تاراز. 3 شىلدە. وبلىس ورتالىعىنداعى «جەڭىس» ساياباعىندا جامبىل وبلىسى ىشكى ىستەر دەپارتامەنتى ەسىرتكى بيزنەسىنە قارسى كۇرەس باسقارماسى قىزمەتكەرلەرىنىڭ باستاماسىمەن تاراز قالاسى اكىمدىگى ىشكى ساياسات باسقارماسىنىڭ «تاراز جاستار ورتالىعى», جامبىل وبلىستىق سالاۋاتتى ءومىر سالتىن قالىپتاستىرۋ ورتالىعى جانە «ءبىر بولاشاق» جاستار قوعامدىق بىرلەستىگىنىڭ قولداۋىمەن «تاراز – ناشاقورلىقسىز قالا!» اتتى اكتسيا ءوتتى. بۇل تۋرالى egemen.kz ءتىلشىسى حابارلادى.
«ادامنىڭ دەنساۋلىعى – قوعام بايلىعى. ءاربىر ادام ءوز دەنساۋلىعىنىڭ مىقتى بولۋى جولدارىن قاراستىرادى. وتانىمىزدىڭ كەلەشەگى مەن كوركەيۋى ءوزىمىزدىڭ قولىمىزدا. سالاۋاتتى ءومىر ءسۇرۋدىڭ نەگىزى – جامان ادەتتەردەن اۋلاق بولۋ. ال سالاۋاتتى ءومىر سۇرۋگە كەرى ىقپال تيگىزەتىن ىندەت – ول ناشاقورلىق» دەيدى بۇل جونىندە جامبىل وبلىستىق سالاۋاتتى ءومىر سالتىن قالىپتاستىرۋ ورتالىعىنىڭ ديرەكتورى گۇلجان يمانبەكوۆا. ءىىد ەسىرتكى بيزنەسىنە قارسى كۇرەس باسقارماسىنىڭ اعا ينسپەكتورى, پوليتسيا پودپولكوۆنيگى ۆاسيلي دۋبسكي: «قازىرگى ۋاقىتتا ناشاقورلىق ماسەلەسى الەمدىك قوعامداستىقتا وزەكتى بولىپ قالۋدا جانە ونىڭ سالدارى رەتىندە جاستار اراسىندا ەسىرتكىنى پايدالانۋمەن بايلانىستى احۋال بارلىق ەلدەر ۇكىمەتىنىڭ الاڭداۋشىلىعىن ارتتىرىپ وتىر» دەدى. پوليتسيا پولكوۆنيگى ناشاقورلىققا قارسى كۇرەس ماسەلەسىندە بەلسەندى جۇمىس اتقارعانى ءۇشىن ۇقد «وڭتۇستىك - ارىلۋ» قوعامدىق بىرلەستىگىنىڭ باسشىسى داۋرەن باقجانوۆتى ىشكى ىستەر ءمينيسترى, پوليتسيا گەنەرال-مايورى ق.قاسىموۆتىڭ گراموتاسىمەن ماراپاتتادى. ءىىد ەبقكب قىزمەتكەرلەرى دە بۇل كۇنى ولجاعا كەنەلدى, بىلدەي بەس قىزمەتكەرىنە ىشكى ساياسات باسقارماسىنىڭ العىس حاتى تابىس ەتىلدى.
سالتاناتتى شارادا ءىىد كينولوگيا ورتالىعى ارنايى دايارلانعان يتتەردىڭ كورسەتىلىمى شاراعا شىراي بەرگەندەي. اكتسيا سوڭىندا ۇيىمداستىرۋشىلار ازىرلەگەن كونتسەرتتىك باعدارلاما جالعاسىن تاۋىپ, بارلىق اتسالىسۋشىلارعا «ناركوپوست» جانە «ەسىرتكىسىز بولاشاق» اتتى جۋرنالدارى تارتىلدى.
ورالحان ءداۋىت.
دەرەك, سۋرەت: egemen.kz.
