شاعىن جانە ورتا بيزنەس زاڭمەن قورعالادى

كەشە ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا ۇلتتىق كاسىپكەرلەر پالاتاسىنىڭ وكىلدەرى يۋري تىلەۋمۇراتوۆ پەن جىبەك اجىباەۆا شاعىن جانە ورتا بيزنەستىڭ ويداعىداي دامىپ جاتقانىن ايتتى. مەملەكەت باسشىسىنىڭ توراعا­لىعىمەن وتكەن ۇكىمەتتىڭ كەڭەيتىلگەن وتىرىسىندا شاعىن جانە ورتا بيزنەستى دامىتۋعا قاتىستى تاپسىرمالاردىڭ قالاي ورىندالىپ جاتقانىنا توقتالعان سپيكەرلەر, قازىرگى كورسەتكىشتەردىڭ كوڭىل قۋانتاتىنىن جەتكىزدى. «ەلىمىزدە شاعىن جانە ورتا بيزنەستى دامىتۋ ءىسى دۇرىس جولعا قويىلعان. ناقتى سانعا جۇگىنسەك, وتكەن ءبىر جىلدىڭ وزىندە جاڭادان ءىسىن باستاعان كاسىپكەرلىك 30 مىڭعا كوبەيىپتى. راس اراسىندا تولىققاندى جۇمىس ىستەي الماي جاتقاندارى دا بار. دەسەك تە, سالاداعى ءونىم كولەمىنىڭ ۇلعايۋى مەن ەڭبەك ونىمدىلىگىنىڭ ارتۋى ويداعىدان جاقسى. ەگەر وسى قارقىنمەن العا جىلجىساق, 2030 جىلعا قاراي ىشكى جالپى ءونىمنىڭ 40 پايىزدان استامىن شاعىن جانە ورتا بيزنەس قاناعاتتاندىرادى دەگەن ءۇمىت بار», دەدى يۋ.تىلەۋمۇراتوۆ. وتاندىق وندىرۋشىلەردىڭ تاۋارىن ساۋدادا وتكىزۋ شاراسى دا اڭگىمە وزەگىنە اينالدى. «ەلدەگى تاۋار وندiرۋشiلەردi قولداۋعا وراي «قازاقستاندا جاسالعان» اكتسياسى اياسىندا ءبىزدىڭ پالاتا مەن ۇلتتىق ەكونوميكا مينيسترلiگi بiرلەسىپ, وڭiرلiك پالاتالار مەن جەرگiلiكتi اتقارۋشى ورگانداردى قاتىستىرا وتىرىپ ءتيىمدى iس-شارالار جوسپارىن دايىندادىق. وندا كاسiپكەرلەر پالاتاسى مەن جەرگiلiكتi اتقارۋشى ورگانداردىڭ ۇيىمداستىرۋشىلىق قىزمەتi انىق كورسەتىلگەن», دەگەن ج.اجiبەكوۆا وتاندىق تاۋارلاردى تۇتىنۋشىلارمەن دە كەشەندi جۇمىس جۇرگiزۋ كەرەكتىگىن ايتتى. ونىڭ سوزىنە قاراعاندا, بۇگiنگi كۇنi تۇتىنۋشىلاردى ءبارى ۇمىتقان سياقتى. ولارمەن ەشكىم ارنايى جۇمىس ىستەمەيدى. تەك سوڭعى كەزدەرى وسى باعىتتا ءتۇرلi اكتسيا­لار مەن بايقاۋلار جوسپارلانا باستاعان. «مىسالى, بۇدان بىلاي تۇتىنۋشىلاردىڭ بەرگەن باعاسى نەگiزiندە جىلدىڭ ۇزدiك تاۋارىن انىقتايمىز. وندا تەك جەرگiلiكتi اتقارۋشى ورگانداردى, مەملەكەتتiك رەسۋرستاردى عانا ەمەس, سونداي-اق, جاس­تاردى دا مەيلiنشە كوپ تارتامىز. قازiر «قازاقستاندا جاسالعان» اكتسياسىن قولداۋ ماقساتىندا ۇلكەن فورۋم وتكiزۋگە دايىندالىپ جاتىرمىز», دەپ قورىتتى ول ءسوزىن. بريفينگتە رەسەي تاۋارلارىنىڭ تىم ارزانداۋىنان بولعان وتاندىق نارىقتاعى كەلەڭسىزدىك تە نازاردان تىس قالمادى. اتاپ ايتقاندا, سوڭعى كەزدەرى رەسەي نارىعىنىڭ تۇراقسىزدىعى ناتيجەسىندە سۇرانىسى جوعارى حالىق شارۋاشىلىعى تاۋارلارى مەن ازىق-ت ۇلىك ونىمدەرىنە باعا كۇرت قۇلدىرادى. «بۇل جاعداي ءبىزدىڭ ەل ەكونوميكاسىنا دا ءوز ىقپالىن تيگىزبەي قويمايتىنى بەلگىلى. وسى رەتتە ءبىز وتاندىق كاسىپكەرلەرىمىزگە ءتيىستى دەڭگەيدە قولداۋ كورسەتۋىمىز كەرەك. ونداي كومەك بولادى. تەك, زاڭ اياسىندا عانا. ياعني, ارنايى زاڭ قابىلداۋ ارقىلى شاعىن جانە ورتا بيزنەستەگى كاسىپكەرلەردى قولداپ, قورعاۋ جۇمىستارىن ءبىز وسى كۇندەرى قولعا الدىق», دەدى ج.اجىباەۆا. نۇرباي ەلمۇراتوۆ, «ەگەمەن قازاقستان».