پرەزيدەنتتىككە ۇمىتكەرلەردىڭ قاتارى 21 ادامعا جەتتى

استانا. 12 ناۋرىز. ورتالىق سايلاۋ كوميسسياسىنا كەزەكتەن تىس پرەزيدەنتتىك سايلاۋعا كانديدات رەتىندە تىركەلگەندەردىڭ سانى 21 ادامعا جەتتى. ورتالىق سايلاۋ كوميسسياسى توراعاسىنىڭ ورىنباسارى ۆلاديمير فوسس وسىلاي دەدى. بۇل تۋرالى «قازاقپارات» حابارلادى. ۆلاديمير فوسستىڭ ايتۋىنشا, كانديداتتاردىڭ 18-ءى سايلاۋعا ءوزىن-ءوزى, ەكى كانديداتتى, اتاپ ايتقاندا, ن.نازارباەۆتى «نۇر وتان» پارتياسى, ال ت.سىزدىقوۆتى قازاقستاننىڭ كوممۋنيستىك حالىق پارتياسى ۇسىنعان. قازىرگى ۋاقىتتا ولاردىڭ سايلاۋ تالاپتارىنا سايكەستىگى تەكسەرىلىپ, كەيبىرى لينگيستيكالىق كوميسسياعا سىناق تاپسىرۋ ۇستىندە.«8 كانديداتتى تىركەۋدەن باس تارتىلدى. ولاردىڭ ەكەۋىنىڭ جاسى كونستيتۋتسياعا سايكەس سايلاۋعا ءتۇسۋ جاسىنا تولماعان. التاۋى لينگۆيستيكالىق كوميسسيا سىناعىن تاپسىرا المادى. 4 ادام لينگۆيستيكالىق كوميسسيا سىناعىن تاپسىردى. ولاردىڭ سايلاۋ تالاپتارىنا سايكەستىگى تەكسەرىلدى. ولار قازىرگى ۋاقىتتا سەنىمدى تۇلعالارىن تىركەپ, قول جيناۋ جۇمىسىمەن اينالىسۋدا», – دەدى ۆ.فوسس. ونىڭ اتاپ وتۋىنشە, بۇگىن م.تەلەبەكوۆ, ءا.قۇسايىنوۆ, س.مۇقاش جانە اسىلبەك امانتاي ورتالىق سايلاۋ كوميسسياسىنا كەلىپ, پرەزيدەنتتىككە كانديدات رەتىندە تىركەلگەن. جولدىباي بازار. دەرەك: «قازاقپارات». سۋرەت: thenews.kz.