ەلباسى قابىلدادى

مەملەكەت باسشىسى نۇرسۇل­تان نازارباەۆ ۇلتتىق قاۋىپسىزدىك كوميتەتىنىڭ توراعاسى نۇرتاي ءابى­قاەۆتى قابىلدادى, دەپ حابار­لادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. ن.ابىقاەۆ پرەزيدەنتتى كومي­تەت­تىڭ اعىمداعى قىزمەتى مەن ال­دا­عى كەزەڭگە ارنالعان جۇ­مىس­تا­رىنىڭ باسىم باعىتتارى تۋرالى حاباردار ەتتى. كەزدەسۋ بارىسىندا سونداي-اق ەلىمىزدىڭ ۇلتتىق قاۋىپسىزدىك جۇيە­سىن ودان ءارى جەتىلدىرۋ, ازاماتتار­دىڭ قۇقىقتارىن قورعاۋدى قام­تاماسىز ەتۋ جونىندەگى ءىس-شارالار  تۋرالى ءسوز بولدى. *  *  * مەملەكەت باسشىسى نۇرسۇل­تان نازارباەۆ ەكونوميكالىق جانە سىبايلاس جەمقورلىقپەن كۇ­رەس اگەنتتىگىنىڭ توراعاسى قاي­رات قوجامجاروۆتى قابىلدادى, دەپ حابارلادى قازاقستان رەس­پۋب­ليكاسى پرەزيدەنتىنىڭ باس­پاسوز قىزمەتى. ق.قوجامجاروۆ پرەزيدەنتتى اگەنتتىكتىڭ اعىمداعى جىلعى 8 اي­داعى جۇمىس قورىتىندىلارىنان حاباردار ەتتى. كەزدەسۋ كەزىندە سونداي-اق “قا­زاقستان رەسپۋبليكاسىندا قۇ­قىق قورعاۋ قىزمەتى مەن سوت جۇيە­سىنىڭ تيىمدىلىگىن ارتتىرۋ جونىندەگى شارالار تۋرالى” پرەزيدەنتتىڭ جارلىعى اياسىندا قارجى پولي­تسياسى ورگاندارىن­داعى رەفورما بارىسى تۋرالى ءسوز بولدى. – مەملەكەت باسشىسى قارجى پو­ليتسياسى ورگاندارىنا وزدەرىنىڭ كۇن سايىنعى قىزمەتىندە سىبايلاس جەمقورلىقپەن جانە كولەڭكەلى ەكو­نوميكامەن كۇرەستى كۇشەيتۋدى تاپ­سىردى, – دەدى جۋرناليستەرگە ار­نال­عان بريفينگتە قايرات قوجامجاروۆ.