وقۋشىلار باتىر بابالارىنا تاعزىم ەتۋدە

ەركىن ەلدىڭ ەرتەڭى وتكەننەن ۇلگى الا وتىرىپ, وتان­­­­­­شىل­دىق رۋحتى قالىپتاستىرۋ جو­لىن­دا جاستاردىڭ بۇل سەرپىلىسى جا­نى­ڭا جىلۋ ۇيالاتادى. ءبىر زامان­دارى جان-جاك رۋسسو “ەڭ ۇلى جاقسى­لىقتار مەن يگى جەڭىستەر اتا­مە­كەنگە دەگەن سۇيىسپەنشىلىكتىڭ ار­قا­سىندا جاسالادى” دەپتى. شى­نىن­دا, اتامە­كەنىن ارداقتاي وتىرىپ, سول قاسيەتتى جەردى قورعاعان باتىر­لار رۋحىنا تاع­زىم ەتۋدىڭ ادەمى ءۇل­گىسىن الماتى وب­لىسى, قاراساي اۋ­دانىنداعى قاراساي باتىر اتىن­دا­عى مەكتەپ-گيمنا­زيا­سىنىڭ وقۋ­شى­لارى كورسەتىپ وتىر. ولار تاياۋدا الماتى مەن استانا اراسىندا جىبەك جولى بويىمەن ەكسپەديتسيا ۇيىمداستىرىپ, كيەلى ۇلت ۇلىلارىنا قۇرمەت كورسەتتى. استاناعا اتباسىن تىرەگەندە ولاردى ەلورداداعى رايىمبەك باتىر اتىن­­داعى №50 “قازعارىش” مەكتەپ-لي­تسەي وقۋشىلارى قارسى الىپ, ەلور­دامەن تانىستىردى. قالالىق ءبىلىم باسقارماسىنىڭ باستىعى ءا.بي­مەن­دينا وقۋشىلاردى قابىلداپ, ولار­دىڭ سولتۇستىك قازاقستان وبلىسى, ايىرتاۋ اۋدانىندا جاتقان قارا­ساي مەن اعىنتاي باتىرلاردىڭ باسىنا بارىپ قايتۋعا, ودان وزگە دە ۇلتى­مىزدىڭ ارىستارىنىڭ رۋحىنا قۇران باعىشتاۋىنا مۇمكىندىك جاسادى. بىلەكتىڭ كۇشىمەن, نايزانىڭ ۇشىمەن وسىناۋ بايتاق دالامىزدى باسقىنشىلاردان قورعاعان باتىر بابالار باستارىنا بارىپ زيرات ەتۋ­مەن عانا شەكتەلىپ قالماي, ولاردىڭ بويىنداعى ەل مەن جەرگە دەگەن ادال­دىقتى, باتىرلىق پەن باتىل­دىقتى ۇيرەنسەك, ويىمىزعا دارىت­ساق, ءسويتىپ, زامانداستارىمىزعا ۇلگى بولساق دەگەن ويمەن وسى جورىققا شىققان ەدىك. بۇل جولى جەتىسۋ مەن ارقانى ارالاساق, الداعى ۋاقىتتا مۇنداي ساپارلاردى باتىس وڭىرىنە جاساپ, يساتاي مەن ماحامبەت با­با­لارىمىز باسقان وڭىرگە جول تارت­پاقپىز, – دەيدى قاراسايلىق وقۋشى ەل­دار جۇماتاەۆ. سۇلەيمەن مامەت.