لوندون بيرجاسىندا Brent ماركالى مۇناي باعاسى 1 پايىزعا ارزانداپ, باررەلىنە 46,22 دوللاردى قۇراسا, ال امەريكالىق WTI مۇنايى 0,85 پايىزعا تومەندەپ, باررەلىنە 40,97 دوللارعا قۇلدىرادى. مۇنداي سۇرىپتى وتىنعا دەگەن باعانىڭ تومەندەۋى وسىمەن ەكىنشى ايعا سوزىلىپ كەلەدى.
مۇناي باعاسىنىڭ مۇنشالىقتى تومەندەۋى 1986 جىلدان بەرى بايقالماعان-دى. جىل باسىنان بەرى «قارا التىننىڭ» ەكى ماركاسى دا 30 پايىزعا ارزانداعان. باعانىڭ بۇلايشا تومەن سىرعۋى الەمدە ءوندىرۋ كولەمىنىڭ ارتۋىمەن, يراننان سانكتسيانىڭ الىنىپ تاستالۋىمەن جانە اقش-تاعى مۇناي قورىنىڭ وسۋىمەن بايلانىستىرىلىپ وتىر.
جاعداي تاعى دا ۋشىعا ءتۇستى
كحدر باسشىسى كيم چەن ىن ەگەر وڭتۇستىك كورەيا تاراپىنان شەكارا بويىنداعى اشىق ۇندەۋگە ارنالعان داۋىس زورايتقىشتاردى وشىرمەسە, وندا شەپتەگى اسكەري بولىمشەلەردىڭ «شەشىمدى اسكەري ارەكەتكە كوشۋگە» دايىندالۋى كەرەكتىگى تۇرعىسىندا بۇيرىق بەرگەندىگى بەلگىلى بولدى. مۇنداي بۇيرىق ەكى ەل اراسىنداعى ارتيللەريالىق سوققى الماسقاننان كەيىن ورىن العان.
ازىرگە جاپا شەككەندەر تۋرالى ناقتى اقپارات جوق. وڭتۇستىك كورەيا پرەزيدەنتى ۇلتتىق قاۋىپسىزدىك كەڭەسىن وتكىزىپ, قازىر ەل ارمياسى جوعارى دەڭگەيلى اسكەري دايىندىق جاعدايىنا كەلتىرىلىپ وتىرعان جايى بار. رەتى كەلگەندە اشىق ۇندەۋگە ارنالعان داۋىس زورايتقىشتاردى ىسكە قوسۋ اسكەريلەردىڭ قۇزىرىنا وتكەندىگىن ايتا كەتۋ كەرەك. ونىڭ ۇستىنە اقش پەن وڭتۇستىك كورەيانىڭ بىرلەسكەن اسكەري جاتتىعۋلاردى وتكىزۋى جاعدايدى ۋشىقتىرا تۇسكەن.
بيلىك پارتياسى وتستاۆكاعا كەتتى
گرەكيا پرەزيدەنتى وڭشىل تسەنتريستىك «جاڭا دەموكراتيا» پارتياسىنىڭ ليدەرى ۆانگەليس مەيماراكيسيگە جاڭا ۇكىمەت قۇرامىن جاساقتاۋعا ۇسىنىس جاساماقشى. بۇل بۇرىنعى پرەمەر-مينيستر الەكسيس تسيپراستىڭ وتستاۆكاعا كەتۋىمەن بايلانىستى بولىپ وتىر. ەل كونستيتۋتسياسى بويىنشا ۋاقىتشا قىزمەتتىك ۇكىمەتتى ءۇش جوعارى سوتتىڭ ءبىرى باسقارۋى ءتيىس.
نەگىزىنەن ەل پرەزيدەنتى پارلامەنتتىك سايلاۋ الدىندا پارلامەنت سەنىمىنە يە بولاتىن وزگە پارتيا كوسەمدەرىنە ۇكىمەت جاساقتاۋ تۋرالى ۇسىنىس تاستاي الادى. بۇل رەتتە بيلىكتەگى «سيريزا» پارتياسى ەوب, حۆق جانە ەۋروكوميسسيا تاراپىمەن كەلىسىمگە قول قويعاننان كەيىن وعان ەلدىڭ سەنىمى جوعالا باستاعان. ال پارتيا مۇشەلەرى قاتاڭ ۇنەمدەۋگە ارنالعان «حالىققا قارسى قارارعا» قول قويۋعا نارازى بولعان كورىنەدى.
قىسقا قايىرىپ ايتقاندا:
- «يسلام مەملەكەتى» اسكەري جاساعىنىڭ قاتارىندا جيتس-پەن اۋىرىپ ينفەكتسيا جۇقتىرۋدىڭ 16 جاعدايى انىقتالىپتى. اۋرۋ جۇقتىرعانداردىڭ ءبىر بولىگى جەرگىلىكتى اۋرۋحاناعا جاتقىزىلسا, قالعان سودىرلاردى توپ باسشىلارى ءوزىن ءوزى ولتىرۋشىلەر قاتارىنا قوسقانى ءمالىم بولدى. ولار باسىپ العان اۋماقتا كوپ ايەل الۋ جانە سەكسۋالدىق قۇلدىق دەگەن ۇعىم ساقتالىپ كەلەدى.
- توكيودان پاريجگە بەت العان ۇشاقتى فرانتسيا ازاماتىنىڭ دەنساۋلىعى كۇرت ناشارلاۋىنا بايلانىستى ۇشاق شەرەمەتەۆ اۋەجايىنا كەلىپ قونادى. دارىگەرلەر الگى ايەلدىڭ ءومىرىن ساقتاپ الىپ قالا المادى.
- ۇندىستاندىق اسكەريلەر Dassault كومپانياسى شىعارعان فرانتسۋزدىق Rafale اۋە ۇشاعىن ساتىپ الۋدان باس تارتاتىندىقتارى بەلگىلى بولدى. ونىڭ باستى سەبەبى رەتىندە اۋە ۇشاقتارىنىڭ تىم قىمباتتىعى اتالۋدا. ەندى ۇندىلىك اسكەريلەر بالاما رەتىندە رەسەيلىك سۋ-30مكي شابۋىلداۋشى ۇشاقتارىن ساتىپ الماق نيەتتە ەكەندىكتەرىن بىلدىرگەن.
- سلوۆاكيا اسپانىندا جولاۋشىلار تاسىمالدايتىن «L-410» اتتى ەكى ۇشاقتىڭ سوقتىعىسۋىنان جەتى ادام قازا تاپتى. جەردەن 1,5 مىڭ شاقىرىم بيىكتىكتە سوقتىعىسقان ۇشاقتا 40 ادام بولۋى كەرەك ەكەن. ونىڭ بارلىعى دا ەكى ۇشاقتىڭ اپاتىنا دەيىن پاراشيۋتپەن سەكىرىپ ۇلگەرىپتى.
اقش پرەزيدەنتى باراك وباما كونگرەسس مۇشەلەرىن ەگەر تەگەران اتومدىق باعدارلاما تۋرالى كەلىسىمدى بۇزعان جاعدايدا, اقش ەكونوميكالىق قىسىم كورسەتۋگە, ءتىپتى, اسكەري كۇشتى قولدانۋعا دايىن ەكەندىگىن جەتكىزىپتى. The New York Times باسىلىمىنىڭ حابارلاۋىنشا, اقش پرەزيدەنتى بۇل ەسكەرتۋلەردى ءوزىنىڭ حاتى ارقىلى جولداعان.
وسىلايشا, وباما يران مەن حالىقارالىق اراعايىندىق بولىپ كەلە جاتقان «التىلىقتىڭ» اراسىنداعى كەلىسىمدى قولداۋ ءۇشىن سەناتورلاردى سەندىرۋگە كۇش سالىپتى. بۇل رەتتە يادرولىق باعدارلاماعا ۇستىمىزدەگى جىلدىڭ 14 شىلدەسىندە ۆەنادا قول قويىلعان-دى. ونداعى ماقسات يراننان سانكتسيالار الىنىپ تاستالىپ, مۇنايىن الەمدىك نارىققا شىعارۋ ەكەندىگى ءمالىم.
گەرمانياداعى بوسقىندار قاقتىعىسى
گەرمانيانىڭ ورتالىق بولىگىندە ورنالاسقان بوسقىندارعا ارنالعان لاگەردە ورىن العان قاقتىعىستان 17 ادام جاپا شەكتى, ولاردىڭ التاۋى پوليتسيا قىزمەتكەرلەرى بولىپ شىقتى. زۋل قالاسىندا بولعان بۇل قاقتىعىس ءبىر اۋعاندىقتىڭ قۇران پاراقشالارىن جىرتىپ, دارەتحاناعا تاستاعانىنان وربىگەن. توبەلەستى توقتاتپاق بولعان پوليتسيا قىزمەتكەرلەرى دە سوققىعا جىعىلعان. ءۇش ساعاتقا سوزىلعان قاقتىعىستى باسۋ ءۇشىن وزگە قالالاردان دا پوليتسيا جاساقتارى شاقىرتىلىپتى. رەتى كەلگەندە گەرمانيادان ساياسي باسپانا الۋعا ۇمىتتىلەردىڭ سانى 800 مىڭ ادامنان اسىپ وتىرعاندىعىن ايتا كەتۋ كەرەك.يزرايل تاعى سوققى جاسادى
ءيزرايلدىڭ اۋە كۇشتەرى سيريا استاناسى داماسكىدەن 40 شاقىرىم جەردەگى كۋمەيترا ەلدى مەكەنىنىڭ ينفراقۇرىلىمى نىساندارىن بومبالاعان. وعان سيريالىق اۋماقتان اتىلعان زىمىرانداردىڭ سەبەپ بولعانى ايتىلادى. سونىمەن قاتار, يزرايلدىك ارتيلەرريا سيريالىق اسكەر تاراپىنا دا وق جاۋدىرىپتى.
بۇل سوققىدان ەشكىم زارداپ شەكپەسە دە, ايتارلىقتاي ماتەريالدىق شىعىن ورىن العان. سيريا اۋماعىنان اتىلعان زىمىرانداردى ەش تاراپ ءوز مويىندارىنا الماعانىمەن, يزرايل بۇل سوققىلاردىڭ سيريا بيلىگى ءۇشىن كوپكە تۇسەتىنىن ەسكەرتىپ وتىر. نەگىزىنەن داماسك پەن تەل-اۆيۆ اراسىنداعى جاعدايدىڭ ۋشىعۋى گوللاند اسۋلارىن 1967 جىلى التى كۇندىك سوعىستا ءيزرايلدىڭ تارتىپ العانىنان بەرى جالعاسىپ كەلەدى.
ينتەرنەت ماتەريالدارى نەگىزىندە ازىرلەندى.
