ورتاق تەلەارنانىڭ ورايى كەلگەلى تۇر

كەشە استانادا «Marriott» وتەلىنىڭ «بالقاش» زالىندا تۇركىتىلدەس مەملەكەتتەر ىنتىماقتاستىعى كەڭەسى­­نىڭ اقپارات جانە مەديا سالاسىنداعى مينيسترلەرىنىڭ ءبىرىنشى كەزدەسۋى بولدى. وندا تۇركىتىلدەس ەلدەردىڭ ورتاق تەلەارناسىنىڭ تۇجىرىمداماسى ماقۇلداندى.  ءبىر بۇتاقتان تاراپ, ءبىر تامىر­دان ءنار الىپ جەر بەتىنە جايىلعان تۇركى بالاسىنىڭ بىرىگۋى جايىندا وتكەن عا­سىر­دىڭ باسىندا الاش زيالىلارى ماسەلە كوتەرىپ, باكۋگە اتباسىن تىرەپ, اقىلداسقانى دا بار. الايدا, كەڭەس وكىمەتى ونىڭ تىنىسىن وركەن جايدىرماي-اق بىتەگەن ەدى. عاسىرعا جۋىق ارمان بولعان ماقسات-مۇرات­قا تاۋەلسىزدىكپەن بىرگە جول ­اشىلدى. بىلتىر بود­­­رۋمدا وتكەن سامميتتە ەلبا­سى نۇرسۇلتان ­نازار­باەۆ تۇركى­تىل­دەستەردىڭ ورتاق تەلەارناسىن اشۋ باستا­ماسىن كوتەرىپ, ورتاق تامىر­لاس جۇرت­تىڭ ءوزارا اقپا­رات الما­سۋى­نىڭ, وزىق ءتاجى­ري­­بەلەرمەن ورتاقتاسۋدىڭ ­ماڭىز­­­دىلىعىن باسا ايتقان. ارادا جىل وتكەندە كوتەرىل­گەن كەل­ەلى وي ناقتى جوسپارعا ۇلاسىپتى. وتىرىس سوڭىنان جۋرناليس­تەرگە ارنالعان ءباسپاسوز ءماسلي­حاتىندا ينۆەستيتسيالار جانە دامۋ ءمينيسترى اسەت يسەكەشەۆ «تۇركىتىلدەس ەلدەردىڭ ورتاق تەلە­ارناسىن اشۋ باستاماسىن ەلباسىمىز نۇرسۇلتان ءابىش­ ۇلى نازارباەۆ بىلتىر تۇركيا­دا كوتەرگەن بولاتىن. سودان بەرى تاراپتار ءبىرتالاي جۇمىس ات­قاردى دەدى. بۇگىنگى كەزدەسۋدە ورتاق تەلەارنانىڭ جۇمىسى بويىنشا ناقتى ۇسىنىستاردى قاراستىر­دىق. ارنانىڭ تۇجى­رىمداماسى ماقۇلداندى. قورىتىندى حاتتا­ماعا, سونداي-اق, ۇلتتىق تەلەار­نالار اراسىنداعى ىنتىماق­تاس­تىق تۋرالى حاتتاماعا جانە اقپا­راتتىق اگەنتتىكتەر اراسىندا­عى ءوزارا تۇسىنىستىك تۋرالى مەمو­راندۋمعا قول قويىلدى», دەپ اتقارىلعان جۇمىستى ءبىزدىڭ مەم­لەكەتتەرىمىزدىڭ اراسىنداعى قارىم-قاتىناستى ودان ءارى دامىتۋ جولىندا جاسالعان زور قادام دەپ ەسەپتەيتىندىگىمەن ءبولىستى. تۇركيا, ازەربايجان, قىرعىز ەلىنەن كەلگەن ارىپتەستەرمەن تەلەارنا قۇرۋ ماسەلەسى تالقىلانعان وتىرىستا تەلەارنا جۇمىسىنىڭ اقپاراتتىق-تانىمدىق باعىتتا بولاتىنى دا جوسپارلانىپ, وندا ءبىزدىڭ ەلدەرگە ورتاق تۇركى مادە­ني قۇن­دىلىقتارىمەن قاتار, الەم­دىك وركەنيەت جەتىستىكتەرى مەن قۇن­دىلىقتارى ناسيحاتتالاتىنىن جەتكىزگەن ينۆەستيتسيالار جانە دامۋ مينيستر­لىگىنىڭ باي­لانىس, اقپا­راتتاندىرۋ جانە اق­پارات كومي­تەتىنىڭ توراعا­سى تالعات قازان­عاپ حالىق­ارا­لىق تەلە­­­ار­نانىڭ كەلەشەكتە تۇركى­تىلدەس مەملەكەتتەر ىنتىماق­تاس­تىق كەڭەسىنىڭ قۇرامىنداعى ءتورت ەلدىڭ تىلىندە جانە اعىلشىن ءتىلىن­دە اقپارات تاراتۋ مۇمكىندىگى بارلىعىن, سونىمەن قاتار, ءدال قازىرگى ۋاقىتتا ارنا جۇمىسىن بەلگىلى ءبىر مەرزىمدە باستايدى دەپ كەسىپ ايتۋدىڭ قيىندىعىنا توق­تالدى. ويتكەنى, تەلەارنانى قارجىلاندىرۋ, ونىڭ ورتا­لىق ءوفيسىنىڭ قايدا ورنالاساتى­نى سىندى تولىپ جاتقان ماسەلە­لەر­دىڭ ازىرگە باسى اشىق ەكەن. ونىڭ ­ايتۋىنشا تۇركىتىلدەس مەملەكەتتەردىڭ ورتاق تەلەارناسىن قۇرۋ بويىنشا جۇمىس توبى بىلەك سىبانا ىسكە كىرىسكەن. ال ءباسپاسوز ءماسليحاتىنان تاراعان جۋرناليستەر بولسا جاڭا تەلە­ارنا تۇركىتىلدەس مەملە­كەت­تەردى ءبىلىم جانە مادەنيەت سالالا­رىنا نەگىزدەلگەن اقپارات اعىنى­مەن قام­تاماسىز ەتىپ قانا قويماي, ەلمەن ەلدى, جۇرتپەن جۇرتتى جاقىن­داس­تىرادى دەپ پىكىر الماسۋعا كو­شىپتى. سونداي-اق, وزدەرىنە ءتان جەكە تاۋەلسىز مەملەكەتتەرى بول­ما­عانىمەن ءتىلى مەن مادەنيە­تىن جو­عالتپاعان وزگە تۇركى­تىلدەستەرگە دە كومەگىن تيگىزەدى دەدى. سولارعا اق­پاراتتىق, مادەني, تانىمدىق تۇر­عىدا قولداۋ كورسەتەدى دەدى. سو­نى­مەن قاتار, الەمدىك اقپارات ايدىنىندا اعىلشىن, اراب جانە ت.ب. تىلدەرىندە حابار تاراتىپ ءجۇر­گەن «Al Jazira», «Euronews» ارنالارى سىندى حالىقارالىق دارەجەگە يە بولادى دەگەن ءۇمىتتى ارقالاي كەتتى. انار تولەۋحانقىزى, «ەگەمەن قازاقستان».