5 ناۋرىز كۇنى قازاقستانعا جولاۋشىلاردى الىپ كەلۋ ءۇشىن قازاقستاندىق جانە شەتەلدىك اۋە كومپانيالار تاعى بىرنەشە رەيس ورىندايدى.
Air Astana اۋە كومپانياسى جيددا – اقتاۋ – الماتى جانە جيددا – اتىراۋ – الماتى باعىتتارى بويىنشا ەكى رەيس ورىنداۋدى جوسپارلاپ وتىر.
SCAT Airlines اۋە كومپانياسىمەن ماسكات – الماتى باعىتى بويىنشا 2 رەيس ورىندالادى.
تاياۋ شىعىس ەلدەرىنەن قازاقستاندىقتاردىڭ كەزەكتى لەگى ەلگە امان-ەسەن جەتكىزىلدى
Air Arabia اۋە كومپانياسى شاردجا – الماتى باعىتى بويىنشا رەيس ورىنداۋدا. تاۋلىكتىڭ سوڭىنا دەيىن وسى باعىتتا تاعى ءبىر رەيس جوسپارلانعان.
Flydubai اۋە كومپانياسى دۋباي قالاسىنان الماتى جانە استانا قالالارىنا رەيستەر جاساۋدى جوسپارلاپ وتىر (جولاۋشىلار سانى ناقتىلانۋدا).
ال 3 ناۋرىزدان باستاپ تاياۋ شىعىس ەلدەرىنەن قازاقستان رەسپۋبليكاسىنا بارلىعى 12 رەيس ۇشىپ كەلدى, ناتيجەسىندە 2 111 جولاۋشى ەلگە ورالدى.
تاياۋ شىعىستاعى قاقتىعىسقا قاتىستى قازاقستاننىڭ ۇستانىمى قانداي؟
بۇگىنگى كۇنمەن قوسقاندا تاياۋ شىعىس ەلدەرىنەن قازاقستانعا شامامەن 4 000 ازامات جەتكىزىلەدى.
قازاقستان ازاماتتارىن ەلگە قايتارۋ جۇمىستارى ۋاكىلەتتى مەملەكەتتىك ورگاندار مەن اۋە كومپانيالارىنىڭ بىرلەسكەن جۇمىسى اياسىندا جالعاسىپ جاتىر.
ەسكە سالايىق, تاياۋ شىعىستاعى ساياسي احۋالدىڭ ۋشىعۋىنا بايلانىستى Air Astana بىرقاتار حالىقارالىق باعىتتار بويىنشا شەكتەۋلەردى ۇزارتتى.
بۇعان دەيىن تاياۋ شىعىستاعى قاقتىعىس سالدارىنان 13 رەيس توقتاتىلعانىن جازعان بولاتىنبىز. سونداي-اق تاياۋ شىعىستاعى احۋالدىڭ ۋشىعۋىنا بايلانىستى قازاقستاننىڭ شەت ەلدەردەگى مەكەمەلەرىنىڭ جەدەل بايلانىس جانە «جەدەل جەلى» نومىرلەرىنىڭ ىسكە قوسىلعانى حابارلانعان ەدى. سونىمەن قاتار دۋبايدان ومان ارقىلى 467 وتانداسىمىز ەلگە جەتكىزىلدى.
ال Flydubai اۋە كومپانياسى دۋباي قالاسىنان استانا جانە الماتى قالالارىنا ەكى ەۆاكۋاتسيالىق رەيستى ورىندادى.
