ورىستەگىنى قارىنبايدىڭ مالىنداي كورەدى

قازاق امانداسقاندا: «مال-جان امان با؟» دەيدى. مال – بايلىق, وتبا­سىنىڭ ازىعى. مىنسە  – كولىك, ىشسە  – سۋسىن, كيسە – كيىمى. سوندىقتان دا «مال اشۋى – جان اشۋى» دەيدى. سارىاعاش اۋدانىنىڭ تۇر­عىندارى وتكەن جىلدىڭ جەلتوقسانى مەن ناۋرىز ايىنىڭ ارالىعىندا ۇرلانعان مالىن تاۋىپ بەرۋدى ءوتىنىپ اۋداندىق پوليتسيا بولىمىنە 10 رەت ارىز جازعان. ۇرىلار جايىلىمنان توقتى-تورىم ەمەس, جىلقىلار مەن ءمۇيىزدى ءىرى قارانى الىپ كەتە بەرەدى ەكەن. وبلىستىق ىشكى ىستەر باس­قارماسىنىڭ قىزمەتكەرلەرى جەدەل ىزدەستىرۋ ءىس-شاراسى بارىسىندا بىرەۋدىڭ اق ادال مالىن وزىنىكىندەي كورىپ, ورىستەن ۇرلاپ جۇرگەن ءبىر توپ اردان بەزگەندەردى ۇستادى. جاۋ الىستان كەلمەپتى. سارىاعاش پەن قازىعۇرت اۋداندارى اۋما­عىندا جارتى جىلدان استام ۋاقىت جوعارىداعىداي كاسىپپەن اينالىسقان قىلمىستىق توپتىڭ سەركەسى 50 جاستاعى وسى ءوڭىردىڭ ازاماتى بولىپ شىقتى. ول بۇعان دەيىن بىرنەشە مارتە مال ۇرلىعىمەن سوتتى بولعان, بوتەننىڭ مالىن ءوز دۇنيەسىندەي كورەتىن ساباز ەكەن. اۋىزى پىسپەيدى. مەدياتسيا دەگەن اعايىنعا جاقسى بولدى. قولعا تۇسسە دەلدال ءبيدى اپارىپ, باسى سالبىراپ كەشىرىم سۇراعان بولادى. قۇنىن تولەپ بەرەدى. بىلاي شىعا بەرە ءبارىن سىپىرا ءبىر بالاعاتتاپ, اتىنا ىرعىپ مىنەدى. بوي تاسالاپ ءورىستى شالادى. جايىلىپ جۇرگەن مالدىڭ جەرىن بەلگىلەپ كەتەدى. مۇنداي ۇرىلار سارىاعاش جانە قازىعۇرت اۋدانىنىڭ تۋمالارى. 7 كۇدىكتى انىقتالىپ, 6-ۋى قولعا ءتۇستى. بۇلاردىڭ ۇرلىق جولدارى بىرەۋ. كۇندىز يەسىز جۇرگەن مالداردىڭ تۇرعانىن بايقاستايدى دا, تۇندە جاسىرۋلى جۇك ماشيناسىنا ايداپ اپارىپ توعىتادى. سودان وزدەرى بىلەتىن تاسا جەرگە اپارىپ, سوياتىنىن سويىپ بازارعا ارزان باعامەن وتكىزەدى. ازىرگە ولاردىڭ 11 رەت مال ۇرلىعى جايىنا قاتىستىلىعى انىقتالعان. ورىستەن 70 باس جىلقى مەن ءىرى قارا ايداپ اكەتكەن ولار مال يەلەرىنە 20 ملن. تەڭگەدەن استام شىعىن كەلتىرگەن. پوليتسيا ۇرلانعان مالداردىڭ جارتىسى مەن تاسىمالعا پايدالانىپ كەلگەن ەكى «كاماز» ماشيناسىن تاركىلەدى. «قىلمىستىلار جازاسىن السا ەكەن», – دەيدى اشىنعان جۇرت. باقتيار تايجان, «ەگەمەن قازاقستان». وڭتۇستىك قازاقستان وبلىسى.