سارىبايلىقتار مەرەيى

ءدىنىڭ تۇرسىن ءدىن امان, دەگەن اتا-بابا وسيەتىنە ادالدىق تانىت­قان­دىقتان جەر-جەردە كوك كۇمبەزدى اي­شىق­تى مەشىتتەر اشۋ جالعاسىن تاۋ­ىپ كەلەدى. سارىباي بي اۋىلىندا وسىن­داي مەرەي جال­عا­سىن تاۋىپ, جاڭا مەشىتتىڭ اشىلۋ سال­تاناتى ءوتتى. كەزىندە جىر سۇلەيى ءسۇيىنباي “كوسەمىم – سارىبايىم ەل سىي­لاعان, زاماننىڭ دوڭگەلەگىن تەڭ بۇ­راعان” دەپ جەتىسۋ جەرىن قوقان­دىق­تاردان قورعاپ, بىرلىك پەن ىنتى­ماق­تى نۇسقاعان باتىر, ءارى بيگە ءوز باعاسىن وسىلاي بەرىپتى. سون­دىقتاندا يماندىلىق وتاۋىنىڭ اشىلۋىنا جينالعاندار قاتارى كوپ بولدى. كوپشىلىك الدىندا اۋدان اكىمى ماحاببات بيگەلديەۆ, جازۋشى ناعاشىبەك قاپالبەكوۆ, اقساقالدار القاسىنىڭ توراعاسى باكىجان جارقىنباەۆ سويلەپ, حالقىمىزدىڭ يماندىلىققا بەت بۇرىپ, ءدىنى مەن ءدىلىن ساقتاۋداعى مەشىتتىڭ الاتىن ماڭىزى جايلى تارقاتا سويلەدى. كوك كۇمبەزدى مەشىتتىڭ قۇرى­لى­سىن ءوز قارجىسىنا سالدىرىپ, اۋىل­داستارىنىڭ يگىلىگىنە ۇسىنعان مارقۇم ارول كۇرىشبەكوۆتىڭ زايى­بى رايگۇل مەن ۇلى جاندوسقا جي­نال­عاندار العىسىن جەتكىزدى. اۋدان­دىق مەشىتتىڭ باس يمامى  اسەت اتاشەۆ  بابالار ارۋاعىنا قۇران باعىشتادى. اللا ءۇيىنىڭ اشىلۋ سالتانا­تىن­دا “قۇلانساز” حالىقتىق فولكلور­لىق-ەتنوگرافيالىق ءان-بي ان­سامبلى “قاراساي” كۇيىن, قازاقستان رەسپۋب­ليكاسىنىڭ ەڭبەك سىڭىرگەن ءارتىسى ۇل­جان ايناقۇلوۆا, تاعى باسقا ونەر­پازدار ءان مەن جىردان شاشۋ شاشتى. كۇمىسجان بايجان. الماتى وبلىسى.