يندونەزيادا قالىڭدىق ۇيىمەن قوسا ساتىلادى

استانا. 12 ناۋرىز. يندونەزيانىڭ دجوكياكارتا قالاسىندا تۇراتىن ۆينا لي ەسىمدى ايەل (سۋرەتتە) ساۋداعا ءۇيىن, وعان جاپسارلاس سالىنعان گاراجىن, كەڭ اۋلاسىن جانە... ءوزىن قوسا شىعاردى. بۇل تۋرالى Lenta.ru حابارلادى. ايەلگە مۇنداي يدەيانى جىلجىمايتىن م ۇلىكتەر جونىندەگى اگەنت بەرگەن كورىنەدى. ەكى جاتىن بولمەسى, ەكى ۆانناسى جانە بالىقتار وسىرەتىن توعانى بار ءبىر قاباتتى ءۇي 77 مىڭ دوللارعا باعالانعان. ءۇيدىڭ ساتىلاتىنى تۋرالى جارنامانى ريەلتور سايتىنا ورنالاستىرعان اگەنت «ءۇيدى سۇرالعان باعا بويىنشا ساتىپ الىپ, ايەلدى قوسا يەمدەنىڭىز» دەپ جازىپ قويىپتى. ال 40 جاستاعى ۆينا ءليدىڭ ايتۋى بويىنشا, ونىڭ وسى كەزگە دەيىنگى ماحاببات ماشاقاتتارىنىڭ ءبارى ءساتسىز اياقتالىپتى. دەگەنمەن, ول ءالى ءۇمىتىن جوعالتا قويماعانعا ۇقسايدى. «مەنىڭ الدىمەن ءۇيدى ساتقىم كەلگەن, ال ەگەر وعان قوسا جانىمدى تۇسىنەىن ادام كەزدەسىپ جاتسا, ءتىپتى قاتىپ كەتەر ەدى», - دەيدى ايەل. اگەنتتىڭ ايتۋى بويىنشا, قازىر ءۇيدى ساتىپ الۋعا تىلەك بىلدىرۋشىلەردە ەسەپ جوق سياقتى. ونى ساتىپ الۋشىنىڭ ايەلدى قوسا الۋى مىندەتتى ەمەس ەكەنى ايتىلعانىنا قاراماستان, ۇيلەمەۋشىلەر قاتارى ۇزىلەتىن ەمەس. مۇرات ايتقوجا.