1 000 000 تەڭگە سىياقى بەرىپ ماراپاتتادى

وبلىس اكىمى بەيبىت اتامقۇلوۆ برازيليانىڭ سالۆادورە-دە-بايا قالا­سىندا ەركىن كۇرەستەن جاستار اراسىنداعى الەم چەمپيوناتىنىڭ قولا ءجۇل­دەگەرى باقداۋلەت المەن­تايدى ارنايى قابىلدادى. باقداۋلەت – تالانتتى بالۋان. العاشقى كەزدەسۋىندە جاپون بالۋانىن ايقىن جەڭگەن جىگىتىمىز فينالعا شىعاتىن كەزەڭدە عانا ازەربايجان بالۋانىنا جول بەرگەن. ال, قولا مەدال ءۇشىن كۇرەستە قارسىلاسىن ەركىن ەڭسەردى. – ەركىن كۇرەس وليمپيادا ويىندارىنىڭ شىرايىن اشاتىن سپورت تۇرلەرىنىڭ ءبىرى, – دەيدى وڭتۇستىك قازاقستان وبلىسى سپورت جانە دەنەشىنىقتىرۋ باسقارماسىنىڭ باسشىسى الىبەك نۇرتاەۆ. – قازاقستاننىڭ ەركىن كۇرەس تاريحىندا وليمپيادا ويىندارى جانە الەم چەمپيوناتتارىندا قازاق جاستارىنان التىننان ولجا سالعان وعلاندارىمىز بولماي تۇرعاندىعى ويلاندىرادى. باقداۋلەت سياقتى مىقتى بالۋاندار وسى مەجەنى الادى دەپ سەنەمىز. بۇگىندە وڭتۇستىكتىڭ ءتورت سپورتشىسى وليمپيادا ويىندارىنا جولداما الدى. الەم چەمپيوناتىنىڭ جۇلدەگەرىنە 1 ملن. تەڭگەنىڭ سەرتيفيكاتىن ۇستاتقان وبلىس اكىمى وليمپيادا ويىندارىنا باراتىن بارلىق سپورتشىلارعا كەرەك جاعدايدىڭ ءبارى جاسالاتىندىعىن ايتتى. باقتيار تايجان, «ەگەمەن قازاقستان». شىمكەنت.