قوستاناي وبلىسىندا سەرگەي امەليچكينگە ەسكەرتكىش ورناتىلدى

قوستاناي. 13 مامىر. قوستاناي وبلىسىنىڭ التىنسارين اۋدانىندا كەڭەس وداعىنىڭ باتىرى سەرگەي  امەليچكينكە ەسكەرتكىش ورناتىلدى. بۇل تۋرالى egemen.kz ءتىلشىسى حابارلادى. باتىر ەسكەرتكىشى التىنسارين اۋدانىنىڭ ورتالىعى وباعان سەلوسىنىڭ ورتالىق گۇلزارىنان ورىن تەپتى. ەسكەرتكىشتىڭ اشىلۋىنا اۋدانداعى تىل ارداگەرلەرى, جالپى جۇرتشىلىق, اۋدان باسشىلارى قاتىستى. سەرگەي گەورگيەۆيچ امەليچكين - وسى اۋداننان   ۇلى وتان سوعىسىنا قاتىسقان مايدانگەرلەردىڭ اراسىنان شىققان جالعىز كەڭەس وداعىنىڭ باتىرى. ول سوعىس كەزىندە  1-تانك ارمياسىنىڭ 11-ءشى گۆارديالىق تانك كورپۋسى 1454-ءشى وزدىگىنەن جۇرەتىن ارتيللەريالىق پولكتاعى سۋ-85 جۇرگىزۋشى-مەحانيگى, ستارشينا بولدى. امەلدەچكين كۋرس-وريول وتتى دوعاسىندا قىرعىن سوعىسقا قاتىستى.  ونىڭ وسى ۇرىستا كورسەتكەن ەرلىگى «قىزىل جۇلدىز» وردەنىمەن اتالىپ ءوتتى. ول قىزمەت ەتكەن 11 تانك پولكى گۆارديالىق مارتەبەسىن الدى. ەۋروپانى ازات ەتۋگە قاتىسقان جەرلەسىمىز پولشاداعى پيليتسين وزەنىن كەشىپ ءوتۋ كەزىندە كورسەتكەن ەرلىگى ءۇشىن كەڭەس وداعىنىڭ باتىرى اتاعىن الدى. سەرگەي گەورگيەۆيچ سوعىستان التىنسارين اۋدانىنا ورالىپ, ەڭبەككە ارالاستى. 1981 جىلى قايتىس بولدى. ءنازيرا جارىمبەتوۆا. دەرەك, سۋرەت: egemen.kz