ساۋدا مينيسترىمەن ساليقالى اڭگىمە

استانادا قازاقستان رەسپۋبليكاسىنىڭ سىرتقى ىستەر ءمينيسترى ەرلان ىدىرىسوۆ ساۋد ارابياسى كورولدىگىنىڭ ساۋدا جانە يندۋس­تريا ءمينيسترى تاۋفيك ار-رابيامەن كەزدەسۋ وتكىزدى, دەپ حابارلادى سىرتقى ىستەر مينيسترلىگىنىڭ ءباسپاسوز قىزمەتى. تاراپتار ەكىجاقتى قاتىناستار مەن حالىقارالىق كۇن ءتارتىبىنىڭ كەڭ اۋقىمدى ماسەلەلەرىن تالقىلادى. سۇحباتتاستار ساۋدا-ەكونوميكالىق, يادرولىق جانە جاڭعىرتىلمالى ەنەرگەتيكا, مۇناي حيمياسى, كولىك سالالارىندا ەكىجاقتى بايلانىستاردى دامىتۋعا جانە ينۆەستيتسيالىق ىنتىماقتاستىقتى بەلسەندىلەندىرۋگە مۇددەلىلىگىن ءبىلدىردى. ە.ىدىرىسوۆ ساۋد ارابياسىنىڭ اراب مەملەكەتتەر ليگا­سى­نىڭ, ور­تالىق ازيا ەلدەرى مەن ازەر­باي­جاننىڭ ەكونومي­كالىق فورۋمىن وتكىزۋ باستاماسىن جوعارى باعالاپ, وڭىرلەر ارا­سىنداعى ساۋدا-ەكونوميكالىق بايلانىستاردى ودان ءارى نىعاي­تۋداعى بۇل شارانىڭ زور ماڭىزىن اتاپ ءوتتى. سۇحباتتاستار كاسىپ­كەرلەر كەڭەسىنىڭ بىرلەسكەن جۇمىسىن قايتا جاڭعىرتۋ قاجەت­تىلىگىن راستاپ, ەكىجاقتى كەڭەس وتىرىسىن بيىل وتكىزۋگە كەلىستى. ە.ىدىرىسوۆ قازاقستان ساۋد ارابياسىن اراب جانە مۇسىل­مان الەمىندە ماڭىزدى سەرىكتەس رەتىندە قاراستىراتىنىن اتاپ ءوتتى. «قازاقستان مەن ساۋد ارابيا­سىنىڭ حالىقارالىق جانە ءوڭىر­لىك وزەكتى ماسەلەلەر بويىنشا ۇستانىمدارى ورتاق نەمەسە ۇقساس. جاھاندىق قاۋىپسىزدىكتى نىعايتۋعا, لاڭكەستىكپەن كۇرەسۋ­گە, وركەنيەتتەر ۇنقاتىسۋى ءۇردىسىن دامىتۋعا باعىتتالعان ەكى ەل باس­تامالارى ارقاشان دا ۇندەس كەلەدى», – دەپ مالىمدەدى   ە.ىدى­رىسوۆ. ەكى مەملەكەت تاراپىنان قارۋسىزدانۋ, قاۋىپسىزدىكتى نىعايتۋ, وركەنيەتتەر ۇنقاتىسۋى جانە ت.ب. ماسەلەلەر بويىنشا بۇۇ جانە وزگە حالىقارالىق, وڭىرلىك ۇيىمدار شەڭبەرىندە تىعىز ىقپالداسۋعا مۇددەلىلىك ءبىلدىرىلدى. ە.ىدىرىسوۆ قازاقستان پرەزي­دەن­تىنىڭ الەمدىك جانە ءداستۇرلى دىندەر كوشباسشىلارىنىڭ سەزىن شا­قىرۋ جونىندەگى باستاماسىن, 2017-2018 جىلدارى بۇۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە كانديداتۋراسىن جانە استانادا حالىقارالىق مامانداندىرىلعان ەكسپو-2017 كورمەسىن قولداعانى ءۇشىن ساۋد ارابياسىنا العىسىن ءبىلدىردى. «ەگەمەن-اقپارات».