قوستاناي وبلىسىندا 116 ادامدى كەنە شاقتى

قوستاناي. 18 مامىر. قوستاناي وبلىسىنىڭ ەمدەۋ ورىندارىنا 116 ادام كەنە شاعىپ تۇسكەن.  بۇل تۋرالى egemen.kz ءتىلشىسى حابارلادى. قوستاناي وڭىرىندە كەنەنىڭ دەنەگە جابىسقانى, ونىڭ شاققانى اسا قاتەرلى ەمەس. كەنە شاقانداردىڭ بارلىعى دا امان. الايدا, ماماندار جۇرتشىلىققا كەنەدەن ساقتانۋدى بارىنشا ەسكەرتىپ وتىر. كەنە ۋلى بولعان جاعدايدا ول ادام ومىرىنە وتە قاۋىپتى سانالاتىن ميدىڭ قابىنۋىن تۋدىراتىنى بەلگىلى. سونىمەن قاتار ول سىرەسپەدەن بەزگەككە دەيىنگى قاۋىپتى كوپتەگەن جۇقپالى اۋرۋلاردى دا تاراتادى. وبلىستىق سانيتارلىق-ەپيدەميولوگيالىق لابوراتوريا مەڭگەرۋشىسى قارلىعاش كەنجەباەۆا: «ءبىز لابوراتوريادا كەنەلەردى زەرتتەيمىز. ءبىز ولاردان بەزگەك تارايتىندىعىن تەكسەرەمىز. بىراق وسى كۇنگە دەيىن اۋرۋعا وڭ ناتيجە بەرگەن ەمەس. ەندى بيىل ەكىنشى رەت بەزگەككە تاعى دا تەكسەرۋدەمىز», دەدى. قارلىعاش كەنجەباەۆا كەنەدەن ساقتانۋدىڭ جولدارىن دا ايتتى.  ءبىر ءتۇستى كيىم, ەگۋ جانە ءتۇرلى حيميالىق زاتتار كەنەدەن ساقتانۋعا مۇمكىندىك بەرەدى.  قوستاناي وڭىرىندە كەنەلەر ۋلى بولماسا دا, ولاردان ساقتانۋ كەرەك. ءنازيرا جارىمبەتوۆا. دەرەك, سۋرەت: alau.kz