تىلگە قۇرمەت – ەلگە قۇرمەت

كوپ جىلداردان بەرگى تىنىمسىز ەڭبەك پەن ءوز-ءوزىمىزدى قامشىلاۋدىڭ ارقاسىندا قازىر وزگە ۇلت وكىلدەرىنىڭ ءبىرازى قازاقشا سويلەتىن بولدى, سويلەي الماسا دا تۇسىنەتىن دەڭگەيگە جەتتى. ءتىپتى بالالارىن قازاقشا بالاباقشا مەن مەكتەپتەرگە بەرىپ جاتقان اتا-انالاردىڭ دا قاتارى كوبەيىپ كەلە جاتقانى, شىنىمەن دە قۋانتاتىنى راس. مەملەكەت تاراپىنان كورسەتىل­گەن دۇرىس باعىت-باعدار مەن ناقتى قاداعالاۋدىڭ ارقاسىندا بۇگىنگى تاڭدا قازاق ءتىلىنىڭ شىلبىرى كا­دىمگىدەي ۇزاردى. مەملەكەتتىك تىلگە قاتىستى كوپتەگەن رەسپۋبليكالىق دەڭگەيدەگى جارىستاردىڭ جاپپاي وتكىزىلۋى دە وزگە ۇلت وكىلدەرىنىڭ قا­زاق تىلىنە دەگەن قىزىعۋشى­لىق­تارىن, ەلگە دەگەن قۇرمەتتەرىن كورسەتە باستادى. ەلىمىزدە تۇراتىن بارلىق ەت­نوس­تاردىڭ تىلدەرىن قۇرمەتتەي وتىرىپ, ولارعا جان-جاقتى جاعداي جاسالعانى بەلگىلى. سونداي-اق ء“ۇش ءتىلدىڭ بىرلىگى” اتتى مادەني جو­با­نىڭ دا جۇزەگە اسىپ جاتقانى  ءتىل باعدارلاماسىنىڭ بەلسەندى جالعاسىپ جاتقاندىعىنىڭ كۋا­سىن­دەي. مەملەكەتتىك ءتىل مارتەبەسىن نىعايتۋدا, ونىڭ قولدانىس اياسىن كەڭەيتۋدە جانە دامىتۋدا  “نۇر وتان” حدپ ەرەكشە ىنتا تانى­تىپ, ءتىل ساياساتى سالاسىندا قاۋ­قار­لى جۇمىستار اتقارىپ كەلە جاتقانىن دا ايتىپ وتسەك دەيمىز. وسىدان ءبىراز ۋاقىت بۇرىن “نۇر وتان” حدپ-نىڭ ۇيىتقى بو­لۋىمەن “تىلگە قۇرمەت – ەلگە قۇرمەت” اتتى رەسپۋبليكالىق باي­قاۋ ۇيىمداستىرىلعان بولاتىن. مىنەكي, سول بايقاۋدىڭ قورىتىن­دى­سى بەلگىلى بولىپ, كەشە “نۇر وتان” حدپ-نىڭ ورتالىق اپپا­را­تىندا جەڭىمپازداردى ماراپاتتاۋ ءراسىمى وتكىزىلدى. بايقاۋ مەملەكەتتىك ءتىلدى دامى­تۋعا ارنالعان ۇزدىك ماقالا, تەلە-راديوحابارلار مەن جوبالار, مەم­لەكەتتىك تىلدەگى ۇزدىك ينتەرنەت جو­با­لار, سونداي-اق مەملەكەتتىك ءتىلدى قولداۋعا ۇلەس قوسقان ۇزدىك شارا­لار, ۇيىمدار سىندى بىرنەشە اتا­لىمدار بويىنشا جۇزەگە اسىرىل­دى. ەلىمىزدىڭ بارلىق وڭىرىنەن 200-دەن استام ءوتىنىش كەلىپ تۇسسە, سو­لاردىڭ 20-عا جۋىعى “نۇر وتان” حدپ-نىڭ ماقتاۋ قاعازى مەن سىياقىسىنا يە بولدى. ماراپاتتاۋ راسىمىندە جەڭىم­پاز­داردى قۇتتىقتاي كەلىپ, “نۇر وتان” حدپ توراعاسىنىڭ ءبىرىنشى ورىنباسارى نۇرلان نىعماتۋلين: “وزدەرىڭىز جاقسى بىلەسىزدەر, مەملەكەتىمىز ءۇشىن دە, حالقىمىز ءۇشىن دە ءتىل ماسەلەسى ارقاشان دا قا­دىرلى, ارقاشان دا قاستەرلى. سول ءۇشىن دە ەلباسىمىز, پارتيا­مىز­دىڭ توراعاسى نۇرسۇلتان نا­زار­باەۆ كوپۇلتتى قازاقستانىمىزدا تىلگە ەرەكشە كوڭىل ءبولىپ كەلەدى. پرەزيدەنتىمىزدىڭ تىكەلەي تاپ­سىر­ماسىمەن اتقارىلعان ماڭىزدى جۇمىستاردىڭ ارقاسىندا بۇگىنگى كۇنى ءاربىر ۇلت ءوز ءتىلىن, مادەنيەتىن دا­مىتىپ قانا قويماي, مەملە­كەت­تىك ءتىل – قازاق ءتىلىنىڭ اينالا­سىن­دا توپتاسۋعا, بىرىگۋگە قادام جاساپ وتىر. بۇل – ءبىزدىڭ تاۋەلسىز مەم­لە­كەتىمىز ءۇشىن ۇلكەن جەتىستىك”, – دەدى. ءوز كەزەگىندە بايقاۋعا قاتىسۋ­شىلار وسىنداي يگىلىكتى شاراعا ۇيىتقى بولىپ وتىرعان بيلەۋشى پارتياعا دەگەن ىستىق ىقىلاس­تارىن ءبىلدىردى. اراي ۇيرەنىشبەكقىزى.