12 جاسار بالا فەدەرەرگە قارسى قالاي ويناۋ كەرەكتىگىن كورسەتتى (ۆيدەو)

استانا. 12 ناۋرىز. تەننيستەن جۇلدە اتاۋلىنىڭ ءبارىن ۇتقان اتاقتى رودجەر فەدەرەر بۇگىن 12 جاسار بالاعا قارسى وينادى. بۇل تۋرالى egemen.kz حابارلادى. نەگىزى فەدەرەر بولگاريالىق گروگور ديميتروۆقا قارسى ويناپ جاتقان. نيۋ-يوركتەگى كورمە رەتىندە ۇيىمداستىرىلعان ويىندا بولگار تەننيسشىسى 2:1 (6:2, 1:6, 7:5) ەسەبىمەن جەڭىسكە جەتتى. تارتىستىڭ ەڭ قىزىقتى ءساتى ءۇشىنشى سەتتە بولدى. فەدەرەر كەزەكتى رەت دوپتى ويىنعا قوسۋعا دايىندالىپ تۇرعاندا كورتقا جاس بالا شىعىپ, بولگار تەننيسشىسىنىڭ قولىنان راكەتكانى الدى.  ۇرىستا تۇرىس جوق دەگەن قاعيدانى ۇستانعان شۆەيتساريالىق تا ويلانباستان  دوپتى ويىنعا قوسىپ جىبەردى. سول-اق ەكەن ءجاسوسپىرىم بالا وعان جاۋاپ قايتارىپ, دوپتى قايتادان فەدەرەردىڭ ايماعىنا اسىردى. بىرنەشە سوققىمەن الماسقان فەدەرەر تورعا تىم جاقىن كەلىپ, بالانىڭ كەزەكتى دوبىن قابىلداي المادى. ناتيجەسىندە, 12 جاستاعى بالا داڭقتى فەدەرەردەن ۇپاي ولجالاپ, راكەتكانى قايتادان ديميتروۆتىڭ قولىنا ۇستاتتى. ەلامان قوڭىر. دەرەك: egemen.kz. سۋرەت: worldsportss.com.