قازاقستان رەسپۋبليكاسى ۇكىمەتىنىڭ قاۋلىسى №894

2010 جىلعى 4 قىركۇيەك  استانا, ۇكىمەت ءۇيى قازاقستان رەسپۋبليكاسى ۇكىمەتىنىڭ 2009 جىلعى 26 قاراشاداعى №1942 قاۋلىسىنا تولىقتىرۋلار مەن وزگەرىستەر ەنگىزۋ تۋرالى قازاقستان رەسپۋبليكاسىنىڭ ۇكىمەتى قاۋلى ەتەدى: 1. “تاۋار بيرجالارى سالاسىنداعى قىزمەتتى ليتسەنزيالاۋ ەرەجەسىن جانە تاۋار بيرجالارى, بيرجالىق بروكەرلەر مەن بيرجالىق ديلەرلەر قىزمەتىنە قويىلاتىن بىلىكتىلىك تالاپتارىن بەكىتۋ تۋرالى” قازاقستان رەسپۋبليكاسى ۇكىمەتىنىڭ 2009 جىلعى 26 قاراشاداعى № 1942 (قازاقستان رەسپۋبليكاسىنىڭ ءپۇاج-ى, 2009 جىل, № 56, 181-قۇجات) قاۋلىسىنا مىناداي تولىقتىرۋلار مەن وزگەرىستەر ەنگىزىلسىن: 1) كورسەتىلگەن قاۋلىمەن بەكىتىلگەن تاۋار بيرجالارى سالاسىنداعى قىزمەتتى ليتسەنزيالاۋ ەرەجەسىندە: مىناداي مازمۇنداعى 7-1-تارماقپەن تولىقتىرىلسىن: “7-1. ليتسەنزيار ءوتىنىش بەرۋشىنىڭ قۇجاتتارىن العان ساتتەن باستاپ ەكى جۇمىس كۇنى ىشىندە قۇجاتتاردىڭ تولىقتىعىن تەكسەرۋگە مىندەتتى. قۇجاتتاردىڭ تولىق ەمەستىگى فاكتىسى بەلگىلەنگەن جاعدايدا ليتسەنزيار ءوتىنىش بەرۋشىگە كورسەتىلگەن مەرزىمدە ودان ءارى قاراۋدان جازباشا, دالەلدى تۇردە باس تارتادى. ءوتىنىش بەرۋشى كورسەتىلگەن كەدەرگىلەردى جويعان كەزدە قۇجاتتار وسى ەرەجە تالاپتارىنا سايكەس قارالادى.”; 8-تارماقتىڭ 5) تارماقشاسىنداعى “باس تارتىلۋى مۇمكىن” دەگەن سوزدەر “باس تارتىلادى” دەگەن سوزدەرمەن اۋىستىرىلسىن; 2) كورسەتىلگەن قاۋلىمەن بەكىتىلگەن تاۋار بيرجالارى, بيرجالىق بروكەرلەر جانە بيرجالىق ديلەرلەر قىزمەتىنە قويىلاتىن بىلىكتىلىك تالاپتارىندا: 1-تارماقتا: 4) تارماقشادا: ءۇشىنشى جانە جەتىنشى ابزاتستار الىنىپ تاستالسىن; ءتورتىنشى ابزاتس “قارجىلىق” دەگەن ءسوزدىڭ الدىنان “تاۋار بيرجالارى سالاسىندا جانە/نەمەسە” دەگەن سوزدەرمەن تولىقتىرىلسىن; 7) تارماقشا الىنىپ تاستالسىن; 2-تارماقتا: 1) تارماقشادا: ءبىرىنشى ابزاتس مىناداي رەداكتسيادا جازىلسىن: “1) ۇيىمنىڭ ءبىرىنشى باسشىسىندا:”; ءۇشىنشى, ءتورتىنشى جانە جەتىنشى ابزاتستار الىنىپ تاستالسىن; بەسىنشى ابزاتس مىناداي رەداكتسيادا جازىلسىن: “ۇيىم قىزمەتكەرلەرىندە (بيرجالىق ساۋدامەن اينالىساتىن):”; 2. وسى قاۋلى العاشقى رەسمي جاريالانعانىنان كەيىن كۇنتىزبەلىك جيىرما ءبىر كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك. ءماسىموۆ