سالاماتتى ومىرگە تاعى ءبىر قادام

وتكەن اپتادا استانادا جاڭادان سالىنعان كوپ باعىتتى بالالار سپورت اۋلاسىنىڭ سالتاناتتى تۇردە اشىلۋى بولىپ ءوتتى. ونى №51 مەكتەپكە جانە وعان جاقىن ورنالاسقان اۋدان تۇرعىندارىنا ارناپ “قازمۇنايگاز” ۇلتتىق كومپانياسى سالدىرعان بولاتىن. ەندى جاڭا تۇرعىن ءۇي كەشەنىندە تۇراتىن وقۋشىلار بوس ۋاقىتتارىندا فۋتبول, ۆولەيبول, باسكەتبول, ۇلكەن تەننيس جانە وزگە دە سپورت ويىندارى تۇرلەرىمەن اينالىسۋعا كەڭ مۇمكىندىك الدى. استانا قالاسى ءوسىپ, بارلىق سالالار بوي­ىنشا قارقىندى دامىپ كەلەدى. ەلوردامەن بىرگە ونىڭ كىش­­كەنتاي تۇرعىن­دارى دا بىرگە جەل­كىل­دەپ وسۋدە. وسى وراي­دا قالامىزدىڭ جاس تۇرعىندارى ءۇشىن سپورت تو­لىق­قاندى دامۋىنىڭ بولىنبەس بولشەگىنە اينالۋى ءتيىس. مۇنى ەلىمىزدىڭ باس مۇناي كومپانياسىنىڭ باسشىلارى دا جاقسى تۇسىنەدى. سوندىقتان ەل­باسى نۇر­سۇلتان نازارباەۆتىڭ بۇ­قارالىق سپورتتى دامىتۋ ماقساتىندا كوتەرگەن باستاماسىن ەڭ العاش­قى­لاردىڭ ءبىرى بولىپ “قازمۇ­ناي­گاز” ۇلتتىق كومپانياسى قولداعان بو­لا­ت­ىن. كومپانيا قارجىلاي قولداۋ كورسەتەتىن 2010-2011 جىلدارعا ارنا­لىپ جوسپارلانعان باعدارلامالار تىزىمىنە سايكەس, قازاقستان بويىنشا مۇنداي كوپ باعىتتى سپورت اۋلالا­رىنىڭ ءالى 50-ءى سالىنباق. استانادا قولدانۋعا بەرىلگەن وسىنداي ەكىنشى كەشەننىڭ اشىلۋى سالتاناتىندا “قازمۇنايگاز” ۇك” اق-تىڭ بيزنەستى قولداۋ ءبولىمىنىڭ باس مەنەدجەرى سەرىكبەك ەلشىبەكوۆ بۇل باعدارلامانىڭ سپورتتىڭ بۇقا­رالىق تۇرلەرىمەن اينالىسۋعا جاعداي جاساۋ ماقساتىندا ۇيىمداستىرىل­عا­نىن اتاپ ءوتتى. جاڭا كەشەن جاس­وس­پى­رىمدەر مەن بالالار اراسىندا سالا­مات­تى ءومىر سالتىن ناسيحاتتاۋعا, ولار­دى سپورتقا قىزىقتىرۋ, تارتۋ ءۇشىن ارنايى اشىلىپ وتىرعان كورىنەدى. – ءبىزدىڭ كومپانيا سپورتتىق اۋ­لا­لاردى تەك قانا بەلگىلى ءبىر مەكتەپ وقۋ­شىلارىنا ارناپ ەمەس, سونداي-اق ونىڭ اينالاسىندا ورنالاسقان با­لا­لار ءۇشىن دە, ياعني ورتاق يگىلىككە سا­لىپ وتىر. ويتكەنى, ءبىز بالالاردىڭ كوپ­شىلىگى وزدەرىنىڭ سۇيىكتى سپورت ءتۇر­لە­رىمەن زاماناۋي جانە كەرەمەت جا­را­ق­تاندى­رىلعان سپورت الاڭقاي­لا­رىندا اينا­لىسۋعا مۇمكىندىك العا­نىن قالايمىز, – دەپ اتاپ كورسەتتى س. ەلشىبەكوۆ. 0,3 گەكتار اۋماقتى الىپ جاتقان كەشەن شىندىعىندا دا كورگەن كوزگە وتە اسەرلى. قۇرىلىستىڭ زاماناۋي تەحنيكا­لارى ارقاسىندا مۇندا كىشى فۋتبول, ۆولەيبول, باسكەتبول, ۇلكەن تەننيس, وزگە دە سپورت تۇرلەرىنەن ءتۇرلى جاتتىعۋلار مەن جارىستار ءوت­كىزۋگە بولادى. وزگە كەشەن­دەرمەن بىرگە جيناقتا تولىققاندى حوككەي كورتى دا بار. تەننيسكە ارنالعان ءبو­لىكتە – ۋيمبلدون جاتتىعۋلارىندا قولدانى­لاتىن جوعارى ساپالى سين­تە­تيكالىق توسەم بار, ال مەكتەپتىڭ فۋتبول كومان­داسى ءFىFA UEFA سەرتيفيكاتىنان وتكەن جاساندى كوگال الاڭدا جاتتىعا الادى. قىستا جاراقاتتانۋدىڭ الدىن الاتىن ايازعا شىدامدى اۋلا توسەمى بالالاردى جاي­لى ءارى قاۋىپسىز جاعدايمەن قام­تا­ماسىز ەتەدى. توسەمدەر قاتىرۋ-قاي­تا­دان ەرىتۋدىڭ كوپتەگەن تىزبەگىن كو­تە­رە الادى. ال بۇل استانانىڭ كلي­مات­تىق جاعدايى ءۇشىن ماڭىزدى فاك­تور بولىپ تابىلادى. كەشەن سپورت­پەن كەشكى ۋاقىتتاردا اينالىسقىسى كەلەتىندەرگە وراي قوسىمشا جارىق بەرەتىن دىڭگەكتەرمەن جاراقتان­دى­رىلعان. كەشەن قۇرىلىسىن سالۋ بارى­سىن­دا بارلىق ەكولوگيالىق, ساني­تار­لىق-گي­گي­ە­­نالىق, ورتكە قارسى نورمالار مەن ەرە­جەلەر قاتاڭ ساق­تالدى. قولدانىسقا بەرگەن سوڭ 5 جىل كەپىلدىگى تاعى بار. س.ەلشى­بە­كوۆتىڭ ايتۋىنشا, مۇنداي كە­شەن­دەر­دىڭ مەكتەپتەر اۋماعىندا تۇرعىزى­لۋ­ىندا وزىندىك سىرى بار كورىنەدى. مۇنىڭ سەبەبى, وقۋشىلاردىڭ جاي­لى­لىعى ءۇشىن ءارى كەشەن باقىلاۋسىز, قا­راۋسىز قالمايدى. ونىڭ قىزى­عۋ­شىلىق تۋدىرعانى سونشا­لىقتى, ءتىپتى قۇرىلىس كەزىندە جەرگىلىكتى بالا­قايلار الاڭقايدى كورىپ, پاي­دالانۋ وتىنىشىمەن كەلگەن ەكەن. اشى­لۋ سالتا­نا­تىندا سپورت سۇيە­تىن­­دەر كوپتەپ جينالدى, ال بالاقايلار لەزدە جاسىل توسەمنىڭ بارلىق ارتىقشىلىقتارىن باعالاپ ءۇل­گەردى. ۇلكەندەردىڭ العىستى سوزدەرىنەن كەيىن مەكتەپ ديرەكتورىنا كەشەننىڭ سيمۆولدىق كىلتى تابىستالدى. سون­داي-اق, وليمپيالىق رەزەرۆتى داي­ىن­دايتىن با­لالار مەن جاسوسپىرىمدەر سپورت مەكتەبى كومانداسىنىڭ كون­تسەرتى ءوتتى. №51 ورتا مەكتەپ وقۋشى­لارى جولداستىق كەزدەسۋلەر وتكىزدى. دوپتى قاقپاعا ءبىرىنشى ەنگىزۋ ءراسىمى س. ەلشىبەكوۆكە بەرىلدى. ون جاسار ۆلاديسلاۆ يۆاچەۆ كا­سىبي فۋتبولمەن ەكى جىل قاتارىنان اينالىسىپ كەلدى. اناسىنىڭ ايتۋ­ىن­شا, بالاقاي قىستىڭ قاقاعان سۋى­عىندا دا, جاڭبىرعا دا قاراماستان ءبىر دە ءبىر جاتتىعۋدان قال­ماپتى. №8 وليمپيالىق رەزەرۆ دايىن­دايتىن بالالار مەن جاسوسپىرىمدەر سپورت مەكتەبىنىڭ وكىلى, باپكەر ۆياچەسلاۆ پرو­كو­پەنكو جاڭا فۋتبول الاڭىنىڭ اشىلعا­نى­نا قۋانىشتى ەكەندىگىن ءبىلدىردى. ويتكەنى, ول قالادا ءالى دە جەتكىلىكسىز. بالالارعا جا­ساعان قام­قورلىقتارى ءۇشىن قازمۇنايگازد­ىق­تارعا الماتى اۋدانىنىڭ ءبىلىم ءبولىمى باستىعى اينا قاسپاقوۆا العىسىن ءبىل­دىرىپ, مۇندا ناعىز چەم­پيوندار تاربيە­لەنىپ شىعا­تى­ن­دىعىنا سەنىم ءبىلدىردى. تاجىريبەلى فۋتبولشىلار, 10-سىنىپ وقۋشىلارى مەدەۋ اسحات­ ۇلى مەن زاڭعار سەرىك ۇلى “استانا” سيمۆوليكالىق ءانىن ورىندادى. “قازمۇنايگاز” ۇلتتىق كومپا­نيا­سى قوعامدىق نىسانداردى تۇر­عى­زۋعا, سونىڭ ىشىندە سپورتتىق كەشەن­دەر­دى سالۋدى قار­جىلاندىرۋعا ءارداي­ىم ۇلكەن ماڭىز بەرىپ كەلەدى. ونىڭ دالەلى رەتىندە استا­ناداعى “كاسپي” سپورت كەشەنىن, جاڭا­وزەندەگى ر.وتە­سىنوۆ اتىنداعى دەنە شى­نى­ق­تىرۋ-ساۋىقتىرۋ كەشەنىن اتاۋعا بولادى. جاڭا وقۋ جىلىنا وراي استانادا “قاز­مۇ­ناي­گاز” ۇك” اق باعدار­لا­ماسىن ءجۇ­زەگە اسىرۋ بارىسىندا وسىنداي 10 زاما­نا­ۋي سپورت اۋلاسىن اشۋ جوسپارلانىپ وتىر. ال كەلەسى جىلى ولاردىڭ سانى ەلۋگە دەيىن وسپەك. باستاماشىلاردىڭ سۇرايتىن ءبىر عانا تىلەگى, كەشەندى مۇقيات ساق­تاپ قا­راۋ. سونداي-اق, ولار ازامات­تار­دى ءوز دەن­سا­ۋلىقتارىنا پايدا تيگىزۋ ءۇشىن ۇنەمى وسى سپورت اۋلا­لارىنا كەلۋگە شاقىرادى. سانا ۇيابەكوۆ. استانا.