راس, كەيىنگى كەزدە اۋداندا دارىندى وقۋشىلاردى قولداۋ داستۇرگە اينالىپ كەلەدى. جاقىندا رەسپۋبليكالىق جانە حالىقارالىق وليمپيادالار مەن عىلىمي جوبالاردا توپ جارعان وقۋشىلار مەن ولاردىڭ جەتەكشىلەرى ۇلىقتالدى. قاراوزەن مەكتەپ-ليتسەيىندە «دارىندىعا دارا جول» اتتى ءداستۇرلى كەش ءوتتى. تاعىلىمدى ءىس-شاراعا وبلىس ورتالىعىنان ءبىلىم سالاسىنىڭ لاۋازىمدى باسشىلارى ارنايى كەلدى.
قازتالوۆ اۋدانىنىڭ اكىمى اسلانبەك سارقۇلوۆتىڭ ايتۋىنشا, كەيىنگى ءۇش جىلدا اۋداندا 4 مەكتەپ پايدالانۋعا بەرىلگەن. تاعى ەكى مەكتەپ كۇردەلى جوندەۋدەن ءوتىپ, ماتەريالدىق تەحنيكالىق بازا نىعايتىلعان. مۇنىڭ ءبارى ءبىلىمنىڭ ساپاسىن دا ارتتىرارى ءسوزسىز.
وتكەن وقۋ جىلىنىڭ اۋىز تولتىرىپ ايتارلىقتاي تابىسى دا مول دەدىك. اۋىل بالالارى اسىرەسە انا تىلىنە جۇيرىك. مىسالى, رەسپۋبليكالىق وليمپيادادا الما ورازباەۆا اتىنداعى مەكتەپتىڭ 11-سىنىپ وقۋشىسى دانا سەرىكقىزى قازاق ءتىلى مەن ادەبيەتى پانىنەن ءى ورىن, قاراوزەن مەكتەپ-ليتسەيىنىڭ 10-سىنىپ وقۋشىسى اياۋلىم تىلەپبەرگەن ءىى ورىن, عينيات مولداشەۆ اتىنداعى مەكتەپتىڭ 11-سىنىپ وقۋشىسى ماتحات راشيدوۆ ءىىى ورىندى جەڭىپ العان.
رەسپۋبليكالىق شىعارماشىلىق جانە زياتكەرلىك بايقاۋلاردا توپ جارعان وقۋشىلار دا از ەمەس. كەنجەبەك مەڭداليەۆ اتىنداعى مەكتەپتنىڭ 11-سىنىپ وقۋشىسى ماقسات حامزين «التىن تۇلەك» ماتەماتيكالىق وليمپياداسىنىڭ رەسپۋبليكالىق كەزەڭىندە ءىىى ورىن السا, قاراوزەن مەكتەپ-ليتسەيىنىڭ 11-سىنىپ وقۋشىسى ايات شوقات وسى وليمپيادادان ءىىى ورىن يەگەرى اتاندى. بىرلىك ورتا مەكتەبىنىڭ 11-سىنىپ وقۋشىسى ايزادا جولدىباي, عۇمار قاراش اتىنداعى مەكتەپ-گيمنازياسىنىڭ 11-سىنىپ وقۋشىسى قاراقات نۇربولات, قازتالوۆ مەكتەپ-ليتسەيىنىڭ 11-سىنىپ وقۋشىسى اياۋلىم جۇماگەلدى دە رەسپۋبليكالىق ماتەماتيكالىق وليمپيادادا جۇلدەلى ورىن يەلەنگەن.
سۇلەيمەن ەسەتوۆ اتىنداعى مەكتەپ-بوبەكجاي كەشەنىنىڭ 8-سىنىپ وقۋشىسى اقجۇرەك تەمىرحانوۆ «تابيعاتتى ايالا» رەسپۋبليكالىق فورۋمىندا ءىى ورىن السا, كەنجەبەك مەڭداليەۆ اتىنداعى مەكتەپتىڭ 11-سىنىپ وقۋشىسى نارگيزا ەلەۋسىنوۆا رەسپۋبليكالىق «اقبەرەن» بايقاۋىندا ءىى ورىنعا يە بولدى. اقپاتەر ورتا مەكتەبىنىڭ 10-سىنىپ وقۋشىسى ايساۋلە تالعاتقىزى XXVI رەسپۋبليكالىق «اباي وقۋلارى» بايقاۋىندا ءىى ورىن يەلەنىپ, ونەرىمەن كوپشىلىكتى ءتانتى ەتتى. عينيات مولداشەۆ اتىنداعى مەكتەپتىڭ 8-سىنىپ وقۋشىسى ءامينا دۋمانقىزى رەسپۋبليكالىق ء«ابىش وقۋلارىندا» ءىى ورىن يەلەنسە, الما ورازباەۆا مەكتەبىنىڭ 11-سىنىپ وقۋشىسى عازيزجان نۇرداۋلەت «اقبەرەن» بايقاۋىنان ءىىى ورىن جانە رەسپۋبليكالىق ء«ابىش وقۋلارىنان» ءى ورىن جەڭىپ الدى.
رەسپۋبليكالىق عىلىمي جوبالار كونكۋرسىندا ۇزدىك تانىلعان جاس زەرتتەۋشىلەر دە از ەمەس. سۇلەيمەن ەسەتوۆ اتىنداعى مەكتەپ-بوبەكجاي كەشەنىنىڭ 5-سىنىپ وقۋشىسى ايلانا نۇرلانقىزى, قازتالوۆ مەكتەپ-ليتسەيىنىڭ وقۋشىلارى مۇحامەدالي ماقسات ۇلى, ەڭلىك امانجولقىزى, ءميرالى ميرلان ۇلى, شىنتەمىر مۇحتار ۇلى جانە بوستاندىق ورتا مەكتەبىنىڭ 7-سىنىپ وقۋشىسى سايات جايىق ۇلى رەسپۋبليكالىق «زەردە» عىلىمي جوبالار بايقاۋىندا جوعارى ناتيجەگە قول جەتكىزدى.
مىنە, وسى وقۋشىلار بايقاۋدا جەڭىپ العان سىيلىعىنان بولەك, اۋدان باسشىلىعى تاراپىنان دا قۇرمەت كوردى. وقۋشىلارعا نوۋتبۋك, اقشالاي سەرتيفيكاتتار تابىستالىپ, جەتەكشى ۇستازدارعا قارجىلاي سىياقى بەرىلدى. رەسپۋبليكالىق پاندىك وليمپيادا جەڭىمپازىنىڭ جەتەكشىسىنە 1 ملن تەڭگە, ءىى ورىنعا 700 مىڭ تەڭگە, 3 ورىنعا 500 مىڭ تەڭگە كولەمىندە قارجىلاي سىياقى ءتيدى. رەسپۋبليكالىق شىعارماشىلىق جانە زياتكەرلىك بايقاۋلار مەن عىلىمي جوبالار كونكۋرسىندا ۇزدىك تانىلعان وقۋشىلار مەن جەتەكشىلەرى دە قارجىلاي سىيلىققا يە بولدى.
– وسىدان ءۇش جىل بۇرىن شاكىرتىم اقجان زەينوللاقىزى رەسپۋبليكالىق وليمپيادادا ءبىرىنشى ورىن الىپ, ۇستازى رەتىندە 500 مىڭ تەڭگەلىك سەرتيفيكاتپەن ماراپاتتالعان ەدىم. بۇگىن اياۋلىم شاكىرتىمنىڭ ارقاسىندا تاعى قۇرمەت كوردىم. مۇنىڭ بارلىعى ۇستاز بەن شاكىرتكە ارتىلعان سەنىم, قوشەمەت پەن قولداۋ. ءبىلىم الەمىنىڭ جاناشىرلارىنا مىڭ العىس! – دەيدى قاراوزەن مەكتەپ-ليتسەيىنىڭ ماتەماتيكا ءپانىنىڭ مۇعالىمى, پەداگوگ-مودەراتور اسەمجان تاسقاليەۆا.
ايتا كەتەيىك, اۋداننىڭ ۇزدىك وقۋشىلارىن قۇرمەتتەپ, قارجىلاي قولداۋعا اۋدان اكىمى مەن اۋداندىق ءماسليحات دەپۋتاتتارى, كاسىپكەرلەر مۇرىندىق بولعان. سونداي-اق ورال قالاسىنداعى «باتىس بيزنەس» جشس ديرەكتورى ايان سەرىك ۇلى دا جەرلەستەرىنىڭ باستاماسىنا قوماقتى ۇلەس قوسقان. بۇل قولداۋ الدا دا جالعاسپاق. وسى كۇزدە اۋىلدا تۇراتىن, مال ۇستايتىن ءار ۇستازعا 1 تىركەمە ءشوپ تەگىن بەرىلەتىن بولدى.
باتىس قازاقستان وبلىسى
