«قازاقستان الەمگە بەيبىت ەل رەتىندە بەلگىلى. كەز كەلگەن قاقتىعىستى ديپلوماتيالىق جولمەن شەشۋدى جاقتايمىز. بۇل –اينىماس ۇستانىمىمىز. تاياۋ شىعىستا ورىن العان جاعدايدىڭ ءتۇرلى سەبەبى بار. مەن مۇنى جاقىندا وتكەن القالى جيىندا دا ايتقانمىن. راسىندا, شىعاناقتاعى اراب ەلدەرىنىڭ باسشىلارىمەن تەلەفون ارقىلى سويلەستىم, تىلەكتەس ەكەنىمدى جەتكىزدىم. ال يران پرەزيدەنتى ماسۋد پەزەشكياننىڭ جاقىندا ەلىمىزگە رەسمي ساپارمەن كەلگەنىن بىلەسىزدەر. سول كەزدە جاقسى اسەر قالدىردى. ول – زايىرلى كوزقاراستاعى ادام, ءوزى كارديوحيرۋرگ. مەن ونىڭ يران شىعاناق ەلدەرىنە شابۋىل جاسامايدى دەگەن مالىمدەمەسىن قۇپتادىم. ءتىپتى, ول يراننىڭ اتىنان كەشىرىم سۇرادى. الايدا كەيىن ونىڭ مالىمدەمەسى جوققا شىعارىلدى. يران اراب ەلدەرىنە شابۋىل جاساۋدى ءالى توقتاتقان جوق. بۇدان يران پرەزيدەنتىنىڭ بيلىككە تولىق يە ەمەس ەكەنى كورىنەدى. ول انىق. مەن ەشكىمدى ايىپتامايمىن, جاي عانا فاكتى رەتىندە ايتىپ وتىرمىن. بۇل يران بيلىگىنىڭ ەرەكشەلىگىنە بايلانىستى دەپ ويلايمىن. ءبىر جاعىنان ءدىني بيلىك ۇستەمدىك ەتەدى. ويتكەنى يراندا ءدىني بيلىك نەگىزگى باعىت-باعداردى ايقىنداپ, شەشىم قابىلدايدى. پرەزيدەنت تە بار, بىراق ول – فورمالدى مەملەكەت باسشىسى, ءىس جۇزىندە ىقپالدى تۇلعا سانالمايدى», دەدى مەملەكەت باسشىسى.
پرەزيدەنت قاسىم-جومارت توقاەۆ رەسپۋبليكالىق رەفەرەندۋمدا داۋىس بەردى
مەملەكەت باسشىسى جالپى, كەز كەلگەن ەلدە, سونىڭ ىشىندە قازاقستاندا قوس بيلىك بولماۋعا ءتيىس ەكەنىن اتاپ ءوتتى.
«كەزىندە مۇنداي جۇيەنى ءبىز دە باستان وتكەردىك, بىراق بايانسىز بولدى. ءتورت جىل بۇرىن ەلىمىزدىڭ ىشكى تۇراقتىلىعىنا قاۋىپ ءتوندى. بۇل قازاقستانعا دا, باسقا مەملەكەتتەرگە دە ۇلكەن ساباق بولدى دەپ ويلايمىن. ءبىز يران حالقىنا, ونىڭ مادەنيەتى مەن تاريحىنا قۇرمەتپەن قارايمىز. سوندىقتان ءوز ۇستانىمىمىزدان اينىعان جوقپىز, ءاردايىم بەيبىتسۇيگىش ەل بولىپ قالا بەرەمىز», دەدى پرەزيدەنت.
ەسكە سالا كەتەيىك, پرەزيدەنت جاڭا كونستيتۋتسيا جوباسىنا قاتىستى رەفەرەندۋمدا داۋىس بەرگەننەن كەيىن جۋرناليستەرگە ارنالعان بريفينگ وتكىزدى.
