تاعاتتىلىق –تۇراقتى دامۋ نەگىزى

 

قازاقستان رەسپۋبليكاسىنىڭ پرەزيدەنتى جانىنداعى ورتالىق كوممۋنيكاتسيالار قىزمەتىندە مادەنيەت جانە سپورت مينيسترلىگى ءدىن ىستەرى كوميتەتىنىڭ توراعاسى عالىم شويكيننىڭ, مادەنيەت جانە سپورت مينيسترلىگى جانىنداعى مادەنيەتتەر مەن دىندەردىڭ حالىقارالىق ورتالىعىنىڭ ديرەكتورى ەرتاس مۇراتبەكوۆتىڭ جانە ءدىن ماسەلەلەرى جونىندەگى عىلىمي-زەرتتەۋ جانە تالداۋ ورتالىعىنىڭ ديرەكتورى اينۇر ابدىراسىلقىزىنىڭ قاتىسۋىمەن «كونفەسسياارالىق كەلىسىم – قازاقستاننىڭ تۇراقتى دامۋىنىڭ نەگىزى» تاقىرىبىندا بريفينگ بولىپ ءوتتى.

ءدىن سالاسىنداعى ۋاكىلەتتى ورگاننىڭ توراعاسى ءدىن ىستەرى كوميتەتىنىڭ جۇمىسى ەلباسىنىڭ «نۇرلى جول – بولاشاققا باستار جول» جولداۋىندا بەلگىلەنگەن مىندەتتەردى, «نۇر وتان» پارتياسى مەن قازاقستان حالقى اسسامبلەياسىنىڭ وتىرىستارىندا ايتىلعان ويلارىن ىسكە اسىرۋ شەڭبەرىندە مەملەكەت پەن قوعامىمىزدىڭ تۇتاستىعى مەن تۇراقتىلىعىن ساقتاۋ مەن نىعايتۋعا, كونفەسسياارالىق اۋىز­بىرشىلىكتى نىعايتا تۇسۋگە, زايىر­لى جانە ءداستۇرلى ۇلتتىق, ءدىني-رۋحاني قۇندىلىقتارىمىزدى كەڭىنەن ناسيحاتتاۋعا جۇمىلدىرىلىپ وتىرعانىن اتاپ كورسەتتى. ەلىمىزدە دايەكتى مەملەكەتتىك-كون­فەسسيالىق جانە كونفەسسياارالىق قا­رىم-قاتىناس ورناتىلعان. وسىنىڭ كورىنىسى رەتىندە ەلىمىزدە بەرىك ورنىققان ۇلتارالىق جانە كونفەسسياارالىق كەلىسىم الەمدە «قازاقستان جولى» رە­تىندە تانىلعان. عالىم شويكين: «...بۇل – مەملەكەتتىڭ ءدىن سالاسىندا جۇرگىزىپ وتىرعان ساياساتىنىڭ جەمىسى» جانە «قازاق حالقىنىڭ تەگىندە بار باۋىرمالدىق پەن توزىمدىلىكتىڭ ناتيجەسى», دەپ اتاي وتىرىپ, بۇل, ءوز كەزەگىندە, ەلىمىزدىڭ دامۋىنىڭ بۇگىنى مەن بولاشاعىنا بەرىك ىرگەتاس قالايتىنىن كولدەنەڭ تارتتى. ودان كەيىن ءسوز العان اينۇر ءابدىراسىل­قىزى ءداستۇرلى رۋحاني-ونەگەلىلىك قۇن­دى­لىقتاردى جاڭعىرتۋ جانە زايىرلىلىق قاعيداتتارىن ىلگەرىلەتۋ باعىتىندا ىسكە اسىرىلىپ وتىرعان جۇمىستاردى بايانداسا, ەرتاس مۇراتبەكوۆ ەلباسى باستاماسىمەن قۇرىلىپ, بۇگىنگى كۇندە الەمدىك دەڭگەيدەگى ۇنقاتىسۋ الاڭى رەتىندە تانىلعان الەمدىك جانە ءداستۇرلى دىندەر كوشباسشىلارى سەزدەرىنىڭ ءمانى مەن ماڭىزىنا جان-جاقتى توقتالىپ, بيىلعى جىلعى 10-11 ماۋسىمدا ەلوردامىز استانادا وتەتىن V سەزگە دايىندىق جۇمىستارى تۋرالى ايتىپ ءوتتى. ءلايلا ەدىلقىزى, «ەگەمەن قازاقستان».