ۆەنا كەلىسسوزدەر قۇجاتى قاۋىپسىزدىك پەن سەنىمدى نىعايتپاق

الماتىدا “سەنىم مەن قاۋىپسىز­دىكتى نىعايتۋ شارالارى بويىنشا 1999 جىلعى ۆەنا كەلىسسوزدەر قۇجاتى” اياسىنداعى قارۋ-جاراقتى باقىلاۋ بويىنشا كەزەكتى ايماقتىق كۋرس ءوز جۇمىسىن اياقتادى. قر قورعانىس مينيسترلىگى جانىنداعى قارۋ-جاراقتى قىسقارتۋدى باقىلاۋ جانە ينسپەكتسيا قىزمەتىن قامتاماسىز ەتۋ ورتالىعى مەن استاناداعى ەقىۇ ورتالىعى, ورتالىق ازيا مەن كاۆكاز مەملەكەتتەرىندەگى ەقىۇ ورتالىقتارى مەن ميسسيالارى, ۆەناداعى ەقىۇ حاتشىلىعى بىرلەسىپ ۇيىمداستىرعان  كۋرس جۇمىسىندا بىرقاتار ماڭىزدى ماسەلەلەر قامتىلدى. كۋرس جۇمىسىنا قر قورعانىس مينيسترلىگى جەتەكشىلەر قۇرامى­نىڭ وكىلى, گەنەرال-مايور باقتيار سىزدىقوۆ, استاناداعى ەقىۇ ور­تالىعى باسشىسىنىڭ ورىنباسارى جاننەت كلەتتسەر, ەقىۇ-نىڭ ۆە­نا­داعى حاتشىلىعىنىڭ وكىلى لورا فۋرۋحولم جانە تۇركىمەنستان, ءتا­جىكستان, قىرعىزستان, ارمەنيا, بەلارۋس, ۇلىبريتانيا مەن فران­تسيا ۆەريفيكاتسيالىق ورتا­لىق­­تارى­نىڭ اسكەري-ديپلوماتيا­لىق وكىلدەرى قاتىستى. سونىمەن, ءۇش كۇنگە سوزىلعان كۋرس جۇمى­سىندا ەقىۇ بايلانىس تورابى بويىنشا حابارلاندىرۋلار فور­ماتىمەن الماسۋعا قاتىستى ۆەنا قۇجاتىنىڭ ەرەجەلەرىن ورىنداۋ, قۇجاتقا قا­تى­سۋشى مەملەكەت­تەردىڭ ءوزارا ينس­پەكتسيالىق قىز­مەتىن قامتاماسىز ەتۋ سياقتى ەقىۇ اسكەري-ساياسي ولشەمى تاقىرىبىنا قاتىستى لەكتسيالار توپتاماسى وقىلدى. كۋرسقا قاتىسۋشىلار ەقىۇ كەڭىس­تىگىندە سەنىم مەن قاۋىپسىزدىك ءىس-شارالارىن قولدانۋدى جەتىل­دىرۋ بويىنشا ءوزارا پىكىر الماس­تى. سونداي-اق كۋرس جۇمىسى اياق­تال­عان­نان كەيىن قارۋلى كۇشتەر بولىمدەرىنىڭ بىرىندە وقۋ-جاتتىعۋ ينسپەكتسياسى دا جۇرگىزىلدى. قازاق­ستان­نىڭ ەۋروپاداعى قاۋىپسىزدىك جانە ىنتىماقتاستىق جونىندەگى ۇيىم­عا توراعالىعىنا وراي قر قورعانىس مينيسترلىگى سەنىمدىلىك شا­رالارىن جانە ايماقتىق قاۋىپ­سىز­دىكتى نىعايتۋ بويىنشا ءبىر­قاتار ءىس-شارالاردى جۇزەگە اسىر­دى. سونىمەن بىرگە قارۋ-جاراقتى باقىلاۋ سالاسىندا سەمينارلار مەن كۋرستىق ساباقتار دا وتكىزىلدى. قر قورعانىس مينيسترلىگى جە­تەك­شىلەر قۇرامىنىڭ وكىلى, گەنە­رال-مايور باقتيار سىزدىقوۆتىڭ ايتۋىنشا, كۋرس جۇمىسىنىڭ  ەقىۇ-عا قاتىسۋشى  مەملەكەت­تەر­دىڭ  سىرتقى ىستەر مينيستر­لەرى­نىڭ جا­قىندا عانا الماتىدا وتكەن بەي­رەسمي  كەزدەسۋىنەن كەيىن ۇيىم­­داستىرىلۋىنىڭ ماڭىزدى­لىعى زور. – كوپشىلىككە بەلگىلى, قازاق­ستان مەملەكەتى ءاردايىم جانە ۇنەمى حالىقارالىق تەرروريزمگە, ءدىني ەكسترەميزمگە, ەسىرتكى ساۋ­داسى مەن وزگە دە بۇگىنگى تاڭداعى الۋان ءتۇرلى قاۋىپ-قاتەرلەرگە قارسى با­عىت­تالعان حالىقارالىق ءوزارا قا­رىم-قاتىناستىڭ بەلسەندى قاتى­سۋ­شىسى بولىپ كەلەدى. بۇگىنگى تاڭدا بۇكىل الەمدە تۇراقتى جانە بەيبىت دامۋدىڭ ەڭ ماڭىزدى شارتتارى­نىڭ ءبىرى – سەنىم مەن قاۋىپسىزدىكتى نىعايتۋ, قارۋ-جا­راققا باقىلاۋ رەجىمىن ساقتاۋ بولىپ تابىلادى. ال قازاقستان­نىڭ ەقىۇ-عا بي­ىلعى جىلعى توراعالىعىنداعى باس­تى ماقساتى – وڭدى تاجىريبە­لەر­مەن الماسا وتىرىپ, ءتيىمدى, ىق­پال­دى شەشىم­دەردى ىزدەستىرۋ ەكەندىگى ءسوزسىز. بۇل ورايدا, ىقىلاستى ۇنقاتىسۋدىڭ مىسالى رەتىندە ەقىۇ كەڭىس­تى­گىندە قاۋىپسىزدىك پەن سەنىمدى نىعايتۋدىڭ ماڭىزدى قۇرالدارى­نىڭ ءبىرى بولىپ سانالاتىن ۆەنا قۇجاتىن جاڭارتۋدىڭ قاجەتتىگى تۋرالى كونسەنسۋستىق شەشىمدى اتاپ ايتۋعا بولادى,– دەيدى گەنەرال-مايور باقتيار سىزدىقوۆ ءوز ويىن ورتاعا سالىپ. شىن مانىسىندە دە, اسكەريلەر پىكىرىنشە قازاقستاننىڭ ەقىۇ-عا توراعالىعى جىلىنداعى وسىن­داي جوعارى دەڭگەيدەگى ايماقتىق وقۋ كۋرسى وتكىزىلۋىنىڭ ءمانى مەن ماڭىزى ايرىقشا ەكەندىگى ايتپاسا دا تۇسىنىكتى. كەزەكتى وقۋ كۋرسى­نىڭ ۇيىمداستىرىلۋى تەك ور­تالىق ازيا مەن كاۆكاز ايما­عىندا عانا ەمەس, سونىمەن قاتار ەقىۇ كەڭىستىگىندە تۇتاستاي ال­عان­دا ايماقتىق سەنىم مەن قاۋىپ­سىزدىكتى نىعايتۋعا ءوز ۇلەسىن قوسا­تىنىنا سەنىم مول. كوپشىلىك تۇجىرىمى وسى. باقىت بالعارينا. الماتى.