ونەر ارقاۋى – حالىق دوستىعى

اقتوبە قالاسىنداعى قازاق­­­­ستان حالقى اسسامبلەياسى عيما­را­تىن­دا ءحVى «قازاقستان – دوستىقتىڭ مەكەنى» اتتى حالىق دوستىعىنىڭ وبلىستىق فەستيۆالى وتكىزىلدى. فەستيۆالعا وبلىستىق دوستىق ءۇيىنىڭ ەتنومادەني بىرلەس­­تىكتەرىنىڭ شىعارماشىلىق ۇجىم­دارى, ءان-بي انسامبلدەرى قاتىستى. قازاقستان حالقى اسسام­بلەيا­سىنىڭ 20 جىلدىعىنا وراي ون التىنشى رەت وتكىزىلىپ وتىرعان فەستيۆالدىڭ ماقساتى – وڭىردە تۇرىپ جاتقان ەتنوستاردىڭ ءتىلى مەن سالت-ءداستۇرىن, جالپى, قازاق­­ستاندىق مادەنيەتتى, رۋحاني بىرلىكتى, حالىقتار اراسىنداعى دوس­تىق­تى, ۇلتتىق ءتول مادەنيەتتى قالىپتاس­تىرۋ مەن دامىتۋ, ناسيحاتتاۋ بولىپ تابىلادى. مادەني شارا­نىڭ شىمىلدىعىن «دوستىق سازى» حالىقتىق-فولكلورلىق انسام­بلى «ىلمە» كۇيىمەن اشتى. سودان كەيىن ساحناعا كوتەرىلگەن ءانشى گۇلمارس امانباەۆا عاري­فوللا قۇرمانعاليەۆتىڭ «سالەم» ءانىن سانىنە كەلتىرە شىرقادى. فەستيۆالدىڭ سالتاناتتى اشى­لۋىندا ءسوز العان وبلىستىق ءما­دەنيەت, مۇراعاتتار جانە قۇ­جات­تاما باسقارماسىنىڭ باسشىسى ءنازيرا تابىلدينوۆا وڭىردە توقساننان استام ۇلتتىڭ وكىلدەرى تاتۋ-ءتاتتى تۇرىپ جاتقانىن, ولار­دىڭ ءتىلىن, سالت-ءداستۇرىن جانە ونەرىن ساقتاۋعا جانە دامىتۋعا جان-جاقتى جاعداي جا­سالىپ وتىر­عانىن تىلگە تيەك ەتە كەلىپ, بۇگىنگى مادەني شارانىڭ ما­ڭىزى زور ەكە­نىن اتاپ ءوتتى. فەستي­­ۆال­عا قاتىسۋ­شىلاردىڭ ونەر ءبيى­گى­­نە كو­تە­رىلە بەرۋلەرىنە ساتتىلىك تىلەدى. بۇدان كەيىن ساحناعا ەتنومادەني بىرلەستىكتەردىڭ ونەرپازدارى كوتە­رىلدى. وسىنداعى «سلاۆيانە» ورىس ەتنومادەني بىرلەستىگىنىڭ ءانشىسى ۆيكتوريا سۋراي ورىنداعان «زەمليا كازاحستانا» ءانى تۋعان جەر­گە دەگەن سۇيىسپەنشىلىك سەزىم­گە بولەدى. ودان كەيىن ورتالىق­تىڭ كوركەمونەرپازدار ۇجىمى ءبىر­نەشە ورىستىڭ حالىق اندەرىن ورىنداپ, بيلەرىن بيلەدى. بابيك ازيزوۆ جەتەكشىلىك ەتەتىن ازەر­باي­جان­داردىڭ «ازەري» ءبيشى جىگىت­تەر توبى قىزۋقاندىلىقپەن شالت قيمىلمەن ورىنداعان «كاۆ­كاز حالقىنىڭ بيلەرى» دە كورەرمەن كوڭىلىنەن شىقتى. ال, «ۆيارا» بول­گار ەتنومادەني بىرلەس­­­تىگىنىڭ ءتورايى­مى اناستاسيا پودو­ليانوۆا «شات­تىعىم – ءانىم» ءانىن قازاقشا توگىلت­كەندە سۇيسىنبەگەن جان قالمادى دەسە بولادى. ءبىر قىزىعى – بۇل ءاننىڭ ءسوزى مەن ءانىن جازعان دا بولگار ۇلتىنىڭ وكىلى ناتاليا بوش­كوۆا. «شاتتىق» تاتار-باشقۇرت ەتنومادەني ءبىر­لەستى­گىنىڭ انشىلەر توبى ورىن­داعان تاتاردىڭ «اي-جانىم» جانە باشقۇرتتىڭ «گۇلنازيرا» اندەرى دە جۇرەكتەرگە جىلى ءسوزىم ۇيالاتتى. ودان كەيىن دە وبلىس­تاعى ون توعىز ەتنومادەني بىرلەس­تىكتەردىڭ ونەرپازدارى كەزەكپەن ساحنا تورىنە كوتەرىلىپ, ونەرلەرىن كورسەتتى. بۇل وڭىردە تۇراتىن حالىق­تاردىڭ ونەرى ءبىر ارنادا توعىس­قان سالتاناتى كەلىسكەن شارا رەتىندە كوپشىلىكتىڭ كوڭىلىن­دە قالدى. سان تىلدە, الۋان داۋىس­تا استاسقان مادەني شارا قىزعىلىق­تى وتكەنى سونشاما كورەرمەن­دەر قاتارى كونتسەرتتىك باعدار­لاما اياقتالعانشا سيرەمەدى.   ساتىبالدى ءساۋىرباي, «ەگەمەن قازاقستان». اقتوبە وبلىسى.