جاس تىلشىلەر ولجالى ورالدى

تمد ەلدەرى جاس جۋرناليستەرىنە ارنالعان V حالىقارالىق جازعى مەكتەپكە بيىل قازاقستان دا قاتىستى اقپاراتتىق كەڭىستىكتەگى ءتاجى­ري­بەلەر مەن ىنتىماقتاستىقتى ءوزارا جانداندىرۋ ماقساتىندا, سونىمەن قاتار, ءبىلىم بەرۋ كوكجيە­گىندەگى ارىپتەستىكتى جوعارى ساتىعا كوتەرۋ ارقىلى بىلىكتى ماماندار تاربيەلەۋ ىسىندە كاسىبيلىكتى تەرەڭ­دەتۋ ءۇشىن جۋىردا گۋمانيتارلىق ىنتىماق­تاس­­تىقتىڭ مەملەكەتارا­لىق قورى, رەسەيدىڭ “ريا نوۆوس­تي” حالىق­ارا­لىق اقپارات اگەنتتىگى, بەلو­رۋسسيا رەسپۋبليكاسىنىڭ EcooM ساراپتاما ورتالىعىنىڭ ۇي­ىمداس­تىرۋىمەن تمد ەلدەرى جاس جۋر­نا­ليستەرىنە ارنالعان V حالىق­ارالىق جازعى مەكتەپ اشىلدى. بي­ىل اتال­مىش حالىقارالىق مەكتەپ ءوزىنىڭ 5 جىلدىعىن اتاپ ءوتۋ ءۇشىن بەلارۋس ەلىنە ءازىربايجان, ارمە­نيا, قازاق­ستان, مولدوۆا, ۋكراينا, رەسەي ەل­دەرىنىڭ جاس تىلشىلەرىن شا­قىردى. مۇنداي حالىقارالىق جاز­عى مەكتەپ 2006 جىلى تبيليسي قا­لاسىندا ال­عاش رەت وتكىزىلگەن بول­سا, 2007 جى­لى ەرەۆان قالاسىندا جالعاسىن تاپ­قان ەدى. 2008 جىلى “اقپاراتتىق ين­تەگراتسيا اقپارات­تىق كسەنو­فو­بياعا قارسى” دەگەن ۇران­مەن كي­شينەۆ قالاسىندا ءوت­كىزىلسە, 2009 جىلى ۋكراينادا باس قوسقان بولاتىن. سونىمەن بيىلعى جازعى مەك­تەپ­كە قازاقستاننىڭ اتىنان ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى جۋرناليستيكا جانە ساياساتتانۋ فاكۋلتەتىنىڭ ءبىر توپ ستۋ­دەنتتەرى مەن وقىتۋشىلارى قاتىسىپ قايتتى. ءىس-شارانىڭ سالتاناتتى اشى­لۋى­نا بەلورۋسسيانىڭ اقپارات مي­نيس­ترىنىڭ ورىنباسارى ا. سلوبود­چۋك, گۋمانيتارلىق ىنتىماق­تاس­تىق­تىڭ مەملەكەتارالىق قورى ات­قا­رۋشى ديرەكتورىنىڭ ورىن­با­سا­رى پ. گلادكوۆ, “ريا ءنوۆوستيدىڭ” تمد جانە بالتىق ەلدەرى رەداك­تسيا­سىنىڭ جەتەكشىسى, بەلگىلى تەلە­جۋرناليست ا. كاساەۆ جانە تاعى باس­قا باق سالاسىندا مول تاجىريبە جيناقتاعان ماماندار قاتىستى. بۇل جيىنعا ءبىزدىڭ ەلىمىزدەن بارعان جاس جۋرناليست-ساياساتكەرلەر ەگەمەندى ەلىمىزدىڭ رامىزدەرى, جۋىر­دا تورقالى تويىن وتكىزگەن ەلور­دامىز, ەۋرازيا ۇلتتىق ۋنيۆەرسي­تەتى, ونداعى ءدارىس بەرەتىن بىلىكتى ۇس­تازدار جايلى بايانداپ, دايىندا­عان سلايد-شوۋ كورىنىستەرىن كوپ­شىلىك نازارىنا ۇسىندى. جازعى مەكتەپ اياسىندا ءار ەلدىڭ ستۋدەنتتەرى كوپتەگەن مادەني, قو­عام­دىق, سپورتتىق شارالارعا قا­تى­سىپ قانا قويماي, كاسىبي شەبەرلىك سىنىپتارعا دا بەلسەندى ارالاستى. الەمدىك دەڭگەيدە وزدەرىنىڭ دارا جۋرناليستىك قولتاڭباسى بار بەل­گىلى جۋرناليستەر جاس تىلشىلەرگە كا­سىبي تاجىريبەلەرىنەن ءدارىس وقىپ, ناعىز جۋرناليست دەگەن اتقا قالايشا لاي­ىق بولا الاتىن­دىق­تا­رى ءجو­نىندە ءوز ويلارىن ورتاعا سالدى. بۇل جيىندا جاس جۋرناليستەرگە فو­تو­رەپورتاج, گازەت, بەينەروليك داي­ىنداۋ تاپسىرمالارى بەرىلگەن بولاتىن. شارانىڭ سوڭعى كۇنى بار­لىق جۇمىستاردى سارالاپ, تالداپ, باعالاپ شىققان قازىلار القاسى ولاردىڭ بارلىعىنىڭ جۇمىستا­رىنا وڭ باعا بەردى. ءبىر-بىرىمەن اپتاعا جۋىق ۋاقىت بويى ارالاس-قۇرالاس بولعان جاس جۋرناليستەر شارا سوڭىندا ءبىر-بىرىمەن قيماي قوش ايتىستى. ەلى­مىزدەن بارعان بارلىق قاتى­سۋ­شى­لار وزدەرىنە بەرگەن تاپسىرما­لاردى ەرەكشە ىقىلاسپەن, جوعارعى كاسىبي ساپامەن ورىنداعاندارى ءۇشىن ءتۇرلى دارەجەدەگى ديپلومدارعا يە بولدى. گۇلجازيرا ەرتاسوۆا,  ەۇۋ-ءدىڭ اعا وقىتۋشىسى.  استانا – ماسكەۋ – مينسك – استانا.