ۇلتتىق بانك قىزمەتىنە وزگەرىستەر ەنگىزىلەدى

ءماجىلىستىڭ قارجى جانە بيۋدجەت كوميتەتىنىڭ ءتورايى­مى گۇلجان قاراقۇسوۆانىڭ جەتەكشىلىگىمەن «قازاق­ستان رەسپۋبليكاسىنىڭ كەيبىر زاڭنامالىق اكتىلەرىنە ەكىن­شى دەڭگەيدەگى بانكتەردىڭ جۇمىس ىستەمەيتىن كرەديتتەرى مەن اكتيۆتەرى, قارجىلىق قىزمەتتەر كورسەتۋ جانە قارجى ۇيىمدارى مەن قازاقستان ۇلتتىق بانكىنىڭ قىزمەتى ماسەلەلەرى ­بويىنشا وزگەرىستەر مەن تولىقتىرۋلار ەن­گىزۋ تۋرالى» زاڭ جوباسىنىڭ تۇساۋكەسەرى بولدى. زاڭ جوباسى بويىنشا قا­زاقستان رەسپۋبليكاسى ۇلتتىق بانكى توراعاسىنىڭ ورىنباسارى قۋات قوجاحمەتوۆ بايان­داپ بەردى. «قازاقستان رەس­پۋبليكاسىنىڭ كەيبىر زاڭنا­مالىق اكتىلەرىنە ەكىنشى دەڭ­گەيدەگى بانكتەردىڭ جۇمىس ىستەمەيتىن كرەديتتەرى مەن اكتيۆ­تەرى, قارجىلىق قىزمەت­تەر كورسەتۋ جانە قارجى ۇيىم­دارى مەن ۇلتتىق بانكتىڭ ­قىز­مەتى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى قازاقستان ۇكىمەتىنىڭ 2014 جىل­عى 31 جەلتوقسانداعى №1421 قاۋ­لىسىمەن بەكىتىلگەن قازاق­ستان ۇكىمەتىنىڭ زاڭ جوبالاۋ جۇ­مىستارىنىڭ 2015 جىل­عا ار­نالعان جوسپارىنىڭ 9-تارما­عىنا سايكەس ازىرلەنگەن. زاڭ جوباسى قازاقستان رەس­پۋبليكاسىنىڭ 4 كودەكسىنە جانە قازاقستان رەسپۋبليكاسىنىڭ 17 زاڭىنا وزگەرىستەر ەنگىزۋدى كوزدەيدى. ال زاڭ جوباسىنىڭ ماقساتى قارجىلىق قىزمەت­تەر­دى تۇتىنۋشىلاردىڭ قۇقىق­تارىن قورعاۋدىڭ بارابار دەڭ­گەيى كەزىندە ەلدىڭ قارجى سەك­تورىنىڭ ورنىقتىلىعىن قام­تاماسىز ەتۋ بولىپ تابىلادى. زاڭ جوباسىنىڭ نەگىزگى ەرە­جەلەرى ەكىنشى دەڭگەيدەگى بانكتەردىڭ جۇمىس ىستەمەيتىن اكتيۆتەرىمەن جۇمىستىڭ قو­سىمشا تەتىكتەرىن جانە جاع­­دايلارىن جاساۋعا, ۇلت­تىق بانكتىڭ فۋنكتسيالارى مەن وكىلەتتىكتەرىن وڭتاي­لاندىرۋعا, قارجى نارىعى­نىڭ ينفرا­قۇ­رىلىمىن دامىتۋ­عا, قارجىلىق قىزمەتتەردى تۇتىنۋشىلاردىڭ قۇقىقتارىن قورعاۋ تەتىكتەرىن جەتىلدىرۋگە باعىتتالعان. قۇجاتتا قارىز الۋشىنىڭ جەكە تۇلعانىڭ بەرەشەگىنىڭ ءوسۋىن بولدىرماۋ ماقساتى جانە ولاردىڭ بارىنشا حابار­دار بولۋى مەن كرەديتتەر بەرۋ تالاپتارىنىڭ ايقىن­دى­لىعىن ويلاستىرعان. ەكىنشى دەڭ­گەي­دەگى بانكتەردىڭ جۇمىس ىستەمەيتىن اكتيۆتەرىمەن جۇمىس بويىنشا قوسىمشا تەتىكتەر مەن جاعدايلار جاساۋ قاراستىرىلعان. اقشا-كرەديت ساياساتىن ءتيىمدى ىسكە اسىرۋ ­بويىنشا تالاپتار دا كور­سەتىلىپ, الەۋمەتتىك-ەكونو­مي­كالىق سالدارلار ەسكەرىلگەن. زاڭ جوباسىنىڭ تانىستىرىلىمىندا بايانداماشىعا ءماجىلىس دەپۋتاتتارى ا.سو­لو­ۆەۆا, ج.دۇيسەباەۆ, ن.جازىل­بەكوۆ, م.ايسينا, ا.بەكە­­نوۆ, ە.كاپپەل سۇراقتار قوي­دى. جۇ­مىس توبىنا جەتەك­شى­لىككە دەپۋتات نۇرتاي سابيليانوۆ بەكىتىلدى, دەپ حابارلادى ءماجىلىستىڭ ءباسپاسوز قىزمەتى.