استانادا وتاندىق فۋتبول ماماندارى باس قوستى

استانا. 24 تامىز. استاناداعى قازاقستان فۋتبول فەدەراتسياسىنىڭ كەڭسەسىندە فۋتبول ورتالىقتارى ديرەكتورلارىنىڭ قاتىسۋىمەن جيىن ءوتتى. باسقوسۋعا فەدەراتسيانىڭ باس حاتشىسى ازامات ايتقوجين, بالالار جانە جاسوسپىرىمدەر فۋتبولى دەپارتامەنتىنىڭ ديرەكتورى سەرگەي كەنەتاەۆ, كاسىپقوي فۋتبول ليگاسىنىڭ سپورت ديرەكتورى پاۆەل دەميان جانە ايماقتىق فۋتبول ورتالىقتارىنىڭ 7 تەحنيكالىق ديرەكتورى قاتىستى. بۇل تۋرالى قازاقستان فۋتبول فەدەراتسياسىنىڭ ءباسپاسوز قىزمەتى حابارلادى. فەدەراتسيانىڭ باس حاتشىسى ورتالىقتاردى قۇرۋدى جانە ولاردىڭ جۇمىس ىستەۋىنىڭ ماڭىزدىلىعىن اتاپ ءوتتى. ءوز كەزەگىندە تەحنيكالىق ديرەكتورلار فۋتبول ورتالىقتارى مەن كلۋبتار جۇمىسىنىڭ اراسىنداعى قيىندىقتارعا جانە ينفراقۇرىلىم ماسەلەلەرىنە توقتالدى. ورتالىقتاردىڭ تولىققاندى جۇمىسىنا قاتىستى وزگە دە ماسەلەلەر ءسوز بولدى. جيىن قورىتىندىسى بويىنشا فۋتبول ورتالىقتارىنىڭ جەتەكشىسى بولىپ ۆلاديمير بەلياۆسكي تاعايىندالدى. سونىمەن قاتار, ورتالىقتىڭ تيىمدىلىگىن ارتتىرۋعا جانە كاسىبي فۋتبولشىلار دايارلاۋعا كومەكتەسەتىن بىرىڭعاي قۇجات قابىلدانۋى ءتيىس. ايتا كەتۋ كەرەك, فۋتبول ورتالىقتارى 2012 جىلدان باستاپ اشىلىپ كەلەدى. قازىرگى تاڭدا ەلىمىزدىڭ 14 قالاسىندا 14 وسىنداي ورتالىق جۇمىس ىستەيدى. الداعى ۋاقىتتا اقتاۋ مەن پەتروپاۆل قالالارىندا دا اشىلماقشى. ەلامان قوڭىر. دەرەك, سۋرەت: قازاقستان فۋتبول فەدەراتسياسىنىڭ ءباسپاسوز قىزمەتى.