الدىڭعى اعالار سەنىمىن اقتايمىز

قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازارباەۆقا قازاق ەلىنىڭ اتىنان  قاتىسقان حالىقارالىق ماتەماتيكالىق وليمپيادالار جەڭىمپازدارى  جەدەلحات جولدادى. وندا بىلاي دەلىنگەن: “قۇرمەتتى نۇرسۇلتان ءابىش ۇلى! تاۋەلسىزدىك العانىمىزعا كەلەسى جىلى جيىرما جىل تولادى. وسى ۋاقىت ىشىندە وتانىمىز تورتكۇل دۇنيەگە تانىلدى. ءسىزدىڭ ء“ححى عا­سىر – ءبىلىم-عىلىم عاسىرى” دەگەن يدەيا­ڭىز ءبىز سياقتى  جاستاردىڭ ءبىلىم الۋىنا كەڭىنەن مۇمكىندىك جاسادى. “بولاشاق” حالىقارالىق باعدارلاماسى بويىنشا مىڭداعان جاستار الەمنىڭ وركەنيەتتى ەلدە­رى­نىڭ الدىڭعى قاتارلى وقۋ ورىن­دارىندا ءبىلىم الىپ, قازىر ەلىمىزدىڭ وركەندەۋىنە ۇلەستەرىن قوسىپ ءجۇر. ءبىز ءبىر كەزدەرى دۇنيە ءجۇزىنىڭ وركەنيەتتى ەلدەرىندە وتكەن حالىق­ارا­لىق وليمپيادالارعا قاتىسقان­دا: “وسىنداي مارتەبەگە قازاق ەلى قاشان جەتەدى ەكەن؟” دەپ ويلاي­تىنبىز. ءسىزدىڭ باستاۋىڭىزبەن قارىشتاپ دامىعان ەلىمىز  قازىر داڭعىل جولعا ءتۇستى. داۋلەتى مەن ساۋلەتى تەڭ وركەندەدى. سونىڭ ءنا­تي­جەسىندە ون جىلدان اسا ۋاقىت ىشىندە بوي كوتەرگەن ايبىندى استا­نامىزدا 51-ءشى حالىقارالىق ماتەماتيكالىق وليمپيادا ءوتىپ جاتىر. الەمنىڭ بارلىق قۇرلى­عى­نان كەلگەن جۇزدەگەن تالانتتى وقۋ­شىلار بىلىمدەرىن كورسەتە وتىرىپ, از ۋاقىتتىڭ ىشىندە ءتورت قۇبى­لا­سىن تۇگەندەگەن قازاق ەلىنىڭ تاڭ­عاجايىپ جەتىستىكتەرىنە قىزىعا قاراۋدا. بۇل ءبىزدىڭ مەرەيىمىزدى ءوسىرىپ وتىر. اتالعان ءىس-شارانىڭ ءوتۋى – ءسىزدىڭ كورەگەن ساياسا­تى­ڭىزدىڭ ارقاسىندا جۇزەگە اسىپ جاتقانىن بىزدەر جاقسى بىلەمىز. قازاق ەلىنىڭ جاستارى تاۋەل­سىزدىگىمىزدىڭ جيىرما جىلدىعى قارساڭىندا ءوز زامانداستارىنا وتانىن كورسەتىپ, مەملەكەتىنىڭ مارتەبەسىن اسىرىپ, ەلباسىنىڭ سەنىمىنەن شىعىپ وتىر. ءسىز جۇرگىزىپ وتىرعان سالي­قا­لى ساياساتتىڭ ارقاسىندا قازاق ەلى تەك ساياسي-ەكونوميكالىق تۇر­عى­داعى قارقىندى دامۋمەن شەك­تەلمەي, سونىمەن قاتار, عىلىم مەن ءبىلىم سالاسىندا بيىك جەتىس­تىكتەرگە قول جەتكىزۋدە. ونىڭ دالەلى – قازاقستان وقۋ­شىلارىنىڭ قۇراما كومان­داسىنىڭ ەلىمىزدە 51-ءشى رەت ءوت­كى­زىلگەن حالىقارالىق ماتەما­تي­كال­ىق وليمپيادادا 98 مەملە­كەت­تىڭ ىشىنەن وزا شاۋىپ, 5-ءشى ورىنعا تابان تىرەۋى. اسا مارتەبەلى نۇرسۇلتان ءابىش­ ۇلى, استانا تويىمەن بىرگە ءوتىپ جاتقان حالىقارالىق ماتە­ما­تيكالىق وليمپيادا ءبىزدىڭ زامانداستارىمىزدى جىگەر­لەن­دى­رىپ, كەلەشەككە دەگەن تالپىنى­سىن ارتتىرادى. ءبىز ءسىزدىڭ كوشباسشىلىق سايا­ساتىڭىزدى قولدايمىز. سول ءبىر كەزەڭدەردە وسىنداي حالىق­ارا­لىق وليمپياداعا قاتىسۋعا زور مۇمكىندىك جاساعانىڭىزدى ەش ۋاقىتتا ۇمىتپايمىز. سونىڭ ناتيجەسىندە ءبىز بۇگىن ەلىمىزگە بار كۇش-جىگەرىمىزدى, ءبىلىم-ونەرىمىزدى جۇمساپ كەلەمىز. الداعى ۋاقىتتا  تاۋەلسىز ەلىمىزدىڭ  ماڭگىلىك تۇعىرىن بيىكتەتىپ,   ەل مەن جەرگە ادالدىق تانىتىپ, الدىڭعى اعالاردىڭ سەنىمىن اقتاپ, بار كۇش-جىگەرىمىزبەن قىزمەت ەتەمىز”. جەدەلحاتقا حالىقارالىق ما­تە­ماتيكالىق و­ليمپيادالاردىڭ جە­ڭىمپازدارى مەن جۇلدەگەرلەرى – التىن مەدال يەگەرلەرى: الىبەك ال­دان­عاروۆ (2001),  باۋىرجان بەك­تە­مى­روۆ (2001),  امان جۇمەكەشەۆ (2001), يگور گانيچەۆ (2001),  قۋات ەسەنوۆ (2003, 2004), كيم اندرەي (2004), ەگور كلوچكوۆ (2008), نۇر­سۇلتان قاجىمۇراتوۆ (2010), قا­نات ساتىلحانوۆ (2010), دەنيس وۆ­چين­نيكوۆ (2010); كۇمىس مەدال يەگەرلەرى: سەرگەي ۋمەنتاەۆ (2001), باۋىرجان ۇرگەنىشباەۆ (2003), ءدانيار كەلبەتوۆ (2005),  نۇربول دۇيسەنباەۆ (2006),  يگور ستاسي (2007),  نۇرسۇلتان قاجىمۇراتوۆ (2007, 2008), ەركىن تۇسىپبەكوۆ (2008), راۋان راحمەت (2010), مەدەت جانبولات ۇلى (2010) جانە قولا مەدال يەگەرلەرى: ميحايل شاحماتوۆ (1999), رينات بەكبولاتوۆ (1999),  الەكسەي دوكتوروۆيچ (1999),  رۋستام تەمىربەكوۆ (1999), جاندوس ەسەنباەۆ (1999), ءشيرالى قادىروۆ (1999), ۇلان مۇقاشەۆ (2000),  ءانۋار قاۋىمباەۆ (2000),  رۇستەم تاحانوۆ (2000),  مەيرام مىرزابولاتوۆ (2002), داۋرەن اۋجاني (2003), دامير ەلەۋسىزوۆ (2004), ۆيكتور سوسين (2005), قايرات جۇباەۆ (2005), مەرلان ناگيدۋلين (2006), داۋلەت جانگۋزين (2006), اسەت مۇساعاليەۆ (2006), الەن باەۆ (2007), ەسكەندىر قاسەنوۆ (2008),  اسەت داليەۆ (2008), سانجار وراز­باەۆ (2009), ءبىرجان مولداعاليەۆ (2009), تولەبي سايلاۋوۆ (2009) قول قويعان.