك پەن تۇراقتىلىقتى ساقتاۋداعى حالىقارالىق قوعامداستىقتىڭ جاساپ جاتقان ارەكەتتەرىنە, سونىڭ ىشىندە ەقىۇ-نىڭ قازاق­ستاندىق توراعالىعىنىڭ زاڭ ۇستەمدىگىنىڭ ساقتالۋى مەن ەكو­نوميكانى تۇراقتاندىرۋ باعى­تىن­دا اتقارىپ جاتقان ناقتىلى قولداۋلارىنا ريزاشىلىعىن ءبىلدىردى. ءبىرىنشى ۆيتسە-پرەمەر ا.مۇراليەۆپەن بولعان كەزدەسۋدە ەلدىڭ وڭتۇستىك ايماعىن قالپىنا كەلتىرۋ, ەكونوميكانى دامىتۋ, قىسقا دايىندىق ماسەلەلەرى تالقىلاندى. ورتالىق سايلاۋ كوميسسياسىنىڭ توراعاسى ا.سا­ريەۆ سايلاۋعا دايىندىقتىڭ با­رىسىمەن تانىستىردى. 10 قىر­كۇيەكتە قىرعىزستاندا سايلاۋال­دى ناۋقانى باستالعان بولاتىن. ەلدە شامامەن 2 ملن. 700 مىڭ سايلاۋشى بار. سايلاۋعا 29 پارتيا قاتىسادى. بايقاۋشى رەتىندە ەقىۇ دياقب, ەقىۇ پا, تمد پاا, شىۇ, تۇركپا جانە باسقا ۇيىمداردان وكىلدەر كەلمەكشى. رەسەي فەدەراتسياسى پرەزي­دەنتىنىڭ قىرعىزستانمەن اراداعى قاتىناستاردى دامىتۋ جونىندەگى ارناۋلى وكىلى ۆ.رۋشايلومەن بولعان اڭگىمەدە قىرعىزستانداعى سايلاۋ الدىنداعى احۋال, ەكونوميكانىڭ جاعدايى جانە ەلدەگى ساياسي ۇدەرىستەردىڭ دامۋ پەرسپەكتيۆالارى تۋرالى پىكىر الماسىلدى. ۇەۇ وكىلدەرىن سايلاۋمەن قاتار گۋمانيتارلىق كومەكتەردىڭ ادىلەتتى ءبولىنۋ ماسەلەلەرى تول­عاندىرادى ەكەن. وڭتۇستىك اي­ماقتارداعى قۇرىلىس جۇمىستا­رىنا جاريالانعان تەندەرلەردى وتكىزۋدە سىبايلاس جەمقورلىق جانە احۋالدى حالىقتان جاسىرۋ­شىلىق جايلارى بايقالادى. ەلدە ءىىم, سوت جانە پروكۋراتۋرا قىزمەتكەرلەرىنىڭ بىلىكسىزدىگى مەن سىبايلاستىعى تۋرالى جالپى­لاما سىندار كوپ ايتىلادى. وسك-دە تىركەلگەن ساياسي پارتيالار وكىلدەرىن ۇگىت ۇدەرىسى باستالماي جاتىپ اكىمشىلىك رەسۋرستاردىڭ ارالاسۋى مەن ساي­لاۋ قورىتىندىسىن بۇرمالاۋ ءىسى قاتتى تولعاندىرۋدا. ولاردىڭ ويىنشا, بۇل – ەلدەگى جاعدايدى تۇراقسىزداندىرۋعا اكەلەتىن فاكتورلاردىڭ ءبىرى. ساپار قورىتىندىسى بوي­ىنشا ەقىۇ, بۇۇ جانە ەو ارناۋلى وكىلدەرى بىرلەسكەن ءما­لىمدەمە جاساپ, وندا حالىقارا­لىق قوعامداستىقتىڭ ەلدەگى جاعدايدى تۇراقتاندىرۋ ءىسى بويىنشا قىرعىزستاننىڭ وتپەلى كەزەڭىندەگى ۇكىمەتىن جان-جاقتى قولدايتىندىعى ايتىلدى. “ەگەمەن-اقپارات”.