ومبۋدسمەن ءوفيسىنىڭ تەكسەرىسى

جۋىردا ادام قۇقىقتارى جونىندەگى ۋاكىلدىڭ تاپسىرىسى بويىنشا ادام قۇقىقتارى جونىندەگى ۇلتتىق ورتالىقتىڭ قىزمەتكەرى سولتۇستىك قازاقستان وبلىسىنداعى ەس-164/4 تۇزەتۋ مەكەمەسىنە بارىپ كەلدى. ساپار توپتىق دەنە مۇشەسىنە زاقىم كەلتىرۋ ءجايتى بويىنشا باق-تاعى اقپارات تۋدىرعان قوعامدىق ۇنقاتۋعا بايلانىستى جاسالدى. 2010 جىلدىڭ 21-22 شىلدەسىندە 37 ايىپتالعان دەنە مۇشەسىنە زا­قىم كەلتىرۋ ارەكەتىن جاساۋ ارقىلى بۇل مەكەمەدە ۇستاۋ جاعدايلارىنا نارازىلىقتارىن بىلدىرگەن. ورتا­لىق­تىڭ قىزمەتكەرى مەكەمەگە كەل­گەن كەزدە بارلىق زارداپ شەككەن­دەرگە قاجەتتى مەديتسينالىق كومەك كورسەتىلگەن ەدى. جاعدايدى زەرتتەۋ بارىسىندا ومبۋدسمەن ءوفيسىنىڭ قىزمەتكەرى ەس-164/4 مەكەمەسىنىڭ باسشىلى­عى­مەن كەزدەسۋلەر مەن سۇحباتتاسۋلار وتكىزدى. سونىمەن بىرگە قىلمىس­تىق-اتقارۋشى جۇيە كوميتەتىنىڭ, پروكۋراتۋرا مەن ىشكى ىستەر ورگان­دارىنىڭ وكىلدەرىمەن بىرلەسە جەكە ماسەلە بويىنشا ايىپتالعانداردى قابىلدادى. ايىپتالعانداردىڭ شاعىم­دارىن­دا مەكەمەدەگى كوممۋنالدىق-تۇرمىستىق جاعدايلارعا كوڭىلى تول­ماۋشىلىق, سۋمەن جەتكىلىكسىز قام­تاماسىز ەتۋ, تاماقتاندىرۋ ساپاسى, سالالىق مەديتسينالىق ماماندار­دىڭ بولماۋى, سونداي-اق تۇرعى­لىق­تى مەكەن-جايى بويىنشا جازانى كەشۋ پروبلەمالارى كورىنىس تاپقان. قازىرگى ۋاقىتتا مۇشەنى زاقىم­داۋ­شىلىق دالەلى بويىنشا وبلىس­تىق پروكۋراتۋرا وكىلدەرى تەكسەرىس وتكىزىپ جاتىر. سولتۇستىك قازاقستان وبلىسى اكىمىنىڭ جانىندا جاع­داي­دى زەرتتەۋ جانە تۇراقتاندىرۋ ءجو­نىن­دەگى كوميسسيا قۇرىلدى, اۋدان­دىق جانە وبلىستىق دەنساۋلىق ساقتاۋ مەكەمەلەرىنىڭ مەديتسينالىق ما­­ماندارى ايىپتالعانداردى قا­بىل­داۋ مەن قاراۋدى ۇيىم­داستىردى. وسى مەكەمەدە ورىن العان جاع­دايعا الاڭداۋشىلىقتى بىلدىرە وتىرىپ, ونىڭ باسشىلىعىنا ايىپ­تالعاندارمەن قارىم-قاتىناس جاساۋ مەن ۇقساس فاكتىلەردى بولدىرماۋ سا­لاسىندا ۇلتتىق جانە حالىقارالىق نورمالار مەن ستاندارتتاردى قامتاماسىز ەتۋ بويىنشا كىدىرىسسىز شارالار قولدانۋ ۇسىنىلدى. ادام قۇقىقتارى جونىندەگى ۋاكىل اپپاراتىنىڭ ءباسپاسوز قىزمەتى.