قازاقستان رەسپۋبليكاسى ۇكىمەتىنىڭ قاۋلىسى №896

2010 جىلعى 6 قىركۇيەك  استانا, ۇكىمەت ءۇيى قازاقستان رەسپۋبليكاسى ۇكىمەتىنىڭ 2009 جىلعى 28 مامىرداعى № 787 قاۋلىسىنا تولىقتىرۋلار ەنگىزۋ تۋرالى قازاقستان رەسپۋبليكاسىنىڭ ۇكىمەتى قاۋلى ەتەدى: 1. “ۇلتتىق باسقارۋشى حولدينگ, ۇلتتىق حولدينگتەر, ۇلتتىق كومپانيالار جانە اكتسيالارىنىڭ (قاتىسۋ ۇلەستەرىنىڭ) ەلۋ جانە ودان دا كوپ پايىزى تىكەلەي نەمەسە جاناما تۇردە ۇلتتىق باسقارۋشى حولدينگكە, ۇلتتىق حولدينگكە, ۇلتتىق كومپانياعا تيەسىلى ۇيىمدار جۇزەگە اسىراتىن تاۋارلاردى, جۇمىستاردى جانە كورسەتىلەتىن قىزمەتتەردى ساتىپ الۋدىڭ ۇلگى ەرەجەسىن بەكىتۋ تۋرالى” قازاقستان رەسپۋبليكاسى ۇكىمەتىنىڭ 2009 جىلعى 28 مامىرداعى № 787 قاۋلىسىنا (قازاقستان رەسپۋبليكاسىنىڭ ءپۇاج-ى, 2009 ج., № 27-28, 245-قۇجات) مىناداي تولىقتىرۋلار ەنگىزىلسىن: كورسەتىلگەن قاۋلىمەن بەكىتىلگەن ۇلتتىق باسقارۋشى حولدينگتەر, ۇلتتىق حولدينگتەر, ۇلتتىق كومپانيالار جانە اكتسيالارىنىڭ (قاتىسۋ ۇلەستەرىنىڭ) ەلۋ جانە ودان دا كوپ پايىزى تىكەلەي نەمەسە جاناما تۇردە ۇلتتىق باسقارۋشى حولدينگكە, ۇلتتىق حولدينگكە, ۇلتتىق كومپانياعا تيەسىلى ۇيىمدار جۇزەگە اسىراتىن تاۋارلاردى, جۇمىستاردى جانە كورسەتىلەتىن قىزمەتتەردى ساتىپ الۋدىڭ ۇلگى ەرەجەسىندە: 2-تارماق مىناداي مازمۇنداعى 8-1) تارماقشامەن تولىقتىرىلسىن: “8-1) ستراتەگيالىق ارىپتەستەر – تاپسىرىس بەرۋشى ايقىندايتىن ۇيىم, ونىڭ ىشىندە قاجەتتى رەسۋرستارعا (ينتەللەكتۋالدىق, عىلىمي, ادىسنامالىق, ءبىلىم بەرۋ, تەحنولوگيالىق, كادرلىق) يە جانە مىناداي: قازىرگى زامانعى ءادىسنامالار مەن جاڭا تەحنولوگيالاردى ءبىلىم بەرۋگە ەنگىزۋ; ءبىلىم بەرۋدىڭ يننوۆاتسيالىق مازمۇنى مەن قازىرگى زامانعى ءبىلىم بەرۋ باعدارلامالارىن ازىرلەۋ جانە ەنگىزۋ; ءبىلىم بەرۋ قىزمەتى مەن ونىڭ ناتيجەلەرىنە, ونىڭ ىشىندە وقىتۋدىڭ ساپاسىنا جانە وقۋشىلاردىڭ ءبىلىم بەرۋ باعدارلامالارىن مەڭگەرۋ ناتيجەلەرىنە مونيتورينگتى, سىرتقى باعالاۋدى جۇزەگە اسىرۋ; ءبىلىم بەرۋ قىزمەتىنىڭ ساپاسىن, بالالار مەن پەداگوگتاردى كونكۋرستىق ىرىكتەۋدىڭ اسپاپتارى مەن تەحنولوگيالارىن باقىلاۋ مەن باعالاۋ قۇرالدارىن ازىرلەۋ جانە ەنگىزۋ; وقۋ ۇدەرىسىن قامتاماسىز ەتەتىن كابينەتتەر مەن زەرتحانالار ءۇشىن جابدىقتاردى ازىرلەۋ جانە ءوندىرۋ سالالارىنىڭ بىرىندە نەمەسە بىرنەشەۋىندە حالىقارالىق قىزمەت تاجىريبەسى بار شەتەلدىك ۇيىم.”; 18-تارماق مىناداي مازمۇنداعى 56), 57), 58) تارماقشالارمەن تولىقتىرىلسىن: “56) ستراتەگيالىق ارىپتەستەردەن ءبىلىم جانە عىلىم, ءبىلىم بەرۋ ۇدەرىسىن ادىسنامالىق, ادىستەمەلىك جانە ماتەريالدىق-تەحنيكالىق قامتاماسىز ەتۋ سالالارىنداعى تاۋارلاردى, جۇمىستاردى جانە كورسەتىلەتىن قىزمەتتەردى ساتىپ الۋ; 57) ءبىلىم بەرۋ باعدارلامالارىنىڭ مازمۇنىنا سايكەس شەتەلدىك ارنايى وقۋ جانە كوركەم ادەبيەتتى ساتىپ الۋ; 58)       تاپسىرىس بەرۋشىگە “نازارباەۆ زياتكەرلىك مەكتەپتەرىنىڭ” قۇرىلىسىنا بولىنگەن جەر ۋچاسكەلەرىندەگى قۇرىلىستاردى ساتىپ الۋ جانە بۇزۋ بويىنشا جۇمىستار مەن كورسەتىلەتىن قىزمەتتەردى قۇرىلتايشىسى جەرگىلىكتى اتقارۋشى ورگان بولىپ تابىلاتىن زاڭدى تۇلعادان ساتىپ الۋ.”. 2. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى. وسى قاۋلىنىڭ 1-تارماعىنىڭ ون ءۇشىنشى ابزاتسى 2013 جىلعى 31 جەلتوقسانعا دەيىن قولدانىلادى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ