جەتىمدەردى جەبەدى

بەيبىتشىلىك جانە كەلىسىم سارايىندا ءبىلىم جانە عىلىم مينيسترلىگىنىڭ باستاماسىمەن “قۋان, ءسابي!” دەپ اتالاتىن قايىرىمدىلىق اكتسياسى اياسىندا استانا قالاسى بالالاردىڭ قۇقىقتارىن قورعاۋ دەپارتامەنتىنىڭ ۇيىمداستىرۋىمەن “استانا تاڭى – ءسابي كۇلكىسىمەن” اتتى مەرەكەلىك ءىس-شارا ءوتتى. ءبىز ءومىر ءسۇرىپ جاتقان قوعامنىڭ ەڭ ءالسىز, قولداۋدى اسا مۇقتاجدىقپەن قاجەتسىنەتىن توپ – جەتىم بالالار. جانعا باتاتىنى, ونداي جاندار قاتارى بۇگىندە كۇن ساناپ وسۋدە. ولاردىڭ از بولىگى – اتا-انالارىنىڭ قايتىس بولۋىنا بايلانىستى جەتىم قال­سا, قالعاندارى “الەۋمەتتىك جەتىمدەر” دەپ اتالاتىن توپقا جاتا­دى. ياعني, الەۋمەتتىك جەتىمدەر دەپ اتا-اناسى بار, بىراق ولاردىڭ قام­قورلىعىنان تىس قالىپ قويعان بالالاردى ايتامىز. رەسمي دە­رەك­تەرگە سۇيەنسەك, وتانىمىزدا 4,5 ميلليون بالا بار ەكەن. رەس­پۋب­ليكا بويىنشا سونىڭ 46 مىڭى اتا-انا قامقورلىعىنان ايى­رىل­عاندار. بۇگىندە ولاردىڭ 16 مىڭىن مەملەكەت ءوز قاراۋىنا الىپ وتىر. بۇل بالالار وتباسىلىق ءومىردىڭ بەرەكەسى مەن اتا-انا ماحابباتىنا مۇقتاج جاندار. جەتىم كورسەڭ جەبەي ءجۇر دەپ, بۇل شارا قامقورلىقسىز قالعان بالالاردىڭ سانىن ازايتۋعا ارنالىپ وتىر. ارينە, جەتىم بالالارعا ۇكىمەت تاراپىنان عانا كورسەتىلىپ وتىرعان قولداۋ ازدىق ەتەدى. ولار انا مەيىرىمىنە, اكە قامقورلىعىنا, اتا مەن اجەنىڭ ايالى الاقانىنا مۇقتاج. ولارعا قولداۋ كورسەتىپ جۇرگەندەردىڭ “مونتاج دروب سەرۆيس” جشس ديرەكتورى قايىربەك ءابىلدين ۇلى, “دورداسترەيد” جشس كوممەرتسيالىق ديرەكتورى مۇرات سارين, “استاناسترويەنەرگو” جشس ديرەكتورى ەركەعالي تەمىرعالي ۇلى سياقتى باس-اياعى جەتى ازاماتتىڭ جۇرگەنىن ايتا كەتكەنىمىز ابزال. جۇلدىز ءبايدىلدا, ەۋرازيا ۇلتتىق ۋنيۆەرسيتەتىنىڭ ستۋدەنتى.