قازاقستان رەسپۋبليكاسى تۋريزم جانە سپورت ءمينيسترىنىڭ بۇيرىعى №01-01-07/66

2010 جىلعى 21 ءساۋىر استانا قالاسى. دەنە شىنىقتىرۋ جانە سپورت ازاماتتىق قىزمەتشىلەرىنە ەڭبەك جاعدايلارى ءۇشىن قوسىمشا اقىلاردى تولەۋ ەرەجەسىن بەكىتۋ تۋرالى “ازاماتتىق قىزمەتشىلەرگە, مەملەكەتتىك بيۋد­جەت قاراجاتى ەسەبىنەن ۇستالاتىن ۇيىمداردىڭ قىز­مەتكەرلەرىنە, قازىنالىق كاسىپورىنداردىڭ قىزمەت­كەرلەرىنە ەڭبەكاقى تولەۋ جۇيەسى تۋرالى” قازاقستان رەسپۋبليكاسى ۇكىمەتىنىڭ 2007 جىلعى 29 جەلتوق­سانداعى №1400 قاۋلىسىنا سايكەس بۇيىرامىن: 1. قوسا بەرىلىپ وتىرعان دەنە شىنىقتىرۋ ءجا­نە سپورت ازاماتتىق قىزمەتشىلەرىنە ەڭبەك جاعدايلا­رى ءۇشىن قوسىمشا اقىلاردى تولەۋ ەرەجەسى بەكىت­ىلسىن. 2. ءتۋريزمدى, سپورتتى دامىتۋ جانە حالىق­ارالىق ىنتىماقتاستىق دەپارتامەنتى (د.ءۇ.قام-زەباەۆا) وسى بۇيرىقتى زاڭنامادا بەلگىلەنگەن ءتار­تىپ­پەن مەملەكەتتىك تىركەۋگە قازاقستان رەسپۋب­ليكاسى ادىلەت مينيسترلىگىنە ۇسىنسىن. 3. اكىمشىلىك جۇمىس دەپارتامەنتى ء(ا.ح. پىرمەتوۆ) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن, ونىڭ بۇقارالىق اقپارات قۇرالدارىندا رەسمي جاريالانۋىن قامتاماسىز ەتسىن. 4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ تۋريزم جانە سپورت ۆيتسە-ءمينيسترى ت.ا. ەرمەگياەۆكە جۇكتەلسىن. 5. وسى بۇيرىق العاشقى رەسمي جاريالانعا­نىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. ءمينيستردىڭ مىندەتىن اتقارۋشى ت.ەرمەگياەۆ. _______________________________________________ قازاقستان رەسپۋبليكاسىنىڭ تۋريزم جانە سپورت ءمينيسترىنىڭ مىندەتىن اتقارۋشىنىڭ 2010 جىلعى 21 ساۋىردەگى № 01-01-07/66 بۇيرىعىمەن بەكىتىلدى دەنە شىنىقتىرۋ جانە سپورت ازاماتتىق قىزمەتشىلەرىنە ەڭبەك جاعدايلارى ءۇشىن قوسىمشا اقىلاردى تولەۋ ەرەجەسى 1. جالپى ەرەجەلەر 1. وسى ەرەجە “ازاماتتىق قىزمەتشىلەرگە, مەملەكەتتىك بيۋدجەت قاراجاتى ەسەبىنەن ۇستالاتىن ۇيىمداردىڭ قىزمەتكەرلەرىنە, قازىنالىق كاسىپورىنداردىڭ قىزمەتكەرلەرىنە ەڭبەكاقى تولەۋ جۇيەسى تۋرالى” قازاقستان رەسپۋبليكاسى ۇكىمەتىنىڭ 2007 جىلعى 29 جەلتوقسانداعى №1400 قاۋلىسىنا سايكەس ازىرلەندى. 2. ەڭبەكاقىسىن ەسەپتەۋ ءۇشىن قوسىمشا اقىلاردىڭ مىناداي تۇرلەرى بەلگىلەنگەن: 1) جوعارى ساپالى وقۋ-جاتتىعۋ پروتسەسىن تىكەلەي قامتاماسىز ەتكەنى ءۇشىن قوسىمشا اقى; 2) سپورتتىق جارىستاردىڭ چەمپيوندارىن جانە جۇلدەگەرلەرىن دايىنداعانى ءۇشىن قوسىمشا اقى; 3) كاسىبي (پەداگوگيكالىق) شەبەرلىگى ءۇشىن قوسىمشا اقى. 3. جوعارى ساپالى وقۋ-جاتتىعۋ پروتسەسىن تىكەلەي قامتاماسىز ەتكەنى ءۇشىن جانە سپورتتىق جارىستاردىڭ چەمپيوندارى مەن جۇلدەگەرلەرىن دايىنداعانى ءۇشىن قوسىمشا اقى ۇيىمنىڭ كونتين­گەنتىنە الىنعان سپورتشىلاردىڭ ونەر كورسەتۋى قورىتىندىسى بويىنشا جارىستار حاتتامالارىنىڭ نەگىزىندە جيناقتالادى. ەگەر سپورتشى ءبىر جىلدىڭ ىشىندە جارىستار­دا بىرنەشە جوعارى سپورتتىق ناتيجەلەر كورسەتسە, قوسىمشا اقى تولەۋ ەڭ جوعارى كورسەتكىشتىڭ بىرەۋى بويىنشا پايىزبەن ەسەپتەلىپ جۇرگىزىلەدى. 4. جوعارى ساپالى وقۋ-جاتتىعۋ پروتسەسىن تىكەلەي قامتاماسىز ەتكەنى ءۇشىن جانە سپورتتىق جارىستاردىڭ چەمپيوندارى مەن جۇلدەگەرلەرىن دايىنداعانى ءۇشىن قوسىمشا اقى ءاربىر قىزمەت­كەردىڭ جۇكتەمە كولەمىنە جانە ءتيىستى جىلعا ارنال­عان ەڭبەكاقى قورىنا قاراي, بيۋدجەتتىك باعدار­لامانىڭ اكىمشىسى بەكىتكەن پايىز كورسەتكىشىنە سايكەس جىل قورىتىندىسى بويىنشا بەلگىلەنەدى. 5. كاسىبي (پەداگوگيكالىق) شەبەرلىگى ءۇشىن قوسىمشا اقىنى: رەسپۋبليكالىق ماڭىزى بار سپورتتىق ۇيىم­داردىڭ باسشىلارىنا جانە ورىنباسارلارىنا – دەنە شىنىقتىرۋ جانە سپورت جونىندەگى ۋاكىلەتتى ورگان; مەملەكەتتىك جاتتىقتىرۋشىلارعا, باس جاتتىقتىرۋشىلارعا, اعا جاتتىقتىرۋشىلارعا جانە سپورت تۇرلەرى بويىنشا جاتتىقتىرۋشىلارعا – ۇيىم باسشىسىنىڭ بۇيرىعىمەن بەكىتىلەدى. 2. جوعارى ساپالى وقۋ-جاتتىعۋ پروتسەسىن  تىكەلەي قامتاماسىز ەتكەنى ءۇشىن قوسىمشا اقى تولەۋ 6. الىنعان ناتيجەنىڭ پايىزعا شاققانداعى جالپى مولشەرىن جارىستاردىڭ ۇسىنىلعان حاتتامالارىنىڭ نەگىزىندە دەنە شىنىقتىرۋ جانە سپورت جونىندەگى ۋاكىلەتتى ورگان بەكىتەدى جانە سپورتشىنىڭ كورسەتكىشكە قول جەتكىزگەن كۇنىنەن باستاپ ءدال سونداي جارىس وتكىزگەنگە دەيىنگى كەزەڭ ىشىندە (1,2 نەمەسە 4 جىل) قولدانىستا بولادى. 7. قوسىمشا اقىنى تولەۋ مىناداي تارتىپتە جۇرگىزىلەدى: باسشىعا – قوسىمشا اقى سوماسىنان 100%-عا دەيىن; باسشىنىڭ ورىنباسارىنا – قوسىمشا اقى سوماسىنان 90%-عا دەيىن; باسشىعا (بولىمشە, ءبولىم باسشىسى, كوماندا مەنەدجەرى, اعا جاتتىقتىرۋشى, اعا ادىسكەر, ادىسكەر, نۇسقاۋشى) – قوسىمشا اقى سوماسىنان 80%-عا دەيىن; پسيحولوگقا, تاربيەشىگە – قوسىمشا اقى سوماسىنان 80%-عا دەيىن; حورەوگرافقا, اككومپانياتورعا – قوسىمشا اقى سوماسىنان 80%-عا دەيىن; بۋحگالتەرگە – قوسىمشا اقى سوماسىنان 80%-عا دەيىن; دارىگەرگە, مەدبيكەگە, ماسساج جاساۋشىعا, لابورانتقا, عىلىمي قىزمەتكەرگە – قوسىمشا اقى سوماسىنان 70%-عا دەيىن; سپورت عيماراتىنىڭ مەڭگەرۋشىسىنە – قوسىمشا اقى سوماسىنان 70%-عا دەيىن; زووتەحنيككە, مال دارىگەرىنە, لابورانتقا, ات باعۋشىعا, سايمانشىعا, اتشىعا – قوسىمشا اقى سوماسىنان 50%-عا دەيىن; ينجەنەرگە, وپەراتورعا, تەحنيككە, مەحانيككە, مىلتىقشىعا – قوسىمشا اقى سوماسىنان 50%-عا دەيىن; اسحانا مەڭگەرۋشىسىنە, اسپازعا, اسحانا جۇمىسشىسىنا, ديەتا بيكەشىنە – قوسىمشا اقى سوماسىنان 50%-عا دەيىن; سپورت عيماراتتارىن سىپىرۋشىعا, سپورتتىق كوماندانى تاسىمالداۋشى اۆتوبۋس, ميكرواۆتوبۋس جۇرگىزۋشىسىنە – قوسىمشا اقى سوماسىنان 50%-عا دەيىن. 3. سپورتتىق جارىستاردىڭ چەمپيوندارىن جانە جۇلدەگەرلەرىن دايىنداعانى ءۇشىن قوسىمشا اقى تولەۋ 8. الىنعان ناتيجەنىڭ پايىزعا شاققانداعى جالپى مولشەرى ءاربىر جاتتىقتىرۋشىنىڭ جۇكتەمە كولەمىنە جانە ءتيىستى جىلعا ارنالعان ەڭبەك اقى قورىنا قاراي, جىل قورىتىندىسى بويىنشا سپورت ۇيىمىنىڭ باسشىسىنىڭ بۇيرىعىمەن بەكىتىلەدى. قوسىمشا اقى بەلگىلى ءبىر سپورت تۇرىنەن بولىمشەگە الىنعان جانە سپورتتىڭ باسقا تۇرىنەن قاتىسقان سپورتشى ءۇشىن تولەنبەيدى. 9. قوسىمشا اقى بالالار مەن ءجاسوسپىرىم­دەردىڭ سپورت مەكتەپتەرىنەن جانە بالالار مەن جاسوسپىرىمدەردىڭ مامانداندىرىلعان وليم­پيادالىق رەزەرۆ مەكتەپتەرىنەن سپورتتىق شەبەرلىگىن جوعارى­لاتۋ ءۇشىن سپورتتا دارىندى بالالارعا ارنالعان مەكتەپ-ينتەرناتتارعا, جوعارى سپورت شەبەرلىگى مەكتەپتەرىنە جانە رەسپۋبليكالىق سپورت كوللەدجىنە بەرىلگەن سپورتشىلاردى دايارلاعان جاتتىقتىرۋ­شىلارعا ءبىر كۇنتىزبەلىك جىل بويىندا بەرىلەدى. 10. قوسىمشا اقى جاتتىقتىرۋشىلارعا بالا­لار مەن جاسوسپىرىمدەردىڭ سپورت مەكتەپتەرىنەن جانە بالالار مەن جاسوسپىرىمدەردىڭ مامان-داندىرىلعان وليمپيادالىق رەزەرۆ مەكتەپتەرىنەن بەرىلگەن سپورتشىلار ءۇشىن سپورتتا دارىندى بالالارعا ار­نال­عان مەكتەپ-ينتەرناتتىڭ, جوعارى سپورت شەبەر­لىگى مەكتەبىنىڭ جانە رەسپۋبليكالىق سپورت كوللەدجىنىڭ كونتينگەنتىنە الىنعان كۇننەن باستاپ ءبىر جىل اياقتالعان سوڭ جۇرگىزىلەدى. 4. كاسىبي (پەداگوگيكالىق) شەبەرلىگى ءۇشىن  قوسىمشا اقى تولەۋ 11. قوسىمشا اقىنى تولەۋ مىنا مولشەرلەردە جۇرگىزىلەدى: ۇلتتىق شتاتتىق كوماندالار جانە سپورت رەزەرۆى ديرەكتسياسىنىڭ باسشىسىنا جانە ورىنبا-سارىنا – لاۋازىمدىق جالاقىدان 115%-عا دەيىن; جوعارى سپورت شەبەرلىگى مەكتەبىنىڭ باسشىسىنا جانە ورىنباسارىنا – لاۋازىمدىق جالاقىدان 110%-عا دەيىن; وليمپيادالىق دايارلىق ورتالىعىنىڭ باسشىسىنا جانە ورىنباسارىنا – لاۋازىمدىق جالاقىدان 100%-عا دەيىن; سپورتتا دارىندى بالالارعا ارنالعان مەكتەپ-ينتەرناتتاردىڭ باسشىسىنا جانە ورىنباسارىنا – لاۋازىمدىق جالاقىدان 95%-عا دەيىن; رەسپۋبليكالىق سپورت كوللەدجىنىڭ باسشىسىنا جانە ورىنباسارىنا –لاۋازىمدىق جالاقىدان 90%-عا دەيىن وليمپيادالىق سپورت تۇرلەرىنەن مەملەكەتتىك جاتتىقتىرۋشىعا – لاۋازىمدىق جالاقىدان 105%-عا دەيىن; وليمپيادالىق ەمەس سپورت تۇرلەرىنەن مەم­لەكەتتىك جاتتىقتىرۋشىعا – لاۋازىمدى جالاقىدان 80%-عا دەيىن; وليمپيادالىق سپورت تۇرلەرىنەن باس جاتتىقتىرۋشىعا – لاۋازىمدىق جالاقىدان 105%-عا دەيىن; وليمپيادالىق ەمەس سپورت تۇرلەرىنەن باس جاتتىقتىرۋشىعا – لاۋازىمدىق جالاقىدان 70%-عا دەيىن; وليمپيادالىق سپورت تۇرلەرىنەن اعا جاتتىق­تىرۋشىعا – لاۋازىمدىق جالاقىدان 95%-عا دەيىن; وليمپيادالىق ەمەس سپورت تۇرلەرىنەن اعا جاتتىقتىرۋشىعا – لاۋازىمدىق جالاقىدان 60%-عا دەيىن; وليمپيادالىق سپورت تۇرلەرىنەن جاتتىقتى­رۋشىعا – لاۋازىمدىق جالاقىدان 90%-عا دەيىن; وليمپيادالىق ەمەس سپورت تۇرلەرىنەن جاتتىق­تىرۋشىعا (تەحنيكالىق سپورت تۇرلەرىنەن باسقا) – لاۋازىمدىق جالاقىدان 70%-عا دەيىن; تەحنيكالىق سپورت تۇرلەرىنەن جاتتىقتى-رۋشىعا – لاۋازىمدىق جالاقىدان 55%-عا دەيىن. __________________________________________________________________________ بۇيرىق قازاقستان رەسپۋبليكاسى ادىلەت مينيسترلىگىندە 2010 جىلعى 25 مامىردا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №6245 بولىپ ەنگىزىلدى.