جۋىردا وسىنداي ءداستۇرلى وقۋ وزگە ۇلت وكىلدەرى اراسىندا وتكىزىلدى. وبلىستىق دارەجەدەگى بۇل سايىستا باس جۇلدەنى سەمەيدەگى اۋەزوۆ اتىنداعى پەدكوللەدجدىڭ وقۋشىسى ۆيكتوريا پاراسيۋكوۆا جەڭىپ الدى. ۆيكتوريا اتالعان وقۋ ورنىن بىتىرگەن سوڭ جاس ۇرپاققا ماماندىعى بويىنشا قازاق ءتىلى مەن ادەبيەتى پانىنەن ساباق بەرەتىن بولادى.
داۋلەت سەيسەن ۇلى, سەمەي.
نەمىس ەلشىسىنىڭ قىزىلجارعا ساپارى. گەرمانيانىڭ قازاقستانداعى ەلشىسى راينەر شلەگەتەر مەن ەلشىلىكتىڭ ەكونوميكا جانە ءباسپاسوز ماسەلەلەرى جونىندەگى اتتاشەسى يان-ديتەر گوسينك جۇمىس ساپارىمەن قىزىلجار وڭىرىندە بولدى. ولاردى وبلىس اكىمى سەرىك ءبىلالوۆ قابىلداپ, ءوڭىردىڭ الەۋمەتتىك-ەكونوميكالىق دامۋ باعدارىمەن تانىستىرىپ ءوتتى. بيىلعى گەرمانيانىڭ قازاقستانداعى جىلى اياسىندا اتقارىلىپ جاتقان شارالارعا توقتالىپ, مەملەكەتتەر اراسىنداعى ىنتىماقتاستىقتى جالعاستىرۋ باستى باعىت بولىپ قالا بەرەتىنىن جەتكىزدى. ءوزارا كەلىسىلگەن ۋاعدالاستىق بويىنشا, پەتروپاۆل مەن گەرمانيانىڭ ءبىر قالاسىمەن باۋىرلاستىق قارىم-قاتىناس ورناتىلاتىن بولدى. ەلشى ءوز سوزىندە قىزىلجار وڭىرىنە ءبىرىنشى كەلىپ تۇرعانىنا قاراماستان, ۇلكەن اسەر العانىن, قازاقستانداعى جەتىستىكتەرگە كوڭىلى تولاتىنىن ايرىقشا اتاپ كورسەتتى. راينەر شلەگەتەر وبلىس ورتالىعىنىڭ كورنەكتى جەرلەرىمەن تانىسىپ, گەرمانيانىڭ قازاقستانداعى جىلىنا وراي ۇيىمداستىرىلعان “قازىرگى زامانداعى گەرمانيا” اتتى كورمەنىڭ اشىلۋ سالتاناتىنا قاتىستى.
ءومىر ەسقالي, سولتۇستىك قازاقستان وبلىسى
جۇرتقا جاقىنداتۋ شاراسى. قاراعاندى قالاسىندا “تانىسۋعا رۇحسات ەتىڭىز” اتتى اكتسيا ءوتتى. ول ۋچاسكەلىك پوليتسيا ينسپەكتورلارىنىڭ تۇرعىندار اراسىندا قىزمەتى مارتەبەسىن كوتەرۋگە, سونداي-اق ءتارتىپ بۇزۋشىلىقتىڭ الدىن الۋ جۇمىستارىن جەتىلدىرۋگە ارنالدى. الدىمەن وپەراتيۆتىك جاعدايعا جان-جاقتى تالداۋ جاسالىپ كەيىن ۋچاسكەلىك ءتارتىپ ساقشىلارى ءۇي-ۇيلەردى, اۋلالاردى ارالاپ, ازاماتتارمەن كەزدەسۋلەر وتكىزدى. بۇعان قالالىق ىشكى ىستەر دەپارتامەنتىنىڭ باسشىلارى, جاۋاپتى قىزمەتكەرلەرى قاتىستى. قالا بويىنشا 34 ۋچاسكەلىك پوليتسيا بەكەتى بار. وندا 147 ينسپەكتور قىزمەت ەتۋگە قامتىلعان. اتالعان اكتسيا كەزىندە ولار جۇرتقا تانىلىپ, ولارعا جاقىنداي ءتۇستى.
ايقىن نەسىپباي,قاراعاندى.
حالىقارالىق عىلىمي كونفەرەنتسيا. قاي سالادا بولسا دا عىلىم جەتىستىكتەرىن جەتە پايدالانۋ ماسەلەسى كۇن تارتىبىنە وتكىر قويىلىپ كەلەدى. وسى ماقساتتى كوزدەگەن حالىقارالىق عىلىمي كونفەرەنتسيا قاراساي اۋدانىنداعى كازاق ەگىنشىلىك جانە وسىمدىك شارۋاشىلىعى عىلىمي-زەرتتەۋ ينستيتۋتىندا “ەگىنشىلىكتىڭ, اۋىل شارۋاشىلىعى داقىلدارىنىڭ سەلەكتسياسى مەن بيولوگياسىنىڭ جەتىستىكتەرى جانە بولاشاعى” دەگەن تاقىرىپتا ءوربىپ, ونىڭ جۇمىسىنا رەسەي, بەلارۋس, ۋكراينا, موڭعوليا, تاجىكستان جانە باسقا ەلدەردەن عالىمدار قاتىستى. جينالعاندار عىلىمي-زەرتتەۋ ينستيتۋتىنىڭ دالالىق نەگىزدەگى اۋدانداستىرىلۋعا ىڭعايلاستىرىلعان ارپا مەن س ۇلىنىڭ –30, بيدايدىڭ 25 سورتتى تۇرلەرىنىڭ تاجىريبەدەن وتكەنىنە جوعارى باعالارىن بەردى. بىرنەشە كۇنگە سوزىلعان جيىندا شەت ەلدەردەن كەلگەن عالىمدار حالىقتىڭ ءومىر ءسۇرۋ دەڭگەيىن جاقسارتۋ مەن ەكولوگيالىق جاعىنان تازا ءونىم ءوسىرۋ جونىندە ورتاق پىكىرگە كەلىپ, عىلىم ساپاسىن كوتەرۋ قاجەتتىگىمەن كەلىستى.
كۇمىسجان بايجان, الماتى وبلىسى.
اننا كەلىن ءان سالدى قالىقتاتىپ. قازاقتىڭ جىگىتتەرىمەن وتاۋ قۇرىپ, باقىتىن تاپقان وزگە ۇلت وكىلدەرى كوپ. سونىڭ ءبىرى –تارازدا تۇراتىن نەمىس قىزى, مادەنيەت قايراتكەرى اننا ۆۋندەر. قازاقشا, نەمىسشە جانە ورىسشا ءان سالاتىن قازاقتىڭ كەلىنى اننا وتكەن اپتادا يندەر اۋدانىنىڭ جۇرتشىلىعىن ونەرىمەن ءتانتى ەتتى. ءانشىنىڭ كۇيەۋى قارجاۋباي تىلەۋقابىل ۇلى دا قوڭىر دومبىرامەن ءان سالاتىن ءانشى, ءارى كومپوزيتور. ونەردى سەرىك ەتكەن بۇل وتباسىنىڭ ۇلى تيمۋر دا حالىقارالىق سايىستارعا قاتىسىپ, تالاي جۇلدەگە يە بولعان ەكەن. ولارمەن بىرگە جاس ءانشى انار ابسادىقوۆا دا بىرنەشە ءان ورىنداپ, ونەرسۇيەر قاۋىمنىڭ ىقىلاسىنا بولەندى.
جولداسبەك شوپەعۇل,اتىراۋ وبلىسى.
جاڭا جيناقتىڭ تۇساۋى كەسىلدى. “تازا بۇلاق” قوعامدىق قورى بيىل “ەلىم مەنىڭ” اتتى پاتريوتتىق اندەر بايقاۋىن وتكىزگەن بولاتىن. وتكەن اپتادا وسى بايقاۋ جەڭىمپازدارى ورىنداعان اندەر جيناعىنىڭ تۇساۋكەسەرى ءوتتى. وعان باسقالارمەن بىرگە قوستانايلىق ەڭ جاس كومپوزيتور, استاناداعى مۋزىكا اكادەمياسىنىڭ ستۋدەنتى جانسايا رىسماعانبەتوۆانىڭ اندەرى دە كىردى. ول قازىردىڭ وزىندە 20-دان اسا پاتريوتتىق اندەردىڭ اۆتورى. تۇساۋكەسەر كەشىندە قوستانايلىق جاس تالاپ انشىلەر, اقىندار, جۋرناليستەر ونەر مەن ادەبيەت سالاسىنداعى اعا بۋىن وكىلدەرىمەن كەزدەستى, ولاردىڭ اقىل-كەڭەسىن تىڭدادى.
ءنازيرا جارىمبەتوۆا, قوستاناي.
