دەپۋتات اكىموۆ قايدا ءجۇر؟..

گازەتى­مىزدىڭ بۇ­رىن­عى ساندا­رىن­دا ءبىز قالالىق ءماس­ليحاتتىڭ دە­پۋ­تاتتارى اتانىپ, كەيىننەن ء“تار­تىپسىزدىكتەرى ءۇشىن” كوزگە ءتۇسىپ قال­عان كەيبىر “حالىق قالاۋلى­لارى” جايلى جازعان بولا­تىن­بىز. ونىڭ ءبىرى – “دارىن” مەملەكەتتىك جاستار سىيلى­عىنىڭ لاۋرەاتى, “نۇر وتان” پار­تيا­سىنىڭ مۇشەسى سەرگەي تۋپيتسىن بول­سا, ەكىنشىسى – وسى ءماس­لي­حات­تىڭ حات­شى­سى ۆلاديمير لەبەد. ەل قۇلاعى ەلۋ دەيدى. ناتيجەسىندە, س.تۋپيتسىن سوت­تالىپ, سەمەي جاق­تاعى تۇرمەلەر­دىڭ بىرىندە جازاسىن وتەسە, ال حات­شى­سى ورنىنان كەتىپ, قازىر قالالىق ءماس­ليحاتتى ميحايل جەلنوۆ باسقارادى. ودان كەيىن دە ماسليحاتقا ونىڭ نە ەكەنىن ءالى تۇسىنە قوي­ماي­تىنداي كو­رىنەتىن ميرحات سەرىك­باەۆ, ارمان الياكپاروۆ سياقتى “بالا” دەپۋتات­تار كەلدى. م.سەرىك­باەۆ­تىڭ كەزىندە ء“سات­­باەۆ­قا نەگە ەسكەرتكىش قوي­دىق؟” دەپ جەرگىلىكتى تەلەديدارعا شى­عىپ سۇراۋ سالعانى بار. “ە, قايت­سىن ەندى, ءالى جاس قوي, تۇسىنەر”, دەدىك. وسىندايدا, قا­لاي دەسەك تە, ورىس­شا ءبىلىم الىپ, تاربيەلەنگەن “بالا” دەپۋتاتتارعا قا­راپ كۇيىنە­تى­نىڭ راس. كەي-كەيدە ا.ءالي­اكپاروۆ­تىڭ دا تەلەديداردان جۋرناليستەرگە سۇحبات بەرىپ تۇرعانىن كورىپ, قارنىڭ اشادى. “شىركىن, ءبىزدىڭ ەلدىڭ حالىقتىڭ قامىن جەيتىن شىن پاتريوت جىگىتتەرى قايدا ءجۇر ەكەن”, دەپ امالسىزدان ويلاناسىڭ. ءبىز بۇل جەردە ارمان الياكپا­روۆ­تى سىناپ-مىنەيىك دەپ وتىرعانى­مىز جوق, قايتا جاس جىگىت وسىنداي دارە­جەسىن ءارى قاراي دامىتىپ, شىڭ­دال­سىن دەيمىز-داعى. ەكىنشى­دەن, حالىق دەپۋتات بولىپ ماقسات-مۇددە ۇدە­سىنەن شىعا الاتىن, ەل-جۇرتتىڭ الدىندا “كۇلكىلى” كەيىپ­تە ءجۇر­مەي­تىن ءبىلىمى كەڭ, وي-ءورىسى جو­عا­رى ادام سايلانعانىن قالايدى. جەرگىلىكتى بيلىك ورىن­دا­رىنىڭ “مى­نا بالا دەپۋتات بولسىن” دەگەن  “جولداماسىمەن” ءوتىپ كەتەتىن­دەر­دىڭ سوڭىنان شيكىلىگى شى­عىپ جاتا­تى­نى دا قايبىر جاق­سىلىق دەيسىز. تاعى ءبىر تاڭ­قالارلىعى – بىزدە قالالىق ءماس­لي­حاتقا دەپۋتات بولىپ سايلانعان جاس­تاردىڭ مىندەتتى تۇردە قازاقشاسى اقساپ جاتادى ءارى ول ازداي, قازاقى تىرلىككە سول كوزبەن قارايتىندار بولىپ شىعادى. سىلامبەك اكىموۆ قالالىق ءماس­ليحاتقا دەپۋتات بولىپ سايلانعان­دا ءبىراز جۇرت “بۇل قالاي بولدى؟” دەپ تاڭدانىستارىن جاسىرا الما­عان-تىن. ال قازىر سول سىلامبەك اكىموۆتىڭ قاي­دا جۇرگەندىگى تۋرالى ەشكىم ءبىل­مەيدى. ول جايىندا قالا­لىق ءماس­لي­حات­قا حابارلاسقانى­مىز­دا, ءماسلي­حات­تىڭ حاتشىسى مي­حايل جەلنوۆتان: ء“بىز دە بىلمەيمىز قايدا جۇرگەنىن, ول جاعى بىزگە دە ءمالىم ەمەس”, دەگەن جاۋاپ الدىق. سويتسەك, س.اكىموۆ شىنىمەن دە قالالىق ءماسليحاتتىڭ 25-ءشى جانە 26-شى سەسسيالارىنا قاتىس­پاپتى دا. ال ءماسليحات اپپاراتى­نىڭ قىزمەتكەرلە­رى ونى ىزدەپ, جۇمىس, ءۇي جانە ۇيالى تەلەفون­دارىنا حابارلاسسا دا, ونى تابۋ مۇمكىن بولماعان. سون­دىق­تان دەپۋتاتتىڭ سەسسيا جۇمىس­تا­رىنا كەلمەۋ سەبەبى تۋرالى ناق­تى تۇجىرىم جاساۋ دا مۇمكىن ەمەس ەكەن. ال ەلىمىزدىڭ “جەرگىلىكتى مەملەكەتتىك باسقارۋ جانە ءوزىن-ءوزى باسقارۋ تۋ­را­لى” زاڭىنىڭ 20-بابى 3-تارماعىنىڭ 9-تارماقشاسىندا دەپۋتات ءوز مىندەت­تەرىن جۇيەلى تۇردە ورىنداماسا, ونىڭ ىشىندە ءماسليحات سەسسياسىنىڭ جالپى وتىرىسىنا دالەلدى سەبەپتەرسىز قا­تارىنان ءۇش رەتتەن ارتىق قاتىسپاسا, ءماسليحات دەپۋتاتىنىڭ وكىلەتتىگى توقتاتىلا­دى دەپ كورسەتىلگەن. اتالعان باپتىڭ 4-تارماعىنا سايكەس, دەپۋتات­تىڭ وكىلەتتىگىن مەرزىمىنەن بۇرىن توق­تاتۋ تۋرالى شەشىم اۋماقتىق ساي­لاۋ كوميسسياسىنىڭ ۇسىنۋى بوي­ىن­شا, قاتىسىپ وتىرعان دەپۋتات­تاردىڭ جالپى سانىنىڭ كوپشىلىك داۋىسىمەن ءماسليحات سەسسياسىندا قابىلدانادى. بۇل – ءبىر. ەكىنشىدەن, “نۇر وتان” حدپ قالالىق بولىمشەسىنىڭ بيىل­عى جىلعى 10 ماۋسىمداعى قاۋ­لىسىمەن س.اكىموۆ پارتيا ءمۇد­دەسىنە زيان كەلتىرەتىن, پارتيانىڭ بەدەلىن ءتۇسى­رەتىن ءىس-ارەكەتتەرى مەن باسقا دا ارەكەتتەرى ءۇشىن; پارتيا جارعىسىن ساقتاماعانى ءۇشىن, “نۇر وتان” پار­تيا­سى قاتارىنان شىعارىلعان بولاتىن. فاريدا بىقاي. پاۆلودار.