فوتو: اقوردا
جۋرناليستەردىڭ ءبىرى كەيبىر ساراپشىلار «كونستيتۋتسيالىق رەفورما – بيلىك ترانزيتىنە, پرەزيدەنت سايلاۋىنا دايىندىق» دەگەن پىكىر ايتىپ جۇرگەنىن اتاپ ءوتىپ, ۆيتسە-پرەزيدەنت لاۋازىمىنىڭ نە ءۇشىن قاجەت ەكەنىن سۇرادى.
«ۆيتسە-پرەزيدەنت لاۋازىمى تۋرالى ءارتۇرلى اڭگىمە ايتىلىپ جۇرگەنىن بىلەمىن. شىن مانىندە, بىرقاتار شەت مەملەكەتتە ۆيتسە-پرەزيدەنت لاۋازىمى بار. كەيبىر ساراپشىلار «قازاقستاندا بيلىك ىشىندە باسەكە ءورشىپ, ءتۇرلى ۇردىستەر جۇرەدى, ەلگە زيان كەلەدى» دەگەن پىكىر بىلدىرۋدە. بۇل ماسەلەدە قوعامعا زارداپ كەلەتىندەي قورقىنىش جوق. ۆيتسە-پرەزيدەنت لاۋازىمى ءبىزدىڭ بيلىك ينستيتۋتتارىن نىعايتادى. كەلەشەكتە ءبارى ايقىن بولادى. مەملەكەت باسشىسى رەتىندە بۇل لاۋازىمعا, جالپى بۇكىل رەفورماعا ۇلكەن ءۇمىت ارتىپ وتىرمىن. ال پرەزيدەنت سايلاۋى قازىرگى كونستيتۋتسياعا سايكەس 2029 جىلى ءوز مەرزىمىندە وتەدى», دەدى مەملەكەت باسشىسى.
قاسىم-جومارت توقاەۆ: بۇل كونستيتۋتسيا ەلىمىزدى ىلگەرىلەتىنىنە ەشقانداي كۇمانىم جوق
