پارتيا بەدەلى بەلسەندىلىكپەن كەلەدى

“نۇر وتان” حدپ ماڭعىستاۋ وبلىستىق فيليالى توراعاسىنىڭ ءبىرىنشى ورىنباسارى جاۋىمباي قاراەۆپەن اڭگىمە – قۇرمەتتى جاۋ­ىم­­باي امانتۇر­لى­ ۇلى, اڭگىمەنى “نۇر وتان” حدپ وبلىستىق فيلي­الى­نىڭ وزدەرىڭىزگە قا­راستى اۋداندىق, قا­لا­لىق ۇيىمدارمەن جانە ىرگەلى باستاۋىش ۇيىم­دار­مەن ءوزارا بايلانىسىنان, سونداي-اق ساباق­تاستىعىنان باستاساڭىز. – “نۇر وتان” حالىقتىق-دەموكراتيالىق پار­تيا­سى ءوزى ومىرگە كەلگەن كۇننەن باستاپ-اق, اتا-بابالارىمىز عاسىرلار بويى ارمان ەتىپ, كۇرەسكە تولى عۇمىر كەشە ءجۇرىپ قول جەتكىزگەن تاۋەل­سىزدىگىمىزدىڭ تۇتقاسىن نىقتاپ, تۇعىرتاسىن بەكىتۋدى, ەلىمىزدىڭ جان-جاقتى دامۋىنا ۇلەس قوسۋدى, ادامدارىمىزدىڭ قامسىز تۇرمىسىنا قول جەتكىزۋدى باستى مۇرات-مۇددەسى ساناپ كەلەدى. وسى ماقساتتار جولىندا پارتيامىز قاراپايىم ادامدار ساناسىن بۇرىنعى بۇيىعى قالىپتان ارىلتىپ, ەلباسى ساياساتىنىڭ باستى باعىتتارىن جەتكىزۋدە ۇلكەن جۇمىستار اتقارۋ ۇستىندە. كەڭەستىك جوسپارلى ەكونوميكادان نارىقتىق قاتىناستارعا كوشكەن كەزەڭدەگى قىم-قۋىت قيىن­دىقتار, ەل ىشىندەگى كۇردەلى الەۋمەتتىك جاعداي ءبا­رىمىزدىڭ دە ەسىمىزدەن شىعا قويعان جوق. وسىن­داي سىن ساعاتتاردا قوعامدى العا تارتاتىن الەۋەت­تى قوزعاۋشى كۇش قاجەتتىگىن ءومىردىڭ ءوزى تالاپ ەتتى. ەلىمىزدىڭ سان مىڭداعان ازاماتى مەم­لەكەت باسشىسىنىڭ ىشكى جانە سىرتقى سايا­ساتىنا, تاۋەلسىزدىگىنە جاڭا عانا قول جەتكىزگەن جاس مەملەكەتتى جان-جاقتى دامىتۋدىڭ كوك­جيەك­تەرى كوزدەلگەن “قازاقستان-2030” ستراتەگيالىق باع­دارلاماسىنا قولداۋ بىلدىرە وتىرىپ, بەلگىلى ءبىر ساياسي ۇيىمنىڭ اياسىنا بىرىگىپ, بۇگىنگى “نۇر وتان” حالىقتىق-دەموكراتيالىق پارتياسىن قۇردى. پارتيانىڭ نەگىزى, بىلاي ايتقاندا, يادروسى – ەڭبەك ۇجىمدارىنداعى مۇددەلەس ادامداردىڭ باستارىن قوسىپ وتىرعان باستاۋىش پارتيا ۇيىمدارى. سوندىقتان ەلباسى, پارتيا توراعاسى ايتقان تاپسىرمالاردىڭ نەگىزگى جاۋاپكەرشىلىگى, تۇپتەپ كەلگەندە, باستاۋىش پارتيا ۇيىمدارىنا جۇكتەلەدى. جانە بۇل تاپسىرمالاردى ناقتى ىسكە اسىراتىن دا حالىقتىڭ قالىڭ ورتاسىندا جۇرگەن وسى باستاۋىش ۇيىمدارىمىز, قاتارداعى پارتيا مۇشەلەرى. وسى تاپسىرمالاردى جۇزەگە اسىرۋ ماقساتىمەن بيىلعى ءساۋىر ايىنىڭ باسىندا باستاۋىش پارتيا ۇيىمدارى توراعالارىنىڭ فورۋمىن وتكىزدىك. فورۋمدا باستاۋىش پارتيا ۇيىمدارى جەتەكشىلەرىنىڭ ۇسىنىستارى تىڭدالدى, بىرقاتار ناقتى تاپسىرمالار بەرىلدى. وبلىستا قازىر 273 باستاۋىش پارتيا ۇيىمى, 25 مىڭعا جۋىق پارتيا مۇشەسى بار. بۇل – ۇلكەن كۇش. وسىنداي الەۋەتتى كۇشىمىزدى ورتاق ىسكە جۇمىلدىرىپ, ەلىمىزدىڭ ودان ءارى وركەندەۋىنە ۇلە­سىمىزدى قوسۋ باعىتىنداعى سان الۋان جۇمىس­تا­رىمىزدىڭ بەل ورتاسىندا باستاۋىش پارتيا ۇيىمدارى, قاراپايىم پارتيا مۇشەلەرى بەلسەنە قاتىسىپ ءجۇر. ولاردىڭ قالىڭ بۇقارا اراسىن­داعى بەلسەندىلىگىن ارتتىرۋ باعىتىنداعى تال­پى­نىستارىمىز دا ناتيجەسىز ەمەس. اۋماقتىق في­ليالدارداعى, اۋىل-كەنتتەردەگى قوعامدىق-ساياسي شارالارىمىزعا جۇرتشىلىق وكىلدەرى ىنتامەن قاتىسىپ, كوپتەگەن قۇندى ۇسىنىستارىن, كەيدە, ءتىپتى ارىز-شاعىمدارىن ايتۋعا, قولداۋ-كومەك سۇراۋعا دەن قويىپ وتىر. بيىلعى جىلى پارتيا ىشىندە بىرقاتار قۇرى­لىمدىق وزگەرىستەر بولدى. پارتيانىڭ وبلىستىق فيليالى قۇرامىنداعى بارلىق اۋداندىق, قالالىق فيليالدارىمىزدىڭ توراعالارى بولىپ اۋدان, قالا اكىمدەرى سايلاندى. اتقارۋشى بيلىك ورگاندارىنىڭ كوشباسشى پارتيامىزدىڭ جۇمىسىنا تىكەلەي ارالاسۋىنا مۇمكىندىك بەرىپ وتىرعان وسىنداي وڭ باستاما, اۋماقتاردىڭ ەكونوميكالىق-الەۋمەتتىك ماسەلەلەرىنىڭ ەل ومىرىندەگى قوعامدىق-ساياسي ماڭىزىنا ايرىقشا كوڭىل بولۋگە مىندەتتەيدى. ورايى كەلگەندە ايتا كەتۋ كەرەك, پارتيانىڭ بەدەلى مەن وعان جەرگىلىكتى جەرلەردە كورسەتىلەتىن سەنىم ءاربىر پارتيا مۇشەسىنىڭ, پارتيا قۇرى­لىمدارى باسشىلارىنىڭ بەدەلىمەن ايقىن­دالادى. سوندىقتان باستاۋىش ۇيىمداردىڭ باس­شى­لارىن ۇجىمنىڭ ءوزى سايلاپ الۋىنا ءمۇم­كىن­دىك تۋعىزۋ جونىندە ۇسىنىستار بەردىك. بۇل ۇسى­نىستارىمىزدى باستاۋىش ۇيىمدار قۇپتاپ-قول­داپ, قازىر بىرقاتار ءىرى كاسىپورىندارداعى باس­تاۋىش پارتيا ۇيىمدارى ءوز جەتەكشىلەرىن ۇجىم ىشىندە بەدەلى بار, بىلىكتى, ىسكەر دە باستاماشىل پارتيا مۇشەلەرىنەن سايلاپ الا باستادى. تاعى دا ءبىر ايتا كەتەتىن جاعداي – بىزدەرگە جۇيە­لى تۇردە پارتيانىڭ كادرلىق رەزەرۆىن جا­ساقتاۋ جۇمىستارىنا كوشۋ قاجەت دەپ ەسەپتەيمىن. وتكەن مامىر ايىندا پارتيانىڭ ورتالىق اپپاراتى جانىنان تۇراقتى جۇمىس جاسايتىن پارتيا مەكتەبى اشىلدى. وسى مەكتەپكە بولاشاق پارتيا قىزمەتكەرلەرىمىزدى جىبەرىپ, وقىتىپ, پارتيالىق كادرلارىمىزدى نىعايتا بەرمەكپىز. – “نۇر وتان” حدپ وبلىستىق فيليالىنداعى قوعامدىق قابىلداۋعا كەلۋشىلەر ءبىر تولاس­تا­مايتىنىن بايقاپ ءجۇرمىز. ولار سىزدەرگە ۇلكەن ءۇمىت, مول سەنىممەن كەلەدى. ال ولاردىڭ ارىز-شاعىم, تالاپ-تىلەكتەرىنىڭ شەشىلۋ جاعى قالاي؟ – پارتيانىڭ وبلىستىق, اۋماقتىق في­ليالدارىندا قوعامدىق قابىلداۋلار تۇراقتى تۇردە وتكىزىلەدى. 2010 جىلدىڭ سەگىز ايى ىشىندە قوعامدىق قابىلداۋ بولىمدەرىنە 947 ءوتىنىش كەلىپ ءتۇستى, بۇل ءبىر ايعا شاققاندا 118 بىرلىكتى قۇرايدى. 2009 جىلدىڭ وسىنداي كەزەڭىمەن سالىستىرعاندا وتىنىشتەر سانى 1,5 ەسەدەن اسىپ وتىر. جۇرت­شىلىقتىڭ كوشباسشى پارتياعا دەگەن سەنىمىنىڭ ارتىپ وتىرعانىن وسى تسيفرلاردان دا اڭعارۋ قيىن ەمەس. بۇگىنگى كۇنى بارلىق وتىنىشتەردىڭ 75 %-ى وڭ شەشىمدەرىن تاپتى. ازاماتتاردىڭ وتىنىشتەرىنە جۇرگىزىلگەن تالداۋلار ايماقتىڭ پروبلەمالىق ماسەلەلەرىن جۇيەلەۋگە مۇمكىندىك بەرەدى. ولاردىڭ اراسىندا اۋدان, قالا اكىمدەرىنىڭ وزدەرى شەشەتىن ماسەلەلەر دە از ەمەس. حالىقتىڭ پروبلەمالارى اكىمدەردىڭ, وبلىستىق مەكەمەلەر باسشىلارىنىڭ قاتى­سۋى­مەن وتەتىن پارتيا اكتيۆىنىڭ جينالىسىندا كەڭ اڭگىمە بولىپ, ولاردى شەشۋدىڭ جولدارى بەل­گىلەنەدى. جەرگىلىكتى اكىمدەرگە اۋماقتىق پارتيا في­ليالدارىنىڭ توراعالارى رەتىندە قوعامدىق قابىلداۋلارعا جيىرەك قاتىسىپ, تۇرعىنداردى تولعاندىرىپ جۇرگەن ماسەلەلەردەن ۇنەمى حابار­دار بولىپ, ولاردىڭ وڭ شەشىمدەرىن تابۋىنا جۇ­مىس­تانۋدى تاپسىرىپ كەلەمىز. ارينە, تۇرعى­لىقتى حالىقتان تۇسكەن وتىنىشتەردەگى وزەكتى ءما­سەلەلەردى جۇيەلەۋ جەرگىلىكتى بيلىك ورگاندارى قىز­مەتىنىڭ تيىمدىلىگىن باعالاۋعا دا مۇمكىندىك بەرەدى ءارى پارتيانىڭ ايماقتاعى بەدەلىن كوتەرە تۇسەرى ءسوزسىز. ءبىر سوزبەن ايتقاندا, پارتيانىڭ وبلىستىق فيليالىنداعى قوعامدىق قابىلداۋلار ولكە­مىزدەگى الەۋمەتتىك احۋالدىڭ ايناسى دەۋگە بولادى. سوندىقتان بىزدەر قوعامدىق قابىلداۋلاردىڭ ومىرگە نەعۇرلىم جاقىن ءارى ءتيىمدى تۇرلەرىن جۇزەگە اسىرا باستادىق. قازىر اي سايىن دەرلىك اۋداندار مەن قالالاردا, بىرقاتار اۋىل-كەنتتەردە كوشپەلى قوعامدىق قابىلداۋلار ۇيىمداستىرىپ, ولارعا وبلىستىق دەڭگەيدەگى قۇقىق قورعاۋ ورگاندارىنىڭ باسشىلارىن, جەرگىلىكتى اكىمدەردى, دەپۋتاتتاردى قاتىستىرۋدى جۇيەلى جولعا قويدىق. – وسى جىلدىڭ مامىر-ماۋسىم ايلارىندا پارتيانىڭ وبلىستىق فيليالى “سەنىڭ “جەمقور­لىققا جول جوق!” دەپ ايتۋىڭ ماڭىزدى” اتتى شا­رانى ىسكەرلىك جاعدايدا, ءتۇرلى قوعامدىق ۇيىم­دار­دى, قۇقىق قورعاۋ ورگاندارىن قاتىستىرا وتىرىپ, ۇيىمشىلدىقپەن وتكىزدى. وسىنداي اكتسيالارى­ڭىزدىڭ ناتيجەلەرىنە كەڭىرەك توقتالىپ وتسەڭىز؟ – قوعام ءومىرىنىڭ قالىپتى دامۋىنا, جالپى ەلىمىزدىڭ ەكونوميكالىق-الەۋمەتتىك جاعىنان وركەندەۋ باعىتتارىنا زيانىن تيگىزىپ كەلە جاتقان اسا قاۋىپتى الەۋمەتتىك دەرتتىڭ ءبىرى – وسى سىبايلاس جەمقورلىق. پارتيامىز سىبايلاس جەم­قورلىقپەن كۇرەس شارالارىن كەڭ كولەمدە جۇرگىزىپ كەلەدى. ءسىز ايتىپ وتىرعان شارا سولار­دىڭ ءبىر پاراسى عانا. مەملەكەتتىڭ قۇقىقتىق ساياساتى زاڭ اكتىلەرىن, مەملەكەتتىك باسقارۋ, باقىلاۋ-قاداعالاۋ ورگاندارىنىڭ جۇمىسىن وڭتايلاندىرۋدى جەتىلدىرۋگە عانا ەمەس, سونىمەن قاتار, مەملەكەتتىك قىزمەتكە دە, مەنشىك تۇرىنە قاراماستان, باسقا دا لاۋازىمدارعا دا كاسىبي قابىلەتى مەن ادامگەرشىلىك قاسيەتتەرىنە قاراپ قابىلداۋدىڭ, ولاردىڭ جۇمىسىن قازىرگى زامان تالاپتارى تۇعىسىنان باعالاۋدىڭ مەيلىنشە جاڭاشىل ادىستەرىن ەنگىزۋگە دە باعىتتالعان. پارتيا باسشىسىنىڭ تاپسىرمالارىنا سايكەس سىبايلاس جەمقورلىقپەن كۇرەس جۇمىستارى قازىر بارىنشا ءتيىمدى دەڭگەيگە كوتەرىلدى. بيىلعى شىلدە ايىندا وتكەن ساياسي كەڭەستىڭ بيۋروسىندا لاۋا­زىمدى قىزمەتتە جۇرگەن ءۇش پارتيا مۇشەسىنىڭ سىبايلاس جەمقورلىققا قاتىستى ىستەرى قارالدى. ولاردىڭ اربىرىنە ءتيىستى پارتيالىق شارالار كورىلدى. سونىمەن قاتار, قۇقىق قورعاۋ ورگان­دارىمەن بىرلەسە جۇرگىزگەن دوڭگەلەك ۇستەل باسىنداعى كەزدەسۋلەرىمىز, بىرلەسكەن رەيدتەرىمىز, جوسپارلى ينسپەكتسيالىق تەكسەرىستەر ءوزىنىڭ وڭ ناتيجەلەرىن بەرە باستاعانىن ايتۋ كەرەك. – پارتيانىڭ ورتالىق اپپاراتى جانىنان پارتيالىق باقىلاۋ كوميتەتى قۇرىلىپ, ونىڭ جەرگىلىكتى بولىمشەلەرى جۇمىس جاساي باستاعانىنا جىلدان اسىپ بارادى. وسى قۇرىلىم پارتيا بەلسەندىلەرىمەن, دەپۋتاتتارمەن بىرلەسە جۇمىس جاساۋدىڭ ءتيىمدى ءتاسىلى بولعان سياقتى... – شىندىعىندا دا پارتيامىزداعى بۇل جاڭا قۇرىلىم ايماقتاعى وندىرىستىك نىسانداردىڭ سەرپىندى جۇمىس جاساۋىنا, ءبولىنىپ جاتقان مەم­لەكەت قاراجاتىنىڭ ماقساتقا ساي جۇمسالۋىنا پارتيالىق باقىلاۋ ورناتۋدىڭ ءتيىمدى تەتىگىنە اينالا باستادى. پرەزيدەنتتىڭ “جول كارتاسى”, “100 مەكتەپ, 100 اۋرۋحانا” باعدارلامالارىنىڭ ورىندالۋ بارىسىنا پارتيالىق باقىلاۋ ورناتۋ ماقساتىمەن ءاربىر سالىنىپ جاتقان, كۇردەلى جوندەۋ جۇرگىزىلىپ جاتقان نىسانعا پارتيالىق باقىلاۋ بەكەتتەرىن قۇردىق. قازىردىڭ وزىندە وبلىسىمىزدا ءبىزدىڭ 86 باقىلاۋ بەكەتىمىز جۇمىس جاساپ تۇر. ولاردىڭ جۇمىستارىن ۇيلەستىرۋ ماقساتىمەن ءاربىر بەكەتكە دەپۋتاتتارىمىزدى, باستاۋىش پارتيا ۇيىمدارىنىڭ توراعالارىن جاۋاپتى ەتىپ بەكىتتىك. سالىنىپ جاتقان نىسان­دارعا پارتيالىق باقىلاۋ كوميسسياسىنىڭ مۇشە­لەرىمەن رەيدتەر وتكىزۋىمىز, بۇل كەزدە انىقتالعان ولقىلىقتاردى تۇزەتۋ باعىتىنداعى جۇمىستا­رىمىز ناتيجەسىز ەمەس. ماسەلەن, شىلدە ايىندا تۇپقاراعان, مۇناي­لى اۋداندارىنا جانە اقتاۋ قالاسىنداعى ءبىر­قا­تار الەۋمەتتىك نىساندارعا جۇرگىزگەن رەيدتەرىمىز كەزىندە كوپتەگەن ولقىلىقتاردىڭ بەتى اشىلىپ, كوميسسيا تالقىسىنا سالىندى. ناتيجەسىندە مەكتەپتەردىڭ وقۋ جىلىنىڭ باستالۋىنا دەيىن دايىن بولۋىنا ىقپال ەتتىك, دەنساۋلىق ساقتاۋ نىساندارىنداعى كەمشىلىكتەر جەدەعابىل ءتۇ­زەتىلدى. “جول كارتاسى” باعدارلاماسى بويىنشا سالىنىپ, جوندەلىپ جاتقان الەۋمەتتىك نى­ساندارعا بيىل 4 ملرد. 425,4 ملن. تەڭگە بولىنگەن بولاتىن. ءبىزدىڭ پارتيالىق باقىلاۋ بەكەتتەرىمىز نەگىزىنەن ءۇش باعىتتا – تۇرعىن ءۇي-كوممۋنالدىق شارۋاشىلىق نىسان­دا­رىن­دا, ءبىلىم بەرۋ, دەن­ساۋلىق ساقتاۋ سالالارى­نىڭ نىساندارىندا جانە اۋىلدارداعى مادەني-الەۋمەتتىك نىساندارىندا جۇمىس ىستەيدى. پارتيالىق باقىلاۋ بەكەتتەرى ءبىرىڭ­عاي ۇلگىدەگى باننەرلەرمەن جابدىقتالدى. رەتتى جەرىندە ايتا كە­تەيىن, جەرگىلىكتى دەپۋتات­تارىمىزبەن جۇمىس جۇرگىزۋدە وسال تۇستارىمىز بار ەكەنى شىلدە ايىندا وتكەن ساياسي كەڭەستىڭ بيۋرو ماجىلىسىندە ناقتى ايتىلدى. ماجىلىستە پارتيادان ۇسىنىلىپ, حالىق قالاۋلىلارى اتانعان ءاربىر دەپۋتات وزدەرى سايلانعان وكرۋگ­تەر­دەگى شەشىمىن كۇتكەن ماسەلەلەردى شەشۋگە اكىم­دەرمەن, پارتيا فيليالدارىمەن بىرلىكتە جۇمى­لۋعا مىندەتتى. ءوڭىردىڭ وزەكتى دەگەن ماسەلەلەرىن سەسسيالاردىڭ قاراۋىنا ەنگىزىپ, قاجەت دەگەن سالاعا قاراجات بولگىزۋ, بىرقاتار ماسەلەلەردىڭ شەشىلۋىنە ينۆەستور-كاسىپورىنداردى جۇمىلدىرۋ سياقتى سان الۋان جۇمىستىڭ بەل ورتاسىنان دەپۋتاتتاردى كورگىمىز كەلەدى. وبلىستىق, اۋماق­تىق فيليالداردىڭ ساياسي كەڭەستەرىندە دەپۋ­تاتتاردىڭ ەسەبىن تىڭداۋ, قولدانىستاعى زاڭ­داردىڭ وسال تۇستارىن جەتىلدىرۋ باعىتىندا, جەرگىلىكتى جەرلەردەگى تاجىريبەگە سۇيەنە وتىرىپ, پارلامەنتتەگى پارتيا فراكتسياسىنا ۇسىنىستار ءتۇسىرۋ, بىرقاتار كۇردەلى ماسەلەلەر جونىندە دەپۋتاتتىق ساۋالدار بويىنشا جۇرتشىلىقتىڭ قوعامدىق تىڭداۋلارىن وتكىزۋ, وسى كەزدە جيناقتالعان قۇندى ۇسىنىستاردى ءتيىستى اتقارۋشى ورگاندارعا جەتكىزۋ – كەزەك كۇتتىرمەي قولعا الاتىن جۇمىستارىمىز. پارتيالىق باقىلاۋ كوميتەتىنىڭ وبلىستاعى ينسپەكتسياسى سىبايلاس جەمقورلىقپەن كۇرەس جونىندەگى كەڭەس مۇشەلەرىمەن, وبلىستىق قارجى باقىلاۋ كوميتەتىمەن بىرلىكتە تامىز ايىندا 5 باقىلاۋ-تەكسەرۋ رەيدتەرىن جۇرگىزدى. رەيدتەردىڭ ناتيجەسىندە الەۋمەتتىك نىسانداردا جۇمىس جاساپ جاتقان مەردىگەر كاسىپورىندار تاراپىنان جىبەرىلگەن قارجى زاڭدىلىقتارىن بۇزۋ فاكتىلەرى, ناقتىراق ايتسام, جالپى سوماسى 441 555,8 مىڭ تەڭگەنىڭ ىسىراپقا تۇسكەنى انىقتالىپ, پروكۋراتۋرا ورگاندارىنا جىبەرىلدى. وسىنداي تەگەۋرىندى شارالار مەملەكەت قاراجاتىن تالان-تاراجعا سالۋشىلارمەن كۇرەس شارالارىنا تىڭ سەرپىن بەرۋمەن قاتار, الەۋمەتتىك نىسانداردىڭ ۋاقىتىندا ساپالى جوندەلىپ, ەل يگىلىگىنە اينالۋىنا, تۇپتەپ كەلگەندە, جۇرتشىلىقتىڭ پارتياعا دەگەن سەنىمىن ودان ءارى نىعايتا تۇسۋىنە جول اشقانىن ايتۋ كەرەك. – ەندى نۇروتاندىقتار قاتارىنىڭ ساپالىق قۇرامى جانە مۇشەلىككە جاڭادان قابىلدانۋ­شىلار جايلى قىسقاشا ايتا كەتسەڭىز. – پارتيانىڭ ەل ىشىندەگى بەدەلى مەن الەۋەتىنىڭ ارتۋى پارتيا مۇشەلەرىنىڭ ساپالىق قۇرامىنا تىكەلەي بايلانىستى ەكەنى انىق. سوڭعى جىلدارى پارتيا قاتارىنا قابىلدانۋشىلاردى الدىن-الا ساراپتان وتكىزىپ, ۇجىم الدىنداعى بەدەلى مەن بەلسەندىلىگىنە ايرىقشا نازار اۋدارا باستادىق. بۇل ورايدا باستاۋىش پارتيا ۇيىم­دارىنا كوبىرەك سالماق سالىپ, ولاردىڭ حالىق الدىنداعى بەدەلىن كوتەرۋدى, سول ارقىلى پارتيا قاتارىن يدەيالىق جاعىنان نىعايتۋدى باستى مىندەت ەتىپ قويدىق. بىزدەردى وبلىس كولەمىندە پارتيا قاتارىنا قابىلدانۋعا تىلەك بىلدىرۋشىلەر سانى اي ساناپ ارتىپ كەلە جاتقانى قۋانتادى. ءبىر عانا شىلدە-تامىز ايلارىندا پارتيا قاتارىنا 319 ادام قابىلداندى, “قازاقتەلەكوم” اكتسيونەرلىك قوعامىندا باستاۋىش پارتيا ۇيىمى قۇرىلىپ, 27 بايلانىسشى پارتيا قاتارىنا قابىلداندى. ماەك “قازاتومونەركاسىپ” جشس-ىندە وتكەن سالتاناتتى جينالىستا كاسىپورىننىڭ 50 جۇ­مىسشىسى وزدەرىن كوشباسشى پارتيا قاتارىندا كورگىسى كەلەتىندىكتەرىن ءبىلدىردى. ورايى كەلگەندە ايتا كەتەيىن, ۇستىمىزدەگى جىل­دىڭ شىلدە ايىندا پارتيانىڭ ورتالىق اپپا­راتىنا پارتيانىڭ ماڭعىستاۋ وبلىستىق في­ليالىنىڭ 2010 جىلدىڭ ءبىرىنشى جارتىسىنا جۇرگىزگەن جۇمىستارىنىڭ ەسەبى تاپسىرىلدى. ورتالىق اپپارات ءبىزدىڭ فيليالدىڭ جۇمىسىنا وڭ باعا بەردى. وتكەن سەگىز اي ىشىندە پارتيا وبلىستىق في­ليالىنىڭ ۇيىمداستىرۋىمەن 526 شارا وتكىزىلىپ, ولارعا 220 مىڭعا جۋىق ادام قامتىلدى. بۇل شارالاردىڭ ىشىندە “ارداگەرلەردى ارداقتايىق”, “نار تۇلعا”, “وتانداستار”, “كيەلى مۇرالارى­مىزعا تاعزىم”, “اۋىلدىڭ گۇلدەنۋى – قازاقستان­نىڭ گۇلدەنۋى”, “ديپلوممەن – اۋىلعا!” سياقتى اكتسيالار اياسىندا وتكىزىلىپ كەلە جاتقان شا­را­لارىمىز بۇقارالىق سيپات الىپ, جۇرتشىلىقتىڭ ىنتاسىن تۋعىزدى. بۇل اكتسيالار الداعى ۋاقىتتا دا جالعاسا بەرەتىن بولادى. – اڭگىمەڭىز ءۇشىن راحمەت. اڭگىمەلەسكەن جولامان بوشالاق. ماڭعىستاۋ وبلىسى.