«ۆەنا - ەۋروپا جۇرەگى» بايقاۋى

گازەتىمىزدە بۇعان دەيىن ەلىمىزدە ميلليونداعان حالىقتىڭ سۇيىكتى سپورت ءتۇرى سانالاتىن فۋت­بولدى ناسيحاتتاۋ جانە دارىپتەۋ ماقساتىندا قازاقستان رەسپۋبليكاسى سىرتقى ىستەر مينيسترلىگىنىڭ حالىقارالىق اقپارات كوميتەتى, اۆستريانىڭ قازاقستانداعى ەلشىلىگى, “اۆستريا اۋە جولدارى” مەن قازاقستان فۋتبول فەدەرا­تسياسىنىڭ ۇيىمداستىرۋىمەن “ۆەنا – ەۋروپا جۇرەگى” اتتى جالپىۇلتتىق ساۋالناما-باي­قاۋى­نىڭ وتەتىنى حابارلانعانى بەلگىلى. بايقاۋدىڭ ماقساتى مەن ەرەكشەلىكتەرىنە كە­لەر بولساق, ول سالامات­تى ءومىر سالتى جانە ءومىر­گە دە­­گەن سالاماتتى كوزقا­راس, جارىستى ەرە­جەگە ءساي­كەس جۇرگىزۋ, وعان قا­تىسۋشىلاردىڭ ءبا­رىنە شىق­قان تەگىنە, تىلىنە, ناسىلىنە جانە ءدى­ني سەنىم-نانىمىنا قاراماستان تەڭ قاراۋ بولىپ سانالادى. وسىنداي كوزقاراسقا نەگىزدەلە وتىرىپ باي­قاۋدى ۇيىمداستىرىلۋشىلار “ۆەنا – ەۋروپا جۇرەگى” اتتى ءىس-شارانى وتكىزۋ ارقىلى قازاق­ستان, اۆستريا جانە ەقىۇ, ديپلوماتيا مەن سپورت اراسىنداعى جاعىمدى ىقپالداستىقتىڭ ءۇل­گىسىنە جۇرتشىلىق نازارىن اۋدارعىسى كەلەدى. بۇل جەردە نەلىكتەن ۆەنا تاڭدالىپ الىندى دەگەن ساۋالعا كەلسەك, ءسىم تاراتقان مالىمەت­تەرگە قاراعاندا, ءدال وسى اسەم شاھاردا ەقىۇ-نىڭ حاتشىلىعى ورنالاسقان, سوندىقتان ول بيىلعى جىلى ەۋروپالىق استانالار اراسىندا قازاق­ستاندىقتاردىڭ جۇرەگىنە بەلگىلى ءبىر دارەجەدە ەڭ جىلى بولىپ كورىنەدى. ونىڭ تاعى ءبىر سەبەبى, ءدال سول جەردە 7 قىركۇيەك كۇنى فۋت­بولدان 2012 جىل­عى ەۋروپا چەمپيونا­تى­نىڭ ىرىكتەۋ تۋرنيرىندەگى ءوز جولىن قازاقستان ۇلت­تىق قۇراماسى اۆس­تريا­لىق قارسىلاستارىمەن بولاتىن ويىنىمەن باستاماق. بايقاۋعا قاتى­سۋشى­لارعا قويىلاتىن تالاپ­تار تومەندەگىدەي. مۇن­دا ولار ەڭ الدىمەن ۆەنا قالاسى, “اۆستريا اۋە جولدارى”, وتاندىق جانە ەۋروپالىق فۋت­بول, ەقىۇ-نىڭ قىز­مە­تى مەن وعان قازاق­ستان­نىڭ توراعالىق ەتۋىنە قاتىستى سۇراق­تارعا دۇرىس جاۋ­اپ بەرۋ قاجەت. سۇراقتار مەن ولارعا جاۋاپتار­دىڭ نۇسقالارى قازاق­ستان­دىق جەتەكشى سپورتتىق جانە قوعامدىق-ساياسي باق-تاردا جانە ينتەر­نەت-پورتالداردا, سونداي-اق قازاقستان فۋتبول فە­دە­راتسياسىنىڭ سايتىندا (www.kff.kz) ورنا­لاس­تىرىلاتىن بولادى. وسى سۇراقتاردىڭ ىشىندە “ەۋروپاداعى حالىقارالىق ۇيىمداردىڭ قاي­سىسىنىڭ شتاب پاتەرى ۆەنادا ورنالاس­قان؟”, “قازاقستان 2010 جىلى قانداي حا­لىقارالىق ۇيىمعا توراعالىق ەتۋدە؟”, “ەقىۇ-عا نەشە مەملەكەت مۇشەلىك ەتەدى؟”, “ەۋروپاداعى فۋت­بول چەمپيوناتتارىنىڭ سوڭعىسى (2008 جىلى) قاي ەلدە ءوتتى؟” دەگەن اسا قيىن ەمەس ساۋالدار بار ەكەنىن اتاپ وتكەنىمىز ءجون. جوعارىدا قوي­ىل­عان وسى سۇراقتارعا جاۋاپتاردى ءوزىڭىزدىڭ كەرى بايلانىس مالىمەتتەرىڭىزبەن (اتى-ءجونىڭىز, باي­لانىس تەلەفون ءنومىرى) قوسا تولتىرىلعان انكە­تالار 16 تامىزدان كەشىكتىرمەي konkurs@kff.kz ەلەكتروندى ادرەسكە نەمەسە ءداستۇرلى پوشتا ار­قى­لى “الماتى ق-سى, ساتباەۆ ك-ءسى 29/3, ا.كەپ­لين ءۇشىن, “ۆەنا – ەۋروپا جۇرەگى” مەكەن-جايىنا جەتكىزۋ قاجەت. دۇرىس جاۋاپ قايتارعاندار 23 تامىز كۇنى استانادا وتەتىن جۇلدە ۇتىسىنا قاتىسادى. جۇلدەلەر اراسىندا – ۇيىمداستىرۋشىلاردىڭ سيمۆوليكاسى بار سۋۆەنيرلەر جانە قازاقستان قۇراماسىنىڭ ويىنشىلارى قول قويعان ءۇش تەڭبىل دوپ بولادى. باس جۇلدە – “اۆستريا اۋە جولدارى” كومپا­نياسى ۇسىنعان “استانا-ۆەنا-استانا” باعىتى بويىنشا ەكى ادامعا ۇشۋ بيلەتتەرى جانە 6-10 قىركۇيەك ارالىعىندا ۆەنالىق قوناق ۇيدە بەس كۇن تۇرۋ مۇمكىندىگى. سونداعى باعدارلامانىڭ مىندەتتىسى – قازاقستان فۋتبول فەدەراتسياسىمەن ۇسىنىلعان ەكى بيلەتپەن 7 قىركۇيەكتە وتەتىن قازاقستان جانە اۆستريا قۇ­­رامالارىنىڭ ويىنىن ستاديون­نان تاماشا­لاۋ بولادى. وسى جەردە ەسكەرتە كەتەتىن ءبىر نارسە, تۇراتىن جە­رىڭىز­­دەن استاناعا بارۋ جانە قايتۋ, ۆيزانى راسىمدەۋ, تاماقتانۋعا قاتىستى شىعىنداردى ۇيىمداستىرۋشىلار وتەمەيدى. ۇيىمداستىرۋشىلار اتالمىش بايقاۋ قازاق­ستان مەن اۆستريانىڭ جاقىنداسۋىنا, ەقىۇ-داعى قازاقستاندىق توراعالىقتىڭ دارىپتەلۋىنە, سالاماتتى ءومىر سالتىن ناسي­حاتتاۋعا ءوز ىقپالىن تيگىزەدى دەگەن سەنىممەن باق وكىلدەرىن بۇل باس­تا­مانى جۇزەگە اسىرۋعا جاردەم كورسەتۋىن سۇرايدى. داستان كەنجالين.