ەكولوگيالىق قاۋىپسىزدىككە – باستى نازار

كەشە استانادا قازاقستان رەسپۋبليكاسى پرەزيدەنتتىگىنە كانديدات ابىلعازى قۇسايىنوۆتىڭ سايلاۋالدى شتابىنىڭ اشىلۋى بولىپ ءوتتى. ءا.قۇسايىنوۆ ءوزىنىڭ رەسپۋبليكالىق سايلاۋالدى شتابىنىڭ باسشىسى رۇستەم جولاماندى تانىستىرسا, ول ءوز كەزەگىندە شتابتىڭ تاياۋ بولاشاقتاعى جۇمىس جوس­پارى تۋرالى ايتىپ بەردى. «قازاقستان رەسپۋبليكاسى پرەزي­دەنتتىگىنە كانديدات ءا.ق.قۇسايىنوۆتىڭ شتابى ءوز جۇمىسىن باستادى. الدىمىزدا كوپ جۇمىس كۇتىپ تۇر. پرەزيدەنتتىكتەن ۇمىتكەردەن دە وتە كوپ تاپسىرمالار بار. ءبىز ۇگىت-ناسيحات ناۋقانىن بۇقارا­لىق اقپارات قۇرالدارى ارقىلى, باس­پاسوز جانە ەلەكتروندى باق ارقىلى جۇرگىزەتىن بولامىز. ءبىز سايلاۋشىلارمەن ءتۇرلى وبلىستاردا كەزدەسەمىز دەپ جوسپارلاپ وتىرمىز. ءبىز قازىر سەنىم بىلدىرىلگەن ادامدارمەن ۇلكەن جۇمىستارعا دايىندالۋ ۇستىندەمىز, ولار ءوز كەزەگىندە ءبىز­دىڭ كانديداتتىڭ تۇعىرناماسىن ءار سايلاۋ­شىعا دەيىن جەتكىزۋگە ءتيىس. قىسقاسى, سەنىم بىلدىرىلگەن ادامدار حالىقتىڭ بارىنشا كوپ بولىگىن قامتۋعا ۇمتىلاتىن بولادى», دەپ اتاپ ءوتتى ر.جولامان. ۇستىمىزدەگى جىلدىڭ 26 ناۋرىزى مەن 24 ءساۋىرى ارالىعىنداعى ۇگىت جۇمىستارى كەزەڭىندە رەسپۋبليكالىق جانە وڭىرلىك شتابتار بىرقاتار ۇيىمداستىرۋشىلىق شارالارىن وتكىزۋدى جوسپارلاسا, ولاردىڭ اراسىندا وڭىرلەردە سايلاۋشىلارمەن كەزدەسۋلەر, سەنىم بىلدىرىلگەن ادامدارمەن كەزدەسۋلەر ۇيىمداستىرۋ, بۇقارالىق اقپارات قۇرالدارىندا سايلاۋالدى ۇگىتتەرىن وتكىزۋ بار. ر.جولامان اتاپ كورسەتكەندەي, شتاب تاراپىنان ۇگىت جۇمىستارى جوس­پارلانسا, وسىعان سايكەس كوپتەگەن كەزدەسۋلەر وتكىزىلەتىن بولادى. اتاپ ايتقاندا, جەكەلەگەن كاسىپورىنداردىڭ ەڭبەك ۇجىمدارىمەن, شارۋا قوجالىقتارىمەن جانە فەرمەرلىك شارۋاشىلىقتارمەن كەزدەسۋلەر بەلگىلەنگەن. قازاقستاننىڭ بارلىق وڭىرىندە سايلاۋالدى شتابى قۇرىلىپ, سەنىم بىلدىرىلگەن ادامدار تىركەلگەن. ءار اۋداندا ەل زاڭناماسىندا قاراس­تىرىلعان ۇگىت شارالارىنىڭ بارلىق كەشەنىن وتكىزۋ بولجانىپ وتىر. شتابتىڭ اشىلۋى كەزىندە ءا.قۇ­سايىنوۆ سايلاۋالدى باعدارلاماسىندا كوتەرىلەتىن ماسەلەلەردىڭ كوكەي­كەس­تى­لىگىن اتاپ ءوتىپ, وسى وزەكتى پروبلەمالارعا جۇرت­شىلىقتىڭ نازارىن اۋدارۋ قاجەت­تىگىن كولدەنەڭ تارتتى. اتاپ ايتقاندا, ەكولوگيانى ساقتاۋ ماسەلەلەرى. قازاقستان رەسپۋبليكاسى پرە­زيدەنتتىگىنە كانديدات ءا.ق.قۇسايىنوۆ تۇعىرناماسىنىڭ نەگىزگى ماقساتى تۋرالى ايتاتىن بولساق, وندا ادام دامۋى ورايىندا ەكولوگيالىق تۇرعىدان قاۋىپسىز ىلگەرىلەۋگە كوشۋ مىندەتتەرىن قاراستىرۋ, كەز كەلگەن ماسەلەدە ەكولوگيا پروبلەمالارىنىڭ ەسەپكە الىنىپ وتىرۋى قاجەتتىگىن كورسەتۋ, اسىرەسە, ونەركاسىپ قاۋىپسىزدىگى اسا وزەكتى ماسەلە ەكەنىنە نازار اۋدارۋ كوزدەلەدى. ءا.قۇسايىنوۆتىڭ پىكىرىنشە, ەكولوگيالىق ساياساتتى جاڭعىرتۋ جانە ەكولوگيالىق دامۋعا كەزەڭ-كەزەڭىمەن كو­شۋدە ازاماتتىق قوعامنىڭ ءرولى ماسە­لەسىنە ەرەكشە نازار اۋدارىلۋى ءتيىس. سونداي-اق, ءا.قۇسايىنوۆ ءوزىنىڭ ساي­لاۋالدى باعدارلاماسىندا ونەركا­سىپتىك قاۋىپسىزدىك پەن تەحنيكالىق رەگلا­مەنتتەردى ساقتاۋ قاعيداتتارىنا ءمۇم­كىندىگىنشە باسا نازار اۋدارىلۋى قاجەت­تىگىن اتاپ كورسەتەدى. ءوسۋدىڭ نەگىزگى كوزى – ەكونوميكانى ەكولوگيالىق تازا, قالدىعى از تەحنولوگيالارعا كوشىرۋ, ياعني قورشاعان ورتانى كوزدىڭ قاراشىعىنداي ساقتاۋ قاعيداتىن قالىپتاستىرۋ, دەپ سانايدى پرەزيدەنتتىكتەن ۇمىتكەر ءا.قۇسايىنوۆ. وسىنداي جاعدايدا ءبىزدىڭ باسەكەگە قابىلەتتىلىگىمىز, قوعامنىڭ ءال-اۋقاتى مەن ءومىر ساپاسى ۇدەمەلى تۇردە ارتاتىن بولادى. ال بۇعان, جوعارىدا اتاپ كورسەتىلگەنىندەي, قورشاعان ورتاعا وڭ كوزقاراس قالىپتاستىرۋدى قامتاماسىز ەتۋ مۇمكىندىك بەرەدى. ەكولوگيالىق تەپە-تەڭدىك پەن وندىرىستىك قاۋىپسىزدىكتى ساقتاۋ يدەياسىن تاراتۋدا بارلىق قوعامدىق ۇيىمداردى قوسا العاندا, ونىڭ ىشىندە كاسىبي ينستيتۋتتار دا بار, ازاماتتىق قوعام قۇرىلىمدارى ەرەكشە ءرول اتقارۋى ءتيىس. وسىنداي ينستيتۋتتاردى ورتالىقتا جانە وڭىرلەردە دامىتۋ ساراپشىلىق قوعامداستىق پەن ازاماتتىق قوعامنىڭ كۇش-جىگەرىن ەكولوگيالىق دامۋدى قامتاماسىز ەتۋ ءۇشىن ەكونوميكانى جاڭعىرتۋدىڭ ناقتى جولدارى مەن ادىستەرىن ايقىنداۋدا توپتاستىرا تۇسۋگە وڭ ىقپال ەتەتىن بولادى. ءا.قۇسايىنوۆتىڭ سايلاۋالدى باع­دار­لاماسىندا ونەركاسىپ قاۋىپسىزدىگى ماسەلەلەرى ايتارلىقتاي ورىن الادى. ءا.قۇسايىنوۆ كاسىپورىندار قىز­مەتىنىڭ ءونىم مەن ۇدەرىستەر قاۋىپ­سىزدىگىن قامتاماسىز ەتۋگە مۇددەلىلىگى العاشقى ورىنداردىڭ بىرىنە شىعۋى ءۇشىن جۇيەلى قوعامدىق باقىلاۋ قاجەت دەگەن كوزقاراستا. ابىلعازى قۇسايىنوۆ قازاقستان رەس­پۋبليكاسىنىڭ پرەزيدەنتى لاۋازىمىنا ءوزىنىڭ كانديداتۋراسىن 2015 جىلدىڭ 12 ناۋرىزىندا ىلگەرىلەتكەن ەدى. ورتالىق سايلاۋ كوميسسياسى ايقىن­داعان بارلىق راسىمدەردەن تابىستى وتكەن ول 2015 جىلدىڭ 18 ناۋرى­زىندا قازاقستان رەسپۋبليكاسى پرەزي­دەنت­تىگىنە ءۇشىنشى كانديدات رەتىندە تىركەلگەن بولاتىن. پرەزيدەنتتىككە كانديدات ءا.قۇسايى­نوۆتى قولداعان 132 مىڭ 152 سايلاۋ­شىنىڭ قولى جينالعان-تىن جانە ولار دۇرىس دەپ تانىلعان ەدى.