رەسەيدە اۆتوكولىكتىڭ باعاسى ءوستى

استانا. 12 ناۋرىز. رەسەيدە ءرۋبلدىڭ كۋرسى تۇراقتانعاننان كەيىن اۆتولىكتىڭ باعاسى تاعى ءوستى. بۇل تۋرالى egemen.kz ءتىلشىسى حابارلادى. Mercedes-Benz, Porshe, Lexus, Toyota, Volkswagen, Land Rover, Jaguar Jeep, Chtysler, Honda, Acura, Infiniti اۆتوكومپانيالارى اقپان-ناۋرىز ايلارىندا اۆتوونىمدەرىنىڭ باعاسىن كوتەردى. الداعى ۋاقىتتا دا اتالعان كومپانيالار اۆتوكولىكتىڭ باعاسىن كوبەيتەدى دەپ كۇتىلۋدە. قاڭتار ايىندا ۋاز, KIA, Hyunday, Nissan, Toyota كولىكتەرىنىڭ باعاسى ورتاشا ەسەپپەن العاندا 3-5 پايىزعا وسكەن. ەستەرىڭىزگە سالا كەتسەك, بىلتىرعى جىلدىڭ سوڭىندا رەسەيدە ءرۋبلدىڭ قۇلدىراۋىنا بايلانىستى اۆتوكولىكتىڭ باعاسى ارزانداعان بولاتىن. سول كەزدە وسى مۇمكىندىكتى قازاقستاندىقتار پايدالانىپ, رەسەيدەن جاپپاي اۆتوكولىك ساتىپ الا باستاعانى بەلگىلى.  قارجى مينيسترلىگىنىڭ مالىمەتتەرىنە قاراعاندا, وتانداستارىمىز قاراشا-جەلتوقسان ايلارىندا كورشى ەلدەن 22 مىڭ اۆتوكولىكتى ساتىپ العان. وسى ۆەدومستۆونىڭ حابارلاۋىنشا, ەلىمىزگە كوبىنە Lada, Toyota, KIA, Hyunday Chevrolet كولىكتەرى اكەلىنگەن. داستان كەنجالين. دەرەك: egemen.kz سۋرەت: egemen.kz