گەرمان گرەف «ۇلت جوسپارى – 100 ناقتى قادامدى» سينگاپۋرلىك باعدارلاماعا تەڭەدى

الماتى. 21 مامىر. رەسەيلىك «سبەربانك»-ءتىڭ باسقارما توراعاسى گەرمان گرەف پرەزيدەنت نۇرسۇلتان نازارباەۆتىڭ «ۇلت جوسپارى – بەس ينستيتۋتتىق رەفورماسىن جۇزەگە اسىرۋعا باعىتتالعان 100 ناقتى قادامىن» وقىعاننان كەيىن ءوزىنىڭ «مادەني ەسەڭگىرەپ» قالعانىن مالىمدەدى. بۇل تۋرالى يا «نوۆوستي-قازاقستان» حابارلادى. استانادا ءوتىپ جاتقان ەكونوميكالىق فورۋم بارىسىندا گەرمەن گرەف: «قازاقستان پرەزيدەنتىنىڭ «100 ناقتى قادام» تۋرالى تاياۋدا جاريالانعان قۇجاتىن سىزدەردىڭ وقىپ ۇلگەرگەن-ۇلگەرمەگەندەرىڭىزدى بىلمەيمىن. بىراق مەن بۇل قۇجاتتى وقىپ شىققاندا «مادەني ەسەڭگىرەپ» قالدىم» – دەدى. ءوزى اتاپ ايتقانداي مەملەكەت دامۋىنىڭ تاماشا باعدارلاماسى بولىپ سانالاتىن قۇجاتقا قاتىستى ول ودان ارى: «قازاقستان الەمدەگى ەڭ ءبىر مانساپتى باعادارلاماسىمەن باستاما جاسادى. مەن بۇل باعدارلامامەن تانىسۋ بارىسىندا بەينە ءبىر سينگاپۋر ۇكىمەتىنىڭ باعدارلاماسىن وقىپ وتىرعانداي كوڭىل-كۇيدە بولدىم. مەنىڭشە بۇل باعدارلاماعا تالاي-تالاي ەۋروپالىق ەلدەردىڭ ۇكىمەتتەرى تاڭدانىسپەن قىزىعۋشىلىق بىلدىرەدى دەپ ويلايمىن», – دەپ اعىنان جارىلدى. تالعات ءسۇيىنباي. دەرەك, سۋرەت: يا «نوۆوستي-قازاقستان».