كەشە...

...قوعامدىق تىڭداۋ ءوتتى قازىرگى كەزدە تالعار, جامبىل, ىلە, قاراساي, تاعى باسقا اۋداندار تۇرعىندارى “كوگىلدىر وتىندى” تۇرمىستارىنا بەرىك ەنگىزدى. ال كەشە تالدىقورعان ايماعىنا گاز قۇبىرىن تارتۋ جونىندە وبلىستىق ەنەرگەتيكا جانە كوممۋنالدىق شارۋاشىلىق باسقارماسى مەن كاتەك عىلىمي-جوبالاۋ كومپا­نيا­سى بىرلەسىپ, قوعامدىق تىڭداۋ ءوت­كىزدى, تەحنيكا-ەكونوميكالىق جوبا ۇلگىسىن كوپشىلىك نازارىنا ۇسىندى. اتالعان جوبانىڭ قۇنى 17,2 ملرد.تەڭگە بولسا, گاز قۇبىرى كەر­بۇلاق, كوكسۋ اۋداندارى ارقىلى جول بويىنداعى ەلدى مەكەندەردى قامتىپ, تالدىقورعانعا جەتكىزىل­مەك. كۇمىسجان بايجان. الماتى وبلىسى. * * * ...ءشامشى اندەرىنەن شاشۋ شاشىلدى ءمادينا ەراليەۆا اتىنداعى مادەنيەت ۇيىندە ەسىمى ەلىمىزگە ايگىلى كومپوزيتور ءشامشى قالداياقوۆتىڭ تۋعانىنا 80 جىل تولۋىنا وراي “باقىت قۇشاعىندا” اتتى مۋزىكا­لىق كەش ءوتىپ, ءشامشى اندەرىنەن كوپشىلىككە شاشۋ شاشىلدى. اسەرلى ءان كەشىنە بەلگىلى ءانشى­لەر­مەن بىرگە جاس انشىلەر دە قاتى­سىپ, اتاقتى كومپوزيتوردىڭ تۋىن­دىلارىمەن كورەرمەندەردىڭ قۇلاق قۇرىشىن قاندىردى. كەش بارى­سىندا مادەنيەت ءۇيى كوركەم­ونەر­پازدارى مەن “دارىن” ءان ءۇيىر­مەسىنىڭ بالاۋسا انشىلەرى ءشامشى قالداياقوۆتىڭ حالىققا تانىمال, كوپشىلىك ءسۇيىپ تىڭدايتىن اندەرىن اۋەلەتە شىرقاپ, كوپشىلىك قۇرمەتىنە بولەندى. ەركىن ءابىل. قىزىلوردا. * * * ...جەڭىمپازدار انىقتالدى كوكشەتاۋدا “قازاقستاننىڭ ۇزدىك تاۋارلارى” ءداستۇرلى بايقاۋ كورمەسى ۇيىمداستىرىلدى. وعان بارلىق اۋداندار مەن وبلىستىق دەڭگەيدەگى ەكى قالانىڭ ىرىكتەۋ باسەكەسىندە وزىپ شىققان بەتكە ۇستار كاسىپورىندارى قاتىستى. قازىلار القاسى ەكى كۇندىك تال­قىلاۋدان كەيىن “ۇزدىك ازىق-ت ۇلىك تاۋارلارى”, “وندىرىستىك ماقسات­تا­عى ءۇز­دىك تاۋارلار” جانە “تۇرعىن­دارعا ارنالعان تۇتىنۋ تاۋارلارى” سانا­تىنداعى 10 كاسىپورىندى تاڭ­داۋ­­لىلار تۇعىرىنا كوتەردى. ولار­دىڭ اراسىندا استراحان اۋدانىن­داعى “كولۋتون-95” جشس, جاقسى اۋدا­نىنداعى “ايبات” جشس, زە­رەندى اۋدانىنداعى ايدابول سپيرت زاۋىتى, ت.ب.ءوندىرىس ورىندارى بار. باقبەرگەن امالبەك. اقمولا وبلىسى. * * * ...اۋباكىروۆتىڭ سۋرەت كورمەسى اشىلدى الديار اۋباكىروۆ – شىعىس وڭىرىنە ەسىمى جاقسى تانىس, مەم­لەكەتتىك قىزمەتتە جاۋاپتى ادام بول­سا دا ولەڭ جازىپ, سۋرەت سالا­تىن, بەلگىلى قىلقالام يەلەرىنىڭ تا­ماشا سۋرەتتەرىن جينايتىن ازامات. ونىڭ 300-دەن استام سۋرەتى بار. كەشە ا.اۋباكىروۆتىڭ سوڭعى جيىرما شاقتى جىلدا جيناعان سۋرەتتەرى وبلىستىق ا.پۋشكين اتىن­داعى كىتاپحاناعا كورمەگە قوي­ىلدى. ونى تاماشالاپ جاتقاندار از ەمەس. وڭداسىن ەلۋباي. وسكەمەن.