ءوزىم بىلەمىن دەپ وكىنىپ قالدى

بۇل تۋرالى بىزگە اقمو­لا وبلىس­تىق بالالار اۋرۋحا­نا­سىنىڭ باس دارىگەرى قايىر ابدراحمانوۆ حابارلادى. جەت­كىن­­شەك مۇندا جەدەل جاردەم كولىگى­مەن ءال ۇستىندە جەتكىزىلگەن ەكەن. قالا تۇرعىنىنىڭ 2008 جىلى تۋعان بالاسى اۋرۋحاناعا تاڭعى 5-تە الىپ كەلىنگەن. شۇعىل تۇردە قايتا وتا جاسا­عان دارىگەرلەر وعان «تسيركۋمتسيزودان كەيىنگى قابىنۋ» دياگ­نوزىن قويىپتى. كەيىن انىق­تالعانىنداي, بالاسىن سۇندەتكە وتىرعىزۋ نيەتىندەگى اكە وتا­شىنى الىستان ىزدەمەي, ءوزى ىسكە كىرىسىپ كەتكەن. مۇنىڭ سوڭى قان كەتىپ, بالانىڭ قى­زۋى كوتەرىلىپ, السىرەۋىنە اكەلىپ سوققان. اقىرى «قوجا اكە» جەدەل جاردەم شاقىرۋعا ءماجبۇر بولىپتى. قازىر بالا ۋچاسكەلىك دارىگەردەن كومەك الىپ ءجۇر. – مۇنداي جاعداي, ءتىپتى, كوپتى كورگەن دارىگەرلەردىڭ ءتاجى­ريبەسىندە كەزدەسپەگەن, – دەيدى قايىر حاميت ۇلى. – وقيعاعا سەلقوس قاراۋعا بولمايدى. مۇنىڭ وكىنىشتى سالدارى بولۋى مۇمكىن ەدى. سوندىقتان, پوليتسياعا, دەنساۋلىق ساقتاۋ باسقارماسىنا حابارلادىق. بالا اكەسىنىڭ قىلىعى كوپشىلىك تالقىسىنا ءتۇسۋى كەرەك. باقبەرگەن امالبەك, «ەگەمەن قازاقستان». كوكشەتاۋ.