ەل مەرەيى – ەر مەرەيى

قازاقستاندىقتار جانە الەم جۇرتشىلىعىنىڭ وكىلدەرى  ەلباسىمىزدى قۇتتىقتاۋدا مەملەكەت باسشىسىنىڭ اتىنا حات-حابارلار كەلىپ تۇسۋدە. وزدەرىنىڭ حاتتارى مەن جەدەلحاتتارىندا قازاقستان رەس­پۋب­ليكاسىنىڭ رەسمي ادامدارى, ازاماتتار مەن ۇيىمدار مەرەيجاسپەن جانە ەلوردا كۇنىمەن شىنايى قۇتتىقتاۋلارىن جەتكىزگەن. پرەزيدەنت پوشتاسىنا قۇتتىقتاۋلار استانادان قازاقستان رەسپۋبليكاسى پارلا­مەنتىنىڭ ءبىرىنشى شاقىرىلىمىنىڭ دەپۋتات­تارى – رىستى جۇمابەكوۆادان, ليليا مۋسي­نا­دان, روزا قۋانىشباەۆادان كەلدى. استانا قالاسىنان “ۆايناح” ەتنومادەني ورتالىعى اق-تىڭ مۇشەلەرى: ء“بىز, ەلورداداعى چەشەندەر مەن ينگۋشتەر ءسىزدىڭ ۇلتتىق سايا­ساتىڭىزدى قىزۋ قولدايمىز. ويتكەنى, ءبىز ءۇشىن قازاقستان جاپپاي قۋعىن-سۇرگىن جىلدارىندا, شىن مانىندە تەك پانا بولىپ قانا قويعان جوق, ءبىز ءۇشىن جانە ءبىزدىڭ ۇرپاعىمىز ءۇشىن وتانىمىزعا اينالدى”, – دەپ جازادى. “اسا قۇرمەتتى نۇرسۇلتان ءابىش ۇلى, ءسىزدى تۋعان كۇنىڭىزبەن جانە استانا كۇنىمەن قۇتتىقتايمىن. سىزگە حالىق يگىلىگى جولىنداعى پرەزيدەنتتىك قىزمەتىڭىزدىڭ ۇزاق بولۋىن تىلەيمىن”, – دەپ جازادى باتىس قازاقستان وبلىسىنداعى زەلەنوۆ اۋدانىندا قارتتار مەن مۇگەدەكتەر ۇيىندە تۇرىپ جاتقان زينايدا زيمينا. – بىزگە كورسەتكەن قامقورلىعىڭىزعا جانە ۇنەمى نازاردا ۇستايتىن كوڭىلىڭىزگە قارتتار اتىنان راحمەت”. باتىس قازاقستان وبلىسىنان كەلگەن كەلەسى حاتتى دا شىڭعىرلاۋداعى ينتەرنات ۇيىندە تۇراتىن زەينەتكەرلەر ماريام گاليەۆا, ماريا دوبريتسوۆا, باقىت ىزتىلەۋوۆا, الەكساندر كوستيۋك جانە باقتىباي ەلەۋسىزوۆ جولداپتى. مەملەكەت باسشىسىن ا.ۆ.سەلەزنەۆ اتىن­داعى الماتى حورەوگرافيالىق ۋچيليششەسىنىڭ وقىتۋشىلار قاۋىمى مەن تىڭداۋشىلارى, استانا قالاسىنىڭ ۋسپەن كافەدرالدىق شىركەۋىنىڭ ءبىرىنشى ناستوياتەلى, ارحيماندريت سەراپيون (دۋناي), جىر جولدارىن جولداعان سەيىت قايىروۆتار قۇتتىقتادى. ء“بىز ءوزىمىزدىڭ وقۋ ورنىمىزدى مىسال ەتە وتىرىپ, ءسىزدىڭ مۇمكىندىگى شەكتەۋلى بالالارعا قانشالىقتى زور قامقورلىق كورسەتىپ وتىر­عا­نىڭىزدى جاقسى بىلەمىز, – دەلىنگەن پەترو­پاۆل قالاسىنداعى ەستۋ قابىلەتى تومەن بالا­لارعا ارنالعان مەكتەپ-ينتەرنات تاربيەلەنۋ­شىلەرى, مۇعالىمدەرى جانە ديرەكتورى ج.ءتاجين قول قويعان جەدەلحاتتا. – بىزدە وسىنداي بالا­لاردى وقىتۋ مەن تاربيەلەۋگە ارنالعان جاقسى ماتەريالدىق-تەحنيكالىق بازا بار. ءبىز زا­ماناۋي ەستۋ اپپاراتتارىن قولدانامىز. با­لالارعا ولاردى بارلىق مۇشەسى ساۋ ادام­دار­دىڭ قاتارىنا قوساتىن وپەراتسيالار جاسالادى. مەكتەپ-ينتەرنات تۇلەكتەرىنىڭ مەملەكەتتىك گرانت بويىنشا جوعارى وقۋ ورىندارىندا وقۋىنا مۇمكىندىك بار. بۇل ولاردىڭ قوعامعا بەيىمدەلۋىنە جول اشادى. ءبىز ءسىزدى جاقسى كورەمىز جانە كەلەشەگىمىزدىڭ كەمەل بولاتى­نى­نا سەنەمىز”. پرەزيدەنتتى الماتى قالاسىنان سوقىرلار مەن كوزدەرى ناشار كورەتىندەرگە ارنالعان رەسپۋبليكالىق كىتاپحانانىڭ ۇجىمى, ماڭعىستاۋ وبلىسىنداعى دەنساۋلىق ساقتاۋ ارداگەرلەر قاۋىمداستىعىنىڭ توراعاسى ءسابيت كۋزانوۆ, قازاقستان رەسپۋبليكاسى ديابەتتەر قاۋىمداستىعىنىڭ اتىنان ن.تۋكالەۆسكايا, سونداي-اق كوكشەتاۋدان قازاقستاننىڭ ەڭبەك سىڭىرگەن قايراتكەرى, “ارقا اجارى” گازەتىنىڭ باس رەداكتورى جابال ەرعاليەۆ جانە قازاقستان جاستار كونگرەسى قۇتتىقتاعان. شىعىس قازاقستان وبلىسى, كوكپەكتى اۋدا­نىنداعى مەديتسينا قىزمەتكەرلەرىنىڭ ۇجىمى مەملەكەت باسشىسىنا ەلىمىزدىڭ دەنساۋلىق ساقتاۋ جۇيەسىنە كورسەتكەن ۇدايى قامقورلىعى ءۇشىن العىس ايتا كەلىپ, بىلاي دەيدى: “2010 جىلى اۋىسىمدا 150 ادام قابىلدايتىن ەمحا­ناسى بار 100 ادامعا ارنالعان جاڭا ورتالىق اۋداندىق اۋرۋحانانىڭ قۇرىلىسى اياقتالا­تىنى بۇل قامقورلىقتىڭ جارقىن كورىنىسى بولىپ تابىلادى. اۋرۋحانا قازىرگى زامانعى دياگنوستيكالىق اپپاراتتارمەن, تەحنيكامەن جانە جابدىقتارمەن جاراقتاندىرىلعان”. نۇرسۇلتان ءابىش ۇلى نازارباەۆقا دەنساۋ­لىق, ۇزاق عۇمىر جانە يگىلىك تىلەگەن قۇت­تىق­تاۋلار وسكەمەننەن ەكونوميكا عىلىمدارى­نىڭ دوكتورى ۋ.الىمبەتوۆ پەن تەحنيكا عى­لىمدارىنىڭ دوكتورى, قازاقستان رەسپۋب­لي­كاسىنىڭ ەڭبەك سىڭىرگەن قايراتكەرى و.حاننان, الماتىدان قازاقستان رەسپۋبليكاسى مەم­لەكەتتىك سىيلىعىنىڭ لاۋرەاتى, ب.و.جار­بو­سىنوۆ اتىنداعى ۋرولوگيا عىلىمي ورتالى­عىنىڭ ديرەكتورى م.الشىنباەۆتان, ماڭ­عىستاۋ وبلىسىنان قازاقستان رەسپۋبليكا­سىنىڭ ەڭبەك سىڭىرگەن گەولوگ-بارلاۋشىسى تۇرسىنعالي كوشەنوۆتەن كەلىپ ءتۇستى. ء“بىز ءوز ەلىمىزدە سىزدەي بەدەلدى كوشباسشى بارلىعىمەن ماقتانامىز, – دەپ جازادى الماتىدان ۇجىمى اتىنان “س.م.كيروۆ اتىنداعى ماشينە جاساۋ زاۋىتى” اق-تىڭ باس ديرەكتورى ك.ۋسەنكو. – ءبىز ءسىزدىڭ قاراپايىم ەڭبەك ۇجىمىنان شىعىپ, لايىقتى ءومىر سۇرەتىن جانە ەڭبەك ەتەتىن مىقتى مەملەكەت قۇرعانىڭىزدى ماقتان ەتەمىز”. مەملەكەت باسشىسىن وزدەرىنىڭ ەڭبەك ۇجىم­دارى اتىنان “بوگاتىر كومير” بك باس ديرەكتورى ۆ.ششۋكين, ستەپنوگور تاۋ-كەن-حيميا كومبيناتىنىڭ باس ديرەكتورى ۆيكتور بەلوۋسوۆ قۇتتىقتاپتى. قۇتتىقتاۋلار سونداي-اق وسكەمەننەن “قازتسينك” جشس باسشىلارى – پرەزيدەنتى نيكولاي پوپوۆيچتەن, باسقارما توراعاسى ءاليدار وتەمۇراتوۆتان جانە دي­رەك­تورلار كەڭەسىنىڭ توراعاسى گەننادي زيل­بەر­بەرگ­تەن, سونىمەن قاتار, “ارسەلورميتتال قا­زاق­ستان” اق-تىڭ ۇكىمەتپەن جۇمىستى ۇيلەس­تىرۋ جونىندەگى ديرەكتورى ارمان قاشقىن­بە­كوۆتەن كەلدى. ء“بىزدىڭ ءبارىمىز ءارتۇرلى ىستەرمەن اينالى­سۋدامىز, الايدا, ءبىزدى ورتاق وتانىمىز بىرىك­تىرەدى, – دەپ جازادى “پاۆلودارليفت” جشس ۇجىمى اتىنان ۆ.كوتوۆ. – ءسىزدىڭ باستا­ماڭىزدىڭ, قولداۋىڭىزدىڭ, كومەگىڭىزدىڭ ارقاسىندا, قازاقستان بۇگىندە الەمنىڭ ەڭ جىلدام دامۋشى ەلىنىڭ بىرىنە اينالدى”. قازاقستان كاتوليكتەرىنىڭ ارحيەپيسكوپى توماش پەت بىلايشا تولعانادى: ء“سىزدى شىن جۇرەكتەن قۇتتىقتاي وتىرىپ, بۇكىل ەلىمىزدى ءسىز ءۇشىن, پاپا ءىى يوانن پاۆەل 2001 جىلى قابىلداۋدا ءدان رازى بولا وتىرىپ جەكە سىزگە قاراتا ايتقانداي: “قازاقستان, سەنى جارىلقاۋشىم قولداسىن!” دەگەن عيبادات سوزىمەن اقجولتاي باتا بەرۋگە شاقىرامىن”. نۇرسۇلتان ءابىش ۇلىن الماتى وبلىسىنان يۋگايلار وتباسى, استانادان ارداق قۇباشەۆ پەن توميريس مۇحيتوۆا, قاراعاندى وبلىسى, شاحتينسك قالاسىنان گۇلنار نۇردىللاقىزى, سونداي-اق ەرنار ورازالين, حاتشىبەك ءابدى­حالىقوۆ, جانتاس راشتانوۆتار قۇتتىقتادى. “مەن عاجايىپقا سەنەمىن. نۇرسۇلتان ءابىش ۇلى, مەن ءسىزدى ءبىزدىڭ تۋعان كۇنىمىزگە قوناققا شاقىرامىن. مىناداي تاڭعاجايىپتى ەلەستەتىپ كورەمىن: كەنەت ەسىك اشىلادى دا, ءسىز كىرىپ كەلە جاتاسىز! – دەپ جازادى 6 شىلدە كۇنى 10 جاسقا تولعان ديانا بۋروۆا. – مەن دە ءوزىمنىڭ التىن ادام تۋرالى ەرتەگىدەگى سۇيىكتى كەيىپكەرىم سونيا سەكىلدى ء“ححى عاسىردىڭ التىن ادامى” – ءسىزدى, نۇرسۇلتان ءابىش ۇلى, كەزدەستىرەتىنىمە سەنەمىن”. قازاقستان پرەزيدەنتى ن.ءا.نازار­باەۆتىڭ اتىنا شەتەلدەردەن ونى مەرەي­تويى­مەن قۇتتىقتاعان حاتتار مەن جەدەل­حاتتاردىڭ ءتۇسۋى جالعاسۋدا. ۋكراينانىڭ 1994-2005 جىلدارداعى پرەزيدەنتى لەونيد كۋچما مەرەيجاس يەسىن جىلى لەبىزبەن قۇتتىقتاپ, نۇرسۇلتان نازارباەۆقا مىقتى دەنساۋلىق, سارقىلماس وپتيميزم, قاجىماس قايرات جانە قازاقستان مەن ۋكراينا حالىقتارى دوستىعىنىڭ بۇدان ءارى نىعايا ءتۇسۋىن تىلەيدى. مەملەكەت باسشىسىن قازاقستان رەسپۋبلي­كاسىنداعى توتەنشە جانە وكىلەتتى ەلشىلەر دە قۇتتىقتادى. ءۇندىستان ەلشىسى اشوك سادجانحار ءوز حاتىندا ن.ءا.نازارباەۆتىڭ “قازاقستاننىڭ قارىشتاي ءوسۋى, دامۋى جانە گۇلدەنۋىنە قوسقان ۇلەسى شىنىندا دا اسا زور جانە بىرەگەي” ەكەنىن ايتا كەلىپ, “اوسشك-ءنى قۇرۋشى رەتىندە ءسىز ازياداعى بەيبىتشىلىك, قاۋىپسىزدىك جانە تۇراقتىلىقتىڭ دامۋىندا بيىك بەلەستەرگە كوتەرىلدىڭىز. ءسىزدىڭ مۇناي قورىن جانە “بولاشاق” باعدارلاماسىن قۇرۋ سياقتى باستامالارىڭىز قازاقستان ءۇشىن وتە ءتيىمدى ءارى پايدالى ەكەنىن كورسەتتى”, – دەپ اتاپ وتكەن. ۋكراينا ەلشىسى ن.ف.سەليۆون نۇرسۇلتان نازارباەۆتى مەرەيتويىمەن جانە استانا كۇنىمەن قۇتتىقتاعان. حاتتا قازاقستاننىڭ تۇ­راقتىلىعى جانە تىنىشتىعىمەن ەرەكشەلەنىپ وتىرعان بۇگىنگى الەمدەگى ساناۋلى مەملەكەتتىڭ ءبىرى ەكەنى ايتىلادى. “مۇنىڭ بارلىعىنا ءسىزدىڭ كەمەڭگەرلىگىڭىزدىڭ جانە ۇلت ەلباسى اتاعىنا لايىقتى تۇردە يە بولعان مەملەكەت قايراتكەرى رەتىندەگى تاجىريبەڭىزدىڭ ارقاسىندا جەتۋ مۇمكىن بولدى”, – دەلىنگەن. ۆەتنام سوتسياليستىك رەسپۋبليكاسىنىڭ ەلشىسى ۆۋ تحە حيەپ ءوز حاتىندا نۇرسۇلتان نازارباەۆتىڭ اتىنا “مەرەيلى مەرەيجاسقا بايلانىستى ەڭ جاقسى جانە جۇرەكتەن شىققان قۇتتىقتاۋلارىن” جولدايدى. ەلشى ۆەتنامدا ن.ءا.نازارباەۆتىڭ “قازاقستان حالقىنىڭ ليدەرى, ۇلى جاڭارتۋشى جانە قازىرگى قازاق­ستاننىڭ قايتا ورلەۋى مەن گۇلدەنۋىنە, سونى­مەن قاتار وڭىردە جانە الەمدە بەيبىتشىلىك, قاۋىپسىزدىك جانە ىنتىماقتاستىقتى قامتاما­سىز ەتۋ ۇدەرىسىنە اسقان زور ۇلەس قوسقان جانە قوسىپ كەلە جاتقان الەمدىك دەڭگەيدەگى كورنەكتى ساياسي قايراتكەر” رەتىندە تانىمال ەكەنى اتاپ ايتىلعان. گرۋزياداعى ۋكراينا ەلشىسى ۆاسيلي تسى­بەن­كو ن.نازارباەۆقا جولداعان قۇتتىقتاۋىندا: “ۇلكەن دە كۇردەلى جولدى سىزبەن بىرگە ءجۇرىپ وتكەن, ەڭ اۋىر سىناقتارعا توتەپ بەرگەن قازاقستاندىقتار ءوز وتانىن جانە ءوز ەلباسىن ماقتانىش ەتۋگە بارلىق جاعىنان قاقىلى”, – دەپ جازادى. رەسەي فەدەراتسياسىنىڭ ونەركاسىپ جانە ساۋدا ءمينيسترى ۆ.ب.حريستەنكو قازاقستان پرەزيدەنتىنە تۋعان كۇنىندە بۇدان دا وزگە ۇلكەن جەتىستىكتەر تىلەپ, ء“سىزدىڭ يىعىڭىزدا ءوز ەلىڭىزدىڭ قارىشتى دامۋى سالماعىنىڭ اۋىر جاۋاپكەرشىلىگى جاتىر عوي”, – دەيدى. رف فج مەملەكەتتىك دۋماسىنداعى رفكپ فراكتسياسىنىڭ جەتەكشىسى, رفكپ وك توراعاسى گەننادي زيۋگانوۆ ءوزىنىڭ قۇتتىقتاۋ جەدەلحاتىندا “پوستكەڭەستىك تاريحتىڭ كۇردەلى كەزەڭىندە اسا كەمەڭگەر, بەلسەندى جانە بارشاعا سىيلى ادام باسقارعان قازاقستان رەسپۋبليكاسىنىڭ جولى ايرىقشا ءساتتى بولعانىن” اتاپ ايتقان. نۇرسۇلتان نازارباەۆتى رەسەي پرەزيدەنتى جانىنداعى ازاماتتىق قوعام ينستيتۋتتارى­نىڭ دامۋىنا كومەك جانە ادام قۇقىقتارى جونىندەگى كەڭەس توراعاسى ە.پامفيلوۆا, رەسەي مەملەكەتتىك دۋماسىنىڭ تۇراقتى دامۋ ءجو­نىن­دەگى شاعىن كوميتەتىنىڭ توراعاسى, سوتسياليستىك ەڭبەك ەرى, رعا اكادەميگى م.چ.زاليحانوۆ, تانىمال ءمۇسىنشى ز.ك.تسەرەتەلي جانە تانىمال كينواكتەر ارمەن دجيگارحانيان مەرەيجاسىمەن قۇتتىقتاپ, الدا دا تابىستار تىلەيدى. ماسكەۋ جانە كۇللى رەسەي پاتريارحى كيريلل ءوز حاتىندا نۇرسۇلتان نازارباەۆتى مەرەيجاسىمەن قۇتتىقتاپ, ەلىمىز قول جەتكىز­گەن زور تابىستاردى اتاپ وتكەن. “بۇگىندە قا­زاق­ستان رۋحاني-ادامگەرشىلىك قۇندىلىقتارى ەلدىڭ تولىققاندى ىلگەرىلەۋشىلىگىنە ساي كەلە­تىن مەملەكەت ۇلگىسى بولا الاتىنىنا مەن كۋا­لىك ەتەمىن” دەلىنگەن پاتريارحتىڭ قۇتتىق­تاۋىندا. رەسەي مۇفتيلەرى كەڭەسىنىڭ توراعاسى ر.گاينۋتديننىڭ حاتىندا: ء“سىزدىڭ قازاقستان رەسپۋبليكاسى باسشىلىعىنداعى جيىرما جىلدان استام قىزمەتىڭىز, ءسىزدىڭ باستاما­لارىڭىز, ءسىزدىڭ جانىڭىزدىڭ ەلگەزەكتىگى, سوزدەرىڭىز بەن مەملەكەت ىستەرىندەگى ومىرلىك تاجىريبەگە قۇرىلعان پايىمدى پاراساتىڭىز سىزگە دەگەن شىنايى سىيلاستىق پەن بۇكىل­حالىقتىق قۇرمەتتى وياتتى”, – دەلىنگەن. نۇرسۇلتان نازارباەۆتى مەرەيتويىمەن جانە ەلوردا كۇنىمەن قۇتتىقتاعان كوپتەگەن حاتتار بەلگىلى كورپوراتسيالار مەن كومپانيا­لاردىڭ جەتەكشىلەرىنەن جانە وكىلدەرىنەن كەلىپ ءتۇستى. ەۋروپا قايتا قۇرۋ جانە دامۋ بانكىنىڭ پرەزيدەنتى توماس ميروۋ ءوزىنىڭ جانە وزىنەن بۇرىنعى ارىپتەستەرىنىڭ نۇرسۇلتان نازارباەۆ­تى ءاردايىم جاقسى دوس, سەنىمدى ارىپتەس جانە قازاقستاننىڭ دامۋىنا وزدەرىنىڭ اتسالىسۋ­لارىن لايىقتى باعالاي بىلەتىن جان رەتىندە تانىعانىن جازادى. “شەۆرون” كورپوراتسياسى اتىنان ن.ءا.نا­زار­باەۆتى دەۆيد و’ رايلي قۇتتىقتاپ, مەرەي­توي يەسىنە “قازاقستان رەسپۋبليكاسىنىڭ باياندى بولاشاعىن قالاۋ جونىندەگى جۇمى­سىن­دا ۇزاق تا سالاماتتى عۇمىر جانە باقىت” تىلەيدى. ادرياان ۆان دەر مەەر حالىقارالىق عى­لىمي-تەحنيكالىق ورتالىقتىڭ باسقارۋشىلار كەڭەسىنىڭ اتىنان نۇرسۇلتان نازارباەۆتى مەرەيجاسىمەن قۇتتىقتاپ, قازاقستان پرەزي­دەنتى ۇسىنعان ەلدى دامىتۋدىڭ تۇجىرىم­داماسىنا ءوزىنىڭ قولداۋ بىلدىرەتىنىن جەتكىزەدى. “يتەرا” ديرەكتورلار كەڭەسىنىڭ توراعاسى ي.ۆ.ماكاروۆ نۇرسۇلتان نازارباەۆقا كومپا­نيا باسشىلىعى مەن ۇجىمى اتىنان شىن جۇرەكتەن شىققان جانە يگى ماقساتتاردى ءجۇ­زەگە اسىرۋ جولىندا تابىستار مەن ساتتىلىكتەر تىلەگەن قۇتتىقتاۋلارىن جەتكىزگەن. توكيو-ميتسۋبيسي بانكىنىڭ باسقارما ءتور­اعاسى كاتسۋنوري ناگاياسۋ مەملەكەت باسشىسىن مەرەيجاسىمەن جانە ءبىزدىڭ ەلىمىز قول جەتكىزگەن زور جەتىستىكتەرمەن قۇتتىقتايدى. ء“بىزدىڭ بانك ءۇشىن قازاقستانمەن ءوزارا قارىم-قاتىناستى نىعايتۋ باسىم ماقسات بولىپ تابىلادى. ءبىز الداعى ۋاقىتتا دا قازاقستان­نىڭ دامۋىنا قۋانا-قۋانا ءتۇرلى كومەك كورسەتەتىن بولامىز” دەلىنگەن حاتتا. “رۋسال” كومپانياسىنىڭ باس ديرەكتورى و.دەريپاسكا ءوز قۇتتىقتاۋىندا نۇرسۇلتان نازارباەۆتىڭ ءومىرى – “بيىك ادامي اڭسارلارعا رياسىز قىزمەت ەتۋدىڭ جارقىن ۇلگىسى” ەكەنىن اتاپ وتكەن. “قازاقستان رەسپۋبليكاسى باسشىلىعىن­داعى ءسىزدىڭ سان قىرلى قىزمەتىڭىز ماقساتقا جەتۋدەگى تاباندىلىقتىڭ, بيىك پاتريوتتىق سەزىمنىڭ, ازاماتتىق بورىشقا ادالدىقتىڭ ايشىقتى كورىنىسى”, – دەلىنگەن نۇرسۇلتان نازارباەۆتىڭ اتىنا جولدانعان رەسەيدىڭ “ۆنەشەكونومبانك” توراعاسى ۆ.ا.دميتريەۆتىڭ قۇتتىقتاۋ حاتىندا. “كونوكوفيليپپستىڭ” ديرەكتورلار كەڭەسى­نىڭ توراعاسى دج.مالۆا مەملەكەت باسشىسىن مەرەيجاسىمەن قۇتتىقتاي كەلە, “كومپانيا قازاقستاننىڭ جەتىستىكتەرىن جانە ءسىزدىڭ ەلى­ڭىزدىڭ قارقىندى دامۋى مەن گۇلدەنۋىنە قوسىپ جاتقان ءوز ۇلەسىن ماقتانىش تۇتاتىنىن” اتاپ ايتقان. “بي دجي گرۋپپ” كومپانياسىنىڭ جانە جەكە ءوزىنىڭ اتىنان پرەزيدەنت ن.ءا.نازار­باەۆتى فرانك چاپمان قۇتتىقتادى. “وسى مۇمكىندىكتى پايدالانا وتىرىپ, ءسىزدى ءوزىڭىز قول جەتكىزگەن ەلەۋلى تابىستارىڭىزبەن قۇت­تىقتاعىم كەلەدى, – دەپ جازادى ف.چاپمان. – ءسىزدىڭ الىستى كوزدەگەن كورەگەن سايا­سا­تىڭىزدىڭ ارقاسىندا حالىقارالىق ينۆەس­تور­لارعا قازاقستاندا جۇمىس ىستەۋگە مۇمكىندىك پايدا بولدى”. ءوز كەزەگىندە “بي دجي كازاحستان” كوم­پا­نياسىنىڭ پرەزيدەنتى مارك روللينز مەم­لەكەت باسشىسىن ءوزى باسقاراتىن كومپانيانىڭ “الدا دا ءسىز جانە قازاقستان ۇكىمەتى قويعان باسىم مىندەتتەردى ورىنداۋعا قولداۋ كورسەتە بەرەتىنىنە” سەندىرەدى قۇتتىقتاۋ حاتىندا. “پەتروقازاقستاننىڭ” سان مىڭداعان ۇجىمى اتىنان ن.ءا.نازارباەۆتى كومپانيا پرەزيدەنتى ۆەي يۋيسيان قۇتتىقتادى. ول قازاقستان حالقى ءوزىنىڭ كوپ جەتىستىكتەرىن ءوز پرەزيدەنتىنىڭ, “بۇگىنگى ەلدىڭ ۇلت كوش­باسشىسىنىڭ” اتىمەن بايلانىستىراتىنىن ايتادى. سونىمەن قاتار, نۇرسۇلتان نازارباەۆتى قۇتتىقتاعان حاتتار “حالىقارالىق ەۋرازيا ءۇيىنىڭ” اتىنان پروفەسسور ا.ساركيسياننان جانە باتۋم تەڭىز پورتىنىڭ (گرۋزيا) ديرەكتورى ز.شۋرگايادان كەلدى. ن.ءا.نازارباەۆتى مەرەيجاسى جانە استانا كۇنىمەن قۇتتىقتاعان جىلى لەبىزدى قۇتتىقتاۋلار قوعامدىق ۇيىمداردان دا كەلىپ ءتۇستى. اتاپ ايتقاندا, كورينف قالاسىنىڭ (گرەكيا) پونتيلىق قوعامىنىڭ توراعاسى ي.ي.شونۋستان, بۇرىنعى وتانداسىمىز, قاراشاي قوعامدىق ۇيىمدارى كەڭەسىنىڭ اتىنان قۇتتىقتاعان ب.س.بايرامقۇلوۆتان كەلدى.