پرەمەر-ليگا: ەكىنشى اينالىم باستالدى

وتكەن اپتادا فۋتبولدان قازاقستان پرەمەر-ليگاسىنىڭ ەكىنشى اينالىمى باستالدى. سونىڭ شەڭبەرىندە كوماندالار 23-تۋر ويىندارىن وينادى. تۋر بارىسىندا جان­كۇيەرلەر «استانا» مەن «قايرات» كلۋبتارىنىڭ قاتىسۋىمەن بولعان ويىن­دارعا ەرەكشە نازار اۋداردى. ونىڭ سەبەبى, قوس جاساق تا ەۋروكۋبوكتىق باسە­كەلەردە ءساتتى ويناۋدا. اتاپ ايتقاندا, بۇگىن ەلوردالىقتار چەمپيوندار ليگاسى ىرىكتەۋ ءتۋرنيرىنىڭ پلەي-وفف باسەكەسىندە ال­عاشقى كەزدەسۋىن وتكىزسە, «قايرات» 20 تامىزدا ەۋروپا ليگاسىنىڭ اتالعان سىنىندا باق سىنايدى. ەكىنشى اينالىمدى «اس­تانا» جەڭىسپەن باستادى. سىرت الاڭدا «اقتوبەدەن» 1:0 ەسەبىمەن باسىم تۇسكەن ەلوردالىقتار 25 ۇپايمەن تۋرنير كەستەسىندە جەكە-دارا كوش باستادى. ال «قايرات» شىمكەنتتە «ورداباسىمەن» تەڭ وينادى. بۇل كەزدەسۋدە ەسەپ اشىلعان جوق. جالپى, وسى تۋردا تاعى ەكى ماتچ, ياعني, «شاحتەر» مەن «وقجەتپەس» جانە «قايسار» مەن «تاراز» اراسىنداعى كەزدەسۋلەر گولسىز ءوتتى. ەڭ ءىرى ەسەپ قوستانايدا بولعان «توبىل» – «جەتىسۋ» ويىنىندا تىركەلدى. قو­ناقتاردىڭ ءۇش بىردەي دوبىنا الاڭ يەلەرى جالعىز گولمەن جاۋاپ قايتاردى. سونداي-اق, وسى تۋردا پاۆ­لوداردا جەرگىلىكتى «ەرتىس» «اتىراۋدى» 2:0 ەسەبىمەن جەڭدى. تۋرنير كەستەسىندە «اس­تانادان» كەيىنگى ەكىن­شى ساتىعا «قايرات» جاي­عاسسا, «اقتوبە» ازىرگە ءۇز­دىك ۇشتىكتى تۇيىندەپ تۇر. پرەمەر-ليگانىڭ 24-تۋر ويىن­­دارى 22-23 تامىزدا وينالادى. ايتا كەتەيىك, بۇل اينالىمدا كوماندالار ءتۋرنيردىڭ ءبىرىنشى بولىگىنىڭ قورىتىندىسى بويىنشا التى-التىدان ەكى توپقا ءبولىنىپ سىنعا تۇسەدى. العاشقى التىلىق چەمپيونات مەدالدارىنا تالاسسا, ەكىنشى توپ كەلەسى ماۋسىمدى جوعارى ديۆيزيوندا باستاۋ ءۇشىن كۇش سىناسادى. ەلامان قوڭىر, «ەگەمەن قازاقستان».