سۋرەتتى تۇسىرگەن – ەرلان ومار, «EQ»
بۇل سۇراققا مينيسترلىك جانىنداعى ۇلتتىق تەستىلەۋ ورتالىعىنىڭ وكىلى جاۋاپ بەردى. «تالاپكەرلەردىڭ, ونىڭ ىشىندە ەرەكشە ءبىلىم بەرۋ قاجەتتىلىگى بار جانداردىڭ تەستىلەۋدى ىڭعايلى تاپسىرۋى ءۇشىن ءارتۇرلى شارالار قابىلداۋدى جالعاستىرادى. وتكەن جىلدارداعىداي, بيىل دا ۇبت-دا ەرەكشە ءبىلىم بەرۋ قاجەتتىلىگى بار تالاپكەرلەرگە قوسىمشا 40 مينۋت ۋاقىت بەرىلەدى. سونىمەن قاتار كورۋ قابىلەتى ناشار بالالارعا سىزبا جانە دياگراممالارسىز سۇراقتار ازىرلەندى», دەلىنگەن ورتالىق مالىمەتىندە.
ستاتيستيكاعا سۇيەنسەك, جوعارىدا ايتىلعان شارالاردىڭ ناتيجەسىندە تەستىلەۋگە قاتىساتىن مۇمكىندىگى شەكتەۋلى بالالاردىڭ سانى ارتىپ كەلەدى. ەگەر 2021 جىلى ۇبت-عا 90 بالا قاتىسسا, 2022 جىلدان بەرى ەرەكشە زارۋلىگى بار 500-دەن اسا ادام تەستىلەۋدەن وتۋگە مۇمكىندىك الىپ ءجۇر.
سونداي تالاپكەردىڭ ءبىرى ياسمين حامراەۆا: «ماعان ۇبت-نى كوپشىلىكپەن بىرگە, تەڭ جاعدايدا تاپسىرۋدىڭ ماڭىزى وتە زور بولدى. ويتكەنى بۇل ءوزىڭنىڭ دە وزگەلەرمەن بىردەي مۇمكىندىككە يە ەكەنىڭدى سەزىنۋگە سەپتەسەدى. دەنساۋلىعىڭداعى الدەبىر شەكتەۋلەر ماقساتىڭا جەتۋگە كەدەرگى بولماۋعا ءتيىس», دەيدى.
ايتا كەتەيىك, قاجەت بولعان جاعدايدا ەرەكشە ءبىلىم بەرۋ سۇرانىسى بار تۇسۋشىلەرگە ۇبت-دا ءپان مۇعالىمى ەمەس كومەكشىلەر ۇسىنىلادى.
ارۋجان دوسىمحان,
قارۇزۋ ستۋدەنتى
