قاۋلى قابىلداندى

ورتالىق سايلاۋ كوميسسياسى قازاقستان رەسپۋبليكاسىنىڭ پرەزيدەنتتىگىنە كانديدات ن.ءا. نازارباەۆتىڭ قازاقستان رەسپۋبليكاسىنىڭ كونستيتۋتسياسىندا جانە «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭىندا قويىلاتىن تالاپتارعا سايكەستىگىن بەلگىلەۋ تۋرالى قاۋلى قابىلدادى ورتالىق سايلاۋ كوميسسياسى قازاقستان رەسپۋبليكاسىنىڭ پرە­زيدەنتتىگىنە كانديدات نۇرسۇل­تان ءابىش ۇلى نازارباەۆتىڭ قا­زاق­­ستان رەسپۋبليكاسىنىڭ كونستي­تۋ­تسياسىندا جانە «قازاق­ستان رەسپۋبليكاسىنداعى سايلاۋ تۋ­رالى» كونستيتۋتسيالىق زاڭىندا قويىلاتىن تالاپتارعا سايكەستىگىن بەلگىلەۋ تۋرالى قاۋلى قابىلدادى. ءدال وسى كۇنى ورتالىق سايلاۋ كوميسسياسى كانديداتقا ونىڭ كانديداتۋراسىن قولداپ ازاماتتاردىڭ قولدارىن جيناۋ ءۇشىن  قول قويۋ پاراقتارىن بەردى. ورتسايلاۋكوم قابىلداعان قاۋلىعا سايكەس قازاقستان رەسپۋب­ليكاسىنىڭ پرەزيدەنتتىگىنە كان­ديداتتى قولدايتىن سايلاۋ­شىلاردىڭ راس قولدارىنىڭ سانى كەمىندە 93 مىڭ 012 قولدى قۇ­رايدى. پرەزيدەنتتىككە كانديدات­تى قولداپ قولدار جيناۋدى سەنىم بىلدىرىلگەن ادامدار جۇزەگە اسى­رادى. قولداردى جينايتىن توپتار­دىڭ سانى مەن قۇرامىنا شەك قوي­ىلمايدى. پرەزيدەنتتىككە كانديداتتى قولداپ تولتىرىلعان قول قويۋ پاراق­­تارى اۋماقتىق سايلاۋ كوميس­سيا­لارىنا تاپسىرىلادى, ولار بەس كۇن مەرزىم ىشىندە پاسپورت قىز­مەتىنىڭ قىزمەتكەرلەرىن قاتىستىرا وتىرىپ قويىلعان قولداردىڭ شىن ەكەندىگىن تەكسەرۋدى جۇزەگە اسىرادى, ءتيىستى حاتتامانى رەسىمدەيدى جانە ونى ورتالىق سايلاۋ كوميسسياسىنا جولدايدى. قولداردىڭ شىن ەكەنىن تەكسەرۋ پرەزيدەنتتىككە كانديداتقا قاجەتتى ساندا راس قولدار انىقتالعانعا دەيىن جۇرگىزىلەدى. وسىلايشا, ازاماتتاردىڭ 93 مىڭ 012 قولىنىڭ شىن ەكەنى راستالعان كەزدە قالعان قولداردى تەكسەرۋ جۇرگىزىلمەيدى, دەپ حابارلادى ورتالىق سايلاۋ كوميسسياسىنىڭ ءباسپاسوز قىزمەتى.