كەشە اتىراۋ مۇناي وڭدەۋ زاۋىتىنىڭ ۇجىمى كەزەكتەن تىس پرەزيدەنتتىك سايلاۋعا نۇرسۇلتان نازارباەۆتىڭ كانديداتۋراسىنىڭ ۇسىنىلۋىنا قولداۋ ءبىلدىردى.
بۇل ۇجىم وزدەرىنىڭ كەلەشەگىن ەلباسىمەن تىعىز بايلانىستىرادى دەۋگە بولادى. ويتكەنى, 70 جىلدان بەرى جانار-جاعارماي تۇرلەرىن شىعاراتىن زاۋىتتىڭ تەحنولوگياسى ەسكىرىپ, ءالسىن-ءالسىن توقتاۋعا ءماجبۇر بولعان كەزىندە ەلباسىنىڭ قولداۋىن سەزىندى. ولاي دەيتىنىمىز, جاڭا مىڭجىلدىقتىڭ توعىسىندا جاپونياعا رەسمي ساپارمەن بارعان نۇرسۇلتان نازارباەۆ ءدال وسى زاۋىتتى جاڭعىرتۋ ءۇشىن سول ەلدىڭ ينۆەستيتسياسىن تارتۋعا ۋاعدا جاسادى. سودان بەرى بۇل زاۋىتتىڭ ەكىنشى تىنىسى اشىلىپ, جاڭارۋعا ۇلاسقان جاڭعىرتۋلار ءالى دە جالعاسىن تابۋدا.
بايىرعى كاسىپورىننىڭ كەلەشەگىنە تىڭ سەرپىن بەرگەن سول ءبىر قولداۋدى زاۋىتتىڭ ءار ءمۇشەسى ءالى كۇنگە ايتىپ جۇرەدى. ءويتكەنى, زاۋىتتىڭ تەحنولوگياسى جاڭارىپ, ءونىمنىڭ ساپاسى ارتتى. مۇندا شىعارىلاتىن جانار-جاعارمايلار ەكولوگياعا قاۋىپ توندىرمەيدى. زاۋىتتىڭ باس ديرەكتورى قايرات ورازباەۆتىڭ ايتۋىنشا, كاسىپورىندا 2012 جىلى مەملەكەتتىك ۇدەمەلى يندۋستريالىق-يننوۆاتسيالىق دامۋ باعدارلاماسى اياسىندا قايتا جاڭعىرتۋدىڭ ءۇشىنشى كەزەڭى باستالعان. قازىر مۇندا باسەكەگە قابىلەتتى ءونىم وندىرىلەدى, جۇمىس ورىندارىمەن قامتاماسىز ەتىلەدى. زاۋىت قىزمەتكەرلەرى زاماناۋي قوندىرعىلاردا جۇمىس ىستەيدى. ەلىمىزدە قابىلدانعان باعدارلامالاردىڭ ارقاسىندا زاۋىتتىڭ مۇناي وڭدەۋشىلەرى دە ەل ەكونوميكاسىنىڭ دامۋىنا, مۇناي وڭدەۋ سالاسىنىڭ وركەندەۋىنە ءوز ۇلەسىن قوسىپ كەلەدى.
ونىڭ پىكىرىنشە, زاۋىتتىڭ جەتىستىككە جەتۋىنە ەلباسىنىڭ وتاندىق وندىرىستەردى وركەندەتۋگە باسا ءمان بەرۋى وڭ ىقپالىن تيگىزىپ وتىر. «نۇر وتان» پارتياسىنىڭ VI سەزىندە نۇرسۇلتان نازارباەۆتىڭ كانديداتۋراسى ۇسىنىلۋىنىڭ باستى سەبەبىنە توقتالار بولسام, الدىمەن مۇنى ەلىمىزدەگى ساياسي تۇراقتىلىق پەن ەكونوميكالىق ءوسىمنىڭ ساقتالۋىمەن بايلانىستىرامىن. ءبىز «نۇرلى جول – بولاشاققا باستار جول» جولداۋىندا كورىنىس تاپقان جاڭا ەكونوميكالىق ساياساتتىڭ ءوز جەمىسىن بەرىپ, ەلىمىزدەگى ەكونوميكالىق وركەندەۋدىڭ ساقتالۋى ءۇشىن, الەمدىك سىن-قاتەرلەرگە توتەپ بەرۋ ءۇشىن نۇرسۇلتان نازارباەۆتىڭ پرەزيدەنت بولىپ سايلانعانىن قالايمىز. سوندىقتان ءبىزدىڭ ۇجىم نۇرسۇلتان نازارباەۆتىڭ كانديداتۋراسىنا قولداۋ بىلدىرەدى», دەدى ق.ورازباەۆ.
زاۋىتتىڭ ءار مۇشەسى ەلباسىنىڭ كانديداتۋراسىن قولداعان لەبىزىن ءبىلدىردى. ماسەلەن, زاۋىت مەحانيگى يۋري كۋستادينچەۆتىڭ ايتۋىنشا, اسىرەسە, جاستار مەملەكەتتىڭ قولداۋىن ايقىن سەزىنىپ وتىر. «ءبىزدىڭ ەلىمىزدە جاستار ءۇشىن بارلىق جاعداي جاسالعان. ەلباسىنىڭ قولداۋىمەن «بولاشاق» حالىقارالىق باعدارلاماسى شەڭبەرىندە مەنىڭ زامانداستارىم شەتەلدەردىڭ تانىمال وقۋ ورىندارىندا بىلىمدەرىن جەتىلدىرىپ, ەكونوميكانىڭ ءار سالاسىندا تابىستى ەڭبەك ەتۋدە. مەملەكەتتىك قىزمەتتە باسقارمالاردى باسقارىپ, ءىرى كاسىپورىنداردا مەنەدجەرلىكتى يگەرۋدە. دەمەك, ءبىزدىڭ ەلىمىزدە جاستاردىڭ بىلىمىنە, كەلەشەگىنە سەنىم ءبىلدىرىلىپ وتىر», دەدى ول.
ال ورتالىق زەرتحانا باسشىسىنىڭ ورىنباسارى اقمارال عۇسمانوۆا: «ءبىز ەلدىڭ بولاشاعىن نۇرسۇلتان نازارباەۆپەن بايلانىستىرامىز. ويتكەنى, بىزدە ءوندىرىس وركەندەپ, حالىقتىڭ ءال-اۋقاتى جاقسارىپ كەلەدى. ءبىر سوزبەن تۇيىندەگەندە, كويلەگىمىز – كوك, تاماعىمىز – توق, زامانىمىز – تىنىش. بىزگە بۇدان ارتىق ەشتەڭە كەرەك ەمەس», دەگەن ويىمەن بولىسسە, وپەراتور ءومىرحان جاقسىعاليەۆ: «ءبىزدىڭ زاۋىتتىڭ الدىندا ۇلكەن كەلەشەك تۇر. مۇنداي كەلەشەك ەكونوميكانىڭ ءار سالاسىندا بار. مۇنىڭ بارىنە نۇرسۇلتان نازارباەۆ نەگىز قالاپ بەردى. مەنىڭ زامانداستارىم دا ەلباسىنىڭ قازاقستاندى قۋاتتى ەلگە اينالدىرۋ ماقساتىن ىسكە اسىرۋدى جالعاستىرعانىن قالايدى», دەدى.
اتىراۋداعى مۇناي وڭدەۋشىلەر وسىلايشا ەلباسى نۇرسۇلتان نازارباەۆتىڭ كانديداتۋراسىنا ءبىراۋىزدان قولداۋ ءبىلدىردى.
جولداسبەك شوپەعۇل,
«ەگەمەن قازاقستان».
اتىراۋ وبلىسى.
سۋرەتتى تۇسىرگەن
راحىم قويلىباەۆ.
بۇل ۇجىم وزدەرىنىڭ كەلەشەگىن ەلباسىمەن تىعىز بايلانىستىرادى دەۋگە بولادى. ويتكەنى, 70 جىلدان بەرى جانار-جاعارماي تۇرلەرىن شىعاراتىن زاۋىتتىڭ تەحنولوگياسى ەسكىرىپ, ءالسىن-ءالسىن توقتاۋعا ءماجبۇر بولعان كەزىندە ەلباسىنىڭ قولداۋىن سەزىندى. ولاي دەيتىنىمىز, جاڭا مىڭجىلدىقتىڭ توعىسىندا جاپونياعا رەسمي ساپارمەن بارعان نۇرسۇلتان نازارباەۆ ءدال وسى زاۋىتتى جاڭعىرتۋ ءۇشىن سول ەلدىڭ ينۆەستيتسياسىن تارتۋعا ۋاعدا جاسادى. سودان بەرى بۇل زاۋىتتىڭ ەكىنشى تىنىسى اشىلىپ, جاڭارۋعا ۇلاسقان جاڭعىرتۋلار ءالى دە جالعاسىن تابۋدا.
بايىرعى كاسىپورىننىڭ كەلەشەگىنە تىڭ سەرپىن بەرگەن سول ءبىر قولداۋدى زاۋىتتىڭ ءار ءمۇشەسى ءالى كۇنگە ايتىپ جۇرەدى. ءويتكەنى, زاۋىتتىڭ تەحنولوگياسى جاڭارىپ, ءونىمنىڭ ساپاسى ارتتى. مۇندا شىعارىلاتىن جانار-جاعارمايلار ەكولوگياعا قاۋىپ توندىرمەيدى. زاۋىتتىڭ باس ديرەكتورى قايرات ورازباەۆتىڭ ايتۋىنشا, كاسىپورىندا 2012 جىلى مەملەكەتتىك ۇدەمەلى يندۋستريالىق-يننوۆاتسيالىق دامۋ باعدارلاماسى اياسىندا قايتا جاڭعىرتۋدىڭ ءۇشىنشى كەزەڭى باستالعان. قازىر مۇندا باسەكەگە قابىلەتتى ءونىم وندىرىلەدى, جۇمىس ورىندارىمەن قامتاماسىز ەتىلەدى. زاۋىت قىزمەتكەرلەرى زاماناۋي قوندىرعىلاردا جۇمىس ىستەيدى. ەلىمىزدە قابىلدانعان باعدارلامالاردىڭ ارقاسىندا زاۋىتتىڭ مۇناي وڭدەۋشىلەرى دە ەل ەكونوميكاسىنىڭ دامۋىنا, مۇناي وڭدەۋ سالاسىنىڭ وركەندەۋىنە ءوز ۇلەسىن قوسىپ كەلەدى.
ونىڭ پىكىرىنشە, زاۋىتتىڭ جەتىستىككە جەتۋىنە ەلباسىنىڭ وتاندىق وندىرىستەردى وركەندەتۋگە باسا ءمان بەرۋى وڭ ىقپالىن تيگىزىپ وتىر. «نۇر وتان» پارتياسىنىڭ VI سەزىندە نۇرسۇلتان نازارباەۆتىڭ كانديداتۋراسى ۇسىنىلۋىنىڭ باستى سەبەبىنە توقتالار بولسام, الدىمەن مۇنى ەلىمىزدەگى ساياسي تۇراقتىلىق پەن ەكونوميكالىق ءوسىمنىڭ ساقتالۋىمەن بايلانىستىرامىن. ءبىز «نۇرلى جول – بولاشاققا باستار جول» جولداۋىندا كورىنىس تاپقان جاڭا ەكونوميكالىق ساياساتتىڭ ءوز جەمىسىن بەرىپ, ەلىمىزدەگى ەكونوميكالىق وركەندەۋدىڭ ساقتالۋى ءۇشىن, الەمدىك سىن-قاتەرلەرگە توتەپ بەرۋ ءۇشىن نۇرسۇلتان نازارباەۆتىڭ پرەزيدەنت بولىپ سايلانعانىن قالايمىز. سوندىقتان ءبىزدىڭ ۇجىم نۇرسۇلتان نازارباەۆتىڭ كانديداتۋراسىنا قولداۋ بىلدىرەدى», دەدى ق.ورازباەۆ.
زاۋىتتىڭ ءار مۇشەسى ەلباسىنىڭ كانديداتۋراسىن قولداعان لەبىزىن ءبىلدىردى. ماسەلەن, زاۋىت مەحانيگى يۋري كۋستادينچەۆتىڭ ايتۋىنشا, اسىرەسە, جاستار مەملەكەتتىڭ قولداۋىن ايقىن سەزىنىپ وتىر. «ءبىزدىڭ ەلىمىزدە جاستار ءۇشىن بارلىق جاعداي جاسالعان. ەلباسىنىڭ قولداۋىمەن «بولاشاق» حالىقارالىق باعدارلاماسى شەڭبەرىندە مەنىڭ زامانداستارىم شەتەلدەردىڭ تانىمال وقۋ ورىندارىندا بىلىمدەرىن جەتىلدىرىپ, ەكونوميكانىڭ ءار سالاسىندا تابىستى ەڭبەك ەتۋدە. مەملەكەتتىك قىزمەتتە باسقارمالاردى باسقارىپ, ءىرى كاسىپورىنداردا مەنەدجەرلىكتى يگەرۋدە. دەمەك, ءبىزدىڭ ەلىمىزدە جاستاردىڭ بىلىمىنە, كەلەشەگىنە سەنىم ءبىلدىرىلىپ وتىر», دەدى ول.
ال ورتالىق زەرتحانا باسشىسىنىڭ ورىنباسارى اقمارال عۇسمانوۆا: «ءبىز ەلدىڭ بولاشاعىن نۇرسۇلتان نازارباەۆپەن بايلانىستىرامىز. ويتكەنى, بىزدە ءوندىرىس وركەندەپ, حالىقتىڭ ءال-اۋقاتى جاقسارىپ كەلەدى. ءبىر سوزبەن تۇيىندەگەندە, كويلەگىمىز – كوك, تاماعىمىز – توق, زامانىمىز – تىنىش. بىزگە بۇدان ارتىق ەشتەڭە كەرەك ەمەس», دەگەن ويىمەن بولىسسە, وپەراتور ءومىرحان جاقسىعاليەۆ: «ءبىزدىڭ زاۋىتتىڭ الدىندا ۇلكەن كەلەشەك تۇر. مۇنداي كەلەشەك ەكونوميكانىڭ ءار سالاسىندا بار. مۇنىڭ بارىنە نۇرسۇلتان نازارباەۆ نەگىز قالاپ بەردى. مەنىڭ زامانداستارىم دا ەلباسىنىڭ قازاقستاندى قۋاتتى ەلگە اينالدىرۋ ماقساتىن ىسكە اسىرۋدى جالعاستىرعانىن قالايدى», دەدى.
اتىراۋداعى مۇناي وڭدەۋشىلەر وسىلايشا ەلباسى نۇرسۇلتان نازارباەۆتىڭ كانديداتۋراسىنا ءبىراۋىزدان قولداۋ ءبىلدىردى.
جولداسبەك شوپەعۇل,
«ەگەمەن قازاقستان».
اتىراۋ وبلىسى.
سۋرەتتى تۇسىرگەن
راحىم قويلىباەۆ.
