فوتو: اشىق دەرەككوز
نەگىزىندە, «احمات» ءوز الاڭىندا 39 جاستاعى قاقپاشى يگور اكينفەەۆ قورعاعان قاقپانى ءۇش رەت ءدال كوزدەگەن. الايدا تورەشى سەرگەي كاراسەۆ لەچي سادۋلاەۆ پەن سەرگەي ءپرياحيننىڭ گولدارىن وفسايد دەپ ەسەپتەپ, ناتيجەنى تىركەمەدى. ال سامورودوۆتىڭ دوبى ەرەجە اياسىندا سوعىلدى.
كەزدەسۋدىڭ 4-مينۋتىندا اقتوبەلىك فۋتبولشى ايىپ الاڭى سىزىعىنا جۋىق تۇستان جويقىن سوققى جاساپ, دوپ قورعاۋشىعا ءتيىپ, قاقپانىڭ بۇرىشىنا باعىت الدى. بۇل – ونىڭ بيىلعى رەسەي چەمپيوناتىنداعى ءۇشىنشى گولى جانە «احمات» ساپىنداعى 125 ماتچتاعى 25-ءشى ناتيجەلى سوققىسى.
قىسقى ۇزىلىستەن كەيىن قايتا جالعاسقان رەسەي پرەمەر-ليگاسىنىڭ ماتچتارىندا كوش باسىنداعى ءۇش كوماندا – «كراسنودار», «زەنيت» جانە «لوكوموتيۆ» – ءوز الاڭدارىندا جەڭىسكە جەتتى. «كراسنودار» «روستوۆتى» 2:1 ەسەبىمەن ۇتسا, پەتەربورلىقتار «بالتيكانى» 1:0 ەسەبىمەن تىزە بۇكتىردى. بۇل ويىندا وتانداسىمىز نۇرالى ءالىپ الاڭعا ماتچ سوڭىندا شىقتى. ال ماسكەۋلىك «لوكوموتيۆ» «پاري نيجني نوۆگورودتى» 2:1 ەسەبىمەن جەڭدى.
«سوچي» مەن «سپارتاك» اراسىنداعى كەزدەسۋ ۇشقىشسىز اپپاراتتار شابۋىلى قاۋپىنە بايلانىستى كەيىنگە قالدىرىلدى.
قازاقستاننىڭ ۇلتتىق فۋتبول قۇراماسىنىڭ باپكەرلەر شتابى انىقتالدى
19 تۋر قورىتىندىسى بويىنشا «احمات» تۋرنيرلىك كەستەدە جەتىنشى ورىندا كەلەدى. ولار ءبىر ۇپاي ارتىقشىلىقپەن دينامو موسكۆا كومانداسىنان الدا تۇر. اتالعان كلۋب ساپىنداعى وتانداسىمىز باحتيەر زاينۋتدينوۆ جاراقاتىنا بايلانىستى «كرىليا سوۆەتوۆقا» قارسى (4:0) ماتچقا قاتىسقان جوق.
گروزنىيلىقتار كەلەسى ويىنىن 9 ناۋرىز كۇنى ماسكەۋدە «لوكوموتيۆكە» قارسى وتكىزەدى.
